everything maths and science - C2B2A

DEFINISIE: Bindingslengte
Die afstand tussen die kerne van twee naburige atome wanneer hulle bind.
DEFINISIE: Bindingsenergie
Die hoeveelheid energie wat by ‘n sisteem gevoeg moet word om die binding wat
gevorm het te breek.
Dit is belangrik om te onthou dat bindingslengte tussen twee atome wat met mekaar
gebind is, gemeet word. Die volgende diagramme wys die bindingslengte vir CO
en vir CO2. Die grys sirkel verteenwoordig koolstof en die wit sirkel verteenwoordig
suurstof.
O
C
bindingslengte
Figuur 3.10:
Die bindingslengte
van koolstofmonoksied
(CO).
Y
O C O
X
Figuur 3.11:
Die bindingslengte vir elke C − O-binding in
koolstofdioksied (CO2) word deur X aangedui.
Y is nie die bindingslengte nie.
‘n Derde eienskap van bindings is die bindingsterkte. Bindingsterkte beteken hoe
sterk een atoom aangetrek en vasgehou word deur die ander. Die sterkte van ‘n binding
hang af van die bindingslengte, die grootte van die gebinde atome en die aantal
bindings tussen die atome. In die algemeen:
• hoe korter die bindingslengte, hoe sterker is binding.
• hoe kleiner die betrokke atome is, hoe sterker is die binding.
• hoe meer bindings daar tussen dieselfde stome is, hoe sterker die binding.
3.5 Opsomming ESE3K
Sien aanbieding: 26YR op www.everythingscience.co.za
• ’n Chemiese binding is die fisiese proses wat veroorsaak dat atome mekaar aantrek
en in nuwe verbindings gebind word.
• Edelgasse het ’n volle valensiesskil. Atome bind om hulle buitenste valensiesskil
te probeer vul.
• Daar is drie kragte wat tussen atome werk: aantrekkingskragte tussen die positiewe
kern van een atoom en die negatiewe elektrone van ’n ander; afstotingskragte
tussen elektrone met die gelyke lading en afstoting tussen kerne met die
gelyke lading.
• Die energie van ‘n sisteem van twee atome is by ‘n minimum wanneer die
aantrekkings- en afstotingskragte gebalanseer is.
• Lewis diagramme is een manier om molekulêre strukture voor te stel. In ‘n Lewis
diagram word kolle en kruisies gebruik om valenselektrone om die sentrale
atoom voor te stel.
164 3.5. Opsomming