everything maths and science - C2B2A

Geval 2: ’n Verbinding word nie gevorm nie
As ons nou na helium kyk kan ons sien dat elke heliumatoom ‘n gevulde buitenste
energievlak het. Deur na Figuur 3.6 te kyk vind ons dat die energieminimum vir twee
heliumatome baie naby aan nul is. Dit beteken dat die twee atome naby aan mekaar
kan kom, en van mekaar af weg kan beweeg, sonder dat hulle ooit aan mekaar vassit.
Energie
+
X
Afstand tussen
atoomkerne
−
Figuur 3.6: Grafiek wat die energieverandering toon wat plaasvind wanneer twee heliumatome
nader na mekaar toe beweeg.
In die geval van helium is die minimum energie by punt X nie laag genoeg dat twee
atome bymekaar bly nie en hulle beweeg weer weg van mekaar af. Dit is waarom,
wanneer die Lewis diagram vir helium geteken word, slegs een helium atoom geteken
word. Daar is geen verbinding nie.
Ons sien ook dat helium reeds ’n volledig gevulde buitenste energievlak het en geen
verbinding vorm nie.
He • •
Sien simulasie: 26XB op www.everythingscience.co.za
Valenselektrone en Lewis diagramme ESE37
Noudat ons meer van verbindings verstaan is dit nodig om weer Lewis diagramme te
hersien waarvan jy in Graad 10 geleer het. Die kennis oor waarom atome verbind
en die kennis oor hoe om Lewis diagramme te teken gee vir jou die gereedskap wat
jy nodig het om te voorspel watter atome met mekaar sal verbind en watter vorm die
molekule wat ontstaan sal hê.
In Graad 10 het ons geleer hoe om die elektroniese struktuur vir enige element te skryf.
Vir die teken van Lewis diagramme is die metode waarmee jy vertroud moet wees die
spektroskopiese notasie. Die konfigurasie van chloor in spektroskopiese notasie is
byvoorbeeld: 1s 2 2s 2 2p 5 . Of, as ons die gekondenseerde vorm gebruik: [He]2s 2 2p 5 .
Die gekondenseerde spektroskopiese notasie wys jou vinnig hoe die valenselektrone
van die element gerangskik is.
Hoofstuk 3. Atomiese kombinasies
143