everything maths and science - C2B2A

9. Bereken die gravitasiekrag tussen die Son met ’n massa van 2 × 10 30 kg en die
Aarde met ’n massa van 6 × 10 24 kg, as die afstand tussen hulle 1,4 × 10 8 km is.
10. Hoe verander die gravitasiekrag tussen twee voorwerpe wanneer
a) die massa van elke voorwerp verdubbel word.
b) die afstand tussen die middelpunte van die twee voorwerpe verdubbel
word.
c) die massa van die een voorwerp gehalveer word, en die afstand tussen die
middelpunte van die voorwerpe gehalveer word.
11. Lees elkeen van die volgende stellings en sê of jy saamstem of nie. Gee redes
vir jou antwoord en herskryf die stelling indien nodig:
a) die swaartekragversnelling g is konstant.
b) die gewig van ’n voorwerp is onafhanklik van sy massa.
c) G is onafhanklik van die massa van die voorwerp wat versnel word.
12. ’n Ruimtevaarder weeg 750 N op die oppervlak van die Aarde.
a) Wat sal sy gewig op die oppervlak van Saturnus wees as dié se massa 100
keer groter is as die Aarde met ’n radius 5 keer groter as die Aarde s’n?
b) Wat is die massa van Saturnus?
13. Jou massa is 60 kg op grondvlak in Parys. Hoeveel minder sal jy weeg nadat jy
die hysbak na die bopunt van die Eiffeltoring, wat 405 m hoog is, geneem het?
Aanvaar dat die Aarde se massa 6,0 × 10 24 kg is, en die Aarde se radius 6400 km
is.
14. a) Stel Newton se Wet van Universele Gravitasie
b) Gebruik Newton se Wet van Universele Gravitasie om die grootte van die
versnelling as gevolg van gravitasie op die Maan te bepaal.
Die massa van die Maan is 7,4 × 1022 kg.
Die radius van die Maan is 1,74 × 106 m.
c) Sal ’n ruimtevaarder, uitgerus in sy ruimtepak, hoër op die Maan of op die
Aarde spring? Gee redes vir jou antwoord.
Dink jy jy het dit? Kry oplossings en meer oefening op ons Intelligent Practice Service
1. 26WR 2. 26WS 3. 26WT 4. 26WV 5. 26WW 6. 26WX
7. 26WY 8. 26WZ 9. 26X2 10. 26X3 11a. 26X4 11b. 26X5
11c. 26X6 12. 26X7 13. 26X8 14. 26X9
www.everythingscience.co.za m.everythingscience.co.za
Hoofstuk 2. Newton se wette
137