everything maths and science - C2B2A

straalkissie
glasblok
A4 papier
3. Jy sal die pad van die inkomende en uitgaande ligstrale op die papier moet
merk. Doen dit deur eers ’n kolletjie op die papier te maak iewers op die pad
van die inkomende straal. Maak nou ’n tweede kolletjie op die papier waar die
inkomende ligstraal die oppervlak van die glasblok tref. Doen dieselfde vir die
uitgaande ligstraal; merk die punt waar dit die glasblok verlaat en enige ander
punt op sy pad.
4. Skakel nou die straalkissie af en verwyder die glasblok van die papier. Gebruik
’n liniaal om die kolletjies van die inkomende ligstraal te verbind. Verbind nou
die kolletjies van die uitgaande ligstraal. Laastens, teken ’n lyn wat die punte
waar die inkomende straal die blok tref en waar die uitgaande straal die blok
verlaat, verbind. Hierdie is die pad van die ligstraal deur die glas.
5. Die doel van hierdie eksperiment is om Snell se wet te bevestig, naamlik
n1 sin θ1 = n2 sin θ2. Ons ken die brekingsindeks van ons twee mediums:
Vir lug, n1 = 1,0
Vir glas, n2 = 1,5
Nou moet ons die twee hoeke, θ1 en θ2 meet. Om dit te doen teken ons die
normaal op die oppervlak waar die ligstraal die blok binnedring. Gebruik die
gradeboog om ’n hoek van 90 ◦ teenoor die oppervlak te meet en teken die normaal.
Teen hierdie stadium behoort die tekening op jou stukkie papier soos volg
te lyk:
θ1
θ2
6. Meet nou θ1 en θ2 met die gradeboog. Vul die gemete waardes in ’n tabel wat
soos volg lyk:
Hoofstuk 5. Geometriese Optika
217