everything maths and science - C2B2A

van lig verander wanneer dit in die nuwe medium inbeweeg, die frekwensie van die
lig dieselfde bly.
DEFINISIE: Breking van lig
Breking van lig kom voor by die grens tussen twee mediums wanneer lig beweeg van
een medium na die ander en die lig se spoed verander maar sy frekwensie dieselfde
bly. As die ligstraal die grens tref teen enige hoek wat nie loodreg of parallel aan die
grens is nie, dan sal die lig van rigting verander en lyk asof dit ‘buig’.
Ligbreking word mooi gedemonstreer as jy met ’n hoek van bo af kyk na ’n strooitjie
in ’n glas water. Die strooitjie sal lyk asof dit gebuig is in die vloeistof. Dit is omdat
die ligstrale wat die strooitjie verlaat, van rigting verander wanneer dit die grens tussen
die vloeistof en die lug tref. Jou oë projekteer die ligstrale terug in reguitlyne na die
punt waarvandaan hulle sou gekom het as hulle nie van rigting verander het nie. Die
gevolg is dat dit vir jou lyk asof die punt van die strooitjie vlakker is in die vloeistof as
wat dit regtig is.
waarnemer
strooitjie
glas met water
Figuur 5.8: As gevolg van breking lyk ’n strooitjie in ’n glas water asof dit gebuig is wanneer ’n
waarnemer afkyk met ’n hoek bo die water se oppervlak.
Brekingsindeks ESE45
Die spoed van lig en daarom ook die graad van buiging van lig is afhanklik van die
brekingsindeks van die stof waardeur die lig beweeg. Die brekingsindeks (simbool n)
is die verhouding van die spoed van lig in vakuum tot die spoed van lig in die stof.
DEFINISIE: Brekingsindeks
Die brekingsindeks (simbool n) van ‘n stof is die verhouding van die spoed van lig in
vakuum tot die spoed van lig in die stof en gee ‘n aanduiding van hoe moeilik dit vir
lig is om deur die stof te beweeg.
waar
n = c
v
n = brekingsindeks (geen eenheid)
c = spoed van lig in ‘n vakuum (3,00 × 10 8 m·s −1 )
v = spoed van lig in die gegewe medium (m·s −1 )
Hoofstuk 5. Geometriese Optika
207