everything maths and science - C2B2A

Hierdie drie kragte werk gelyktydig wanneer die twee atome na aan mekaar kom.
Net soos die totale krag wat die atome ondervind verander, verander die hoeveelheid
energie in die stelsel ook.
Kyk nou na Figuur 3.5 om die energieveranderinge wat plaasvind wanneer twee atome
na mekaar toe beweeg, te verstaan.
Energie
+
0
-
X
Afstand tussen atoomkerne
Figuur 3.5: Grafiek wat die energieverandering toon wat plaasvind wanneer twee waterstofatome
nader na mekaar toe beweeg.
Verbeel jou jy hou een atoom vas en die ander beweeg nader aan die eerste. Soos wat
die tweede waterstofatoom nader aan die eerste beweeg (van punt A tot punt X) sal die
energie van die sisteem afneem. Aantrekkende kragte domineer hierdie deel van die
interaksie. Soos wat die tweede atoom nader aan die eerste beweeg en nader aan punt
X kom, word meer energie benodig om hierdie atome weg van mekaar af te trek. Dit
lewer ’n negatiewe potensiële energie.
By punt X balanseer die aantrekkende en afstotende kragte wat op die twee waterstof
atome inwerk mekaar. Die energie van die sisteem is by ’n minimum.
Verder weg aan die linkerkant van punt X word die afstotende kragte sterker as die
aantrekkende kragte en die energie van die stelsel neem toe.
Vir waterstof is die energie by punt X laag genoeg dat die twee atome bymekaar bly
en nie van mekaar af losbreek nie. Dit is waarom dit in die Lewis diagram vir ’n
waterstofmolekule nodig is om twee waterstof atome teenaan mekaar te teken met ’n
elektronpaar tussen hulle.
H H
•×
Ons sien ook dat hierdie rangskikking aan beide waterstofatome ‘n gevulde buitenste
energievlak gee (deur die deling van elektrone, bekend as kovalente binding).
142 3.1. Chemiese binding
A