everything maths and science - C2B2A

lig versprei. Ligstrale is nie ’n presiese beskywing van die lig nie; hulle dui bloot die
rigting waarheen die liggolffonte beweeg aan.
DEFINISIE: Ligstraal
Ligstrale is lyne wat loodreg op die lig se golffonte val. In geometriese optika stel ons
ligstrale voor met reguitlyn-pyle.
Die gloeilamp is ’n bron van lig. Die
liggolffronte word gewys deur die konsentriese
sirkels wat uit die gloeilamp
uit kom. Ons stel die rigting waarin die
golffronte beweeg voor deur ligstrale
(die pyle) loodreg tot die golffronte te
teken.
In Figuur 5.1, bereik ligstrale van die
voorwerp die oog en die oog sien die
voorwerp. Let op dat ons slegs ’n voorwerp
kan sien wanneer lig afkomstig
van die voorwerp ons oë binnedring.
Die voorwerp moet ’n bron van lig
wees (byvoorbeeld ’n gloeilamp) of anders
moet die lig vanaf die bron weerkaarts
(die maan weerkaarts die lig van
die son), en die lig moet ons oë binnedring.
Figuur 5.1: Ons kan ’n voorwerp slegs sien as lig van daardie voorwerp ons oë binnekom.
Wanneer die lig vanaf die voorwerp tot by die oog beweeg, kan die oog die voorwerp sien.
Ligstrale wat die oog binnekom van die wa sal onsigbaar wees omdat geen reguit, onversperde
lyne tussen dit en die oog bestaan nie.
Vanaf die sketse kan jy sien dat ligstrale wat die baan van lig aandui, reguit pyle is. Lig
beweeg in geometriese optika in reguit lyne.
Ondersoek: Om aan te dui dat lig in reguit lyne beweeg
Apparaat:
Jy het ’n kers, vuurhoutjies en drie velle papier nodig.
Metode:
1. Maak ’n klein gaatjie in die middel van elk van die drie velle papier.
Hoofstuk 5. Geometriese Optika
199