everything maths and science - C2B2A

Die volgende punte is in die vroeëre besprekings oor elektrone en energievlakke gemaak:
• Elektrone probeer altyd om in die laagste energievlak te wees
• Die edelgasse het gevulde valenselektron orbitale. Neon het, byvoorbeeld, die
volgende elektronkonfigurasie 1s 2 2s 2 2p 6 . Die tweede energievlak, die buitenste
of valensvlak, is gevul.
• Atome verbind met mekaar om ’n edelgas elektronkonfigurasie te bekom.
• Atome met ’n gevulde valenselektronorbitaal is minder reaktief.
Energie en binding ESE36
Daar is twee moontlikhede wat ons in gedagte moet hou wanneer atome nader aan
mekaar beweeg. Eerstens kan twee atome nader aan mekaar beweeg en ’n verbinding
vorm. Tweedens kan dit gebeur dat atome nader aan mekaar beweeg en nie ’n verbinding
vorm nie. Ter verduideliking van die eerste moontlikheid gebruik ons waterstof
as voorbeeld en vir die tweede moontlikheid gebruik ons helium as ’n voorbeeld.
Geval 1: ’n Verbinding vorm
Begin deur jou te verbeel dat twee waterstof atome nader aan mekaar beweeg. Soos
wat hulle nader kom werk drie kragte gelyktydig op die atome in. Hierdie kragte word
hieronder verduidelik:
1. Afstotende krag tussen die elektrone van die atome, aangesien gelyksoortige
ladings mekaar afstoot.
+ +
Figuur 3.2: Afstoting tussen elektrone
2. Aantrekkingskragte tussen die kern van een atoom en die elektrone van ’n ander.
+ +
Figuur 3.3: Aantrekking tussen elektrone en protone
3. Afstotende krag tussen twee positief-gelaaide kerne
+ +
Figuur 3.4: Afstoting tussen protone
Hoofstuk 3. Atomiese kombinasies
WENK
’n Model gebruik dit wat
in die wêreld rondom ons
waargeneem word om
sekere voorspellings te
maak ook dit wat ons nie
kan sien nie.
141