everything maths and science - C2B2A

Informele eksperiment: Ligvoortplanting van een medium na ’n ander medium
Doel:
Om die voortplanting van lig van een medium na ’n ander te ondersoek.
Apparaat:
straalkissie, glasblokke van verskillende vorms, ’n deurskynende houer gevul met water,
gewone papier, potlood, liniaal, gradeboog
Metode:
Begin met die reghoekige glasblok, herhaal die stappe hieronder vir elk van die verskillende
glasblok vorms:
1. Plaas die glasblok op ’n stuk papier en trek met jou potlood die blok se buitelyn
op die papier af.
2. Skakel die straaldoos aan en mik die ligstraal deur een van die blok se oppervlaktes.
3. Maak ’n kolletjie op die punt waar die lig die blok binnedring en nog een iewers
op die invalstraal. Maak ook ’n kolletjie op die punt waar die ligstraal die blok
verlaat en nog een iewers op die uitvalstraal.
4. Verwyder die glasblok en skakel die straalkissie af. Verbind die kolletjies met
behulp van jou liniaal.
5. Teken nou die normaal op die oppervlaktes waar die ligstraal die blok binnedring
en waar dit die blok verlaat.
6. Gebruik jou gradeboog om die invalshoek en die brekingshoek te meet op die
oppervlaktes waar die ligstraal die blok binnedring en waar dit die blok verlaat.
Volg nou dieselfde stappe soos voorheen, maar plaas verskillende gekleurde filters op
die oppervlaktes van die blokke waar die lig die blokke binnedring.
Laastens, vervang die glasblokke met die houer gevul met water en herhaal die stappe
soos bo genoem. Vir hierdie geval, probeer om die straalkissie te rig sodat die invalshoek
op die houer gevul met water dieselfde is as wat dit was op die reghoekige
glasblok wat jy eerste ondersoek het. Hierdie is makliker indien jy jou nuwe papier
bo-op die tekening wat jy gemaak het van die reghoekige glasblok plaas. Bring die
houer in lyn met waar jy die kant van die glasblok geteken het. Rig nou die straalkissie,
sodat die lig in lyn is met die invalstraal op jou papier en volg die stappe soos
voorheen.
Besprekingsvrae:
1. Vir elk van jou verskillende glasblokvorms, hoe vergelyk die invalshoek van lug
na glas met die brekingshoek?
2. Wat gebeur wanneer jy ’n gekleurde filter op die grens tussen lug en ’n glasblok
plaas?
Hoofstuk 5. Geometriese Optika
213