everything maths and science - C2B2A

OPLOSSING
Stap 1: Dink oor dit wat jy van die molekules weet
Natriumchloried is ionies (die elektronegatiwiteitsverskil is 2,1). Water het polêre bindings
(die elektronegatiwiteitsverskil is 1,4). Water is ’n polêre molekule (sy molekulêre
vorm is gebuig of hoekig).
Stap 2: Nou besluit ons watter geval dit is
Dit is ’n ioniese stof in interaksie met ’n polêre stof. Hierdie interaksie is ’n ioondipoolkrag.
Oefening 4 – 1:
Watter intermolekulêre kragte word aangetref in:
1. waterstoffluoried (HF)
2. metaan (CH4)
3. kaliumchloried in ammoniak (KCl in NH3)
4. kripton (Kr)
Dink jy jy het dit? Kry oplossings en meer oefening op ons Intelligent Practice Service
1. 26ZS 2. 26ZT 3. 26ZV 4. 26ZW
www.everythingscience.co.za m.everythingscience.co.za
Om intermolekulêre kragte te kan verstaan ESE3Q
Die tipe intermolekulêre kragte wat in ’n stof voorkom sal sy eienskappe soos fasetoestand,
smeltpunt en kookpunt bepaal. Jy moet vanaf die kinetiese teorie van materie
(sien Graad 10) onthou dat die fase-toestand van ’n stof bepaal word deur hoe sterk
die kragte tussen die deeltjies is. Hoe swakker die kragte, hoe groter die moontlikheid
dat die stof ’n gas sal wees. Dit is omdat die deeltjies ver van mekaar af kan beweeg,
omdat dit nie baie sterk bymekaar gehou word nie. As die kragte baie sterk is, word
die deeltjies naby mekaar gehou in ’n vaste struktuur. Onthou ook dat die temperatuur
van ’n stof die energie van die deeltjies beïnvloed. Hoe meer energie die deeltjies het,
hoe groter die moontlikheid dat die kragte wat dit naby aanmekaar hou oorkom kan
word. Dit kan ’n fase-verandering veroorsaak.
Hieronder aangedui is die drie fases van water. Neem kennis dat ons tweedimensionele
figure gebruik, terwyl dit in werklikheid driedimensioneel is.
176 4.1. Intermolekulêre en interatomiese kragte