everything maths and science - C2B2A

c) Die grootte van die krag wat die wiele van die motor op die padoppervlak
uitoefen soos die motor versnel is 7500 N. Wat is die grootte van die
vertragingskragte wat op die motor inwerk?
d) Deur na die toepaslike wet van beweging te verwys, verduidelik waarom ’n
kopstuk (van ’n stoel) so belangrik is vir ’n motor met só ’n groot versnelling.
[IEB 2003/11 HG1 - Sportmotor]
28. ’n Kind (massa 18 kg) is op ’n motorsitplek vasgegordel wanneer die motor teen
konstante spoed op ’n gelyk pad na die regterkante toe beweeg. ’n Gereedskapkis
lê langs hom op die sitplek.
tool box
Die bestuurder rem skielik, wat die motor vinnig tot stilstand bring. Daar is
weglaatbare wrywing tussen die motorsitplek en die gereedskapkis.
a) Teken ’n benoemde kragtediagram van die kragte wat op die kind inwerk
gedurende die tyd wat die voertuig gerem word.
b) Teken ’n benoemde kragtediagram van die kragte wat op die kis inwerk
gedurende die tyd wat die voertuig gerem word.
c) Moderne motors word ontwerp met veiligheidskenmerke (bo en behalwe
veiligheidsgordels) om bestuurders en passasiers gedurende botsings te beskerm,
bv. die vrommelsones van die motor se bakwerk. Eerder as om
tydens ’n botsing rigied te bly, laat die vrommelsones die bakwerk toe om
bestendig ineen te stort.
Stel Newton se tweede wet van beweging.
[IEB 2005/11 HG1]
29. Die totale massa van ’n hysbak met sy belading is 1200 kg. Dit beweeg afwaarts
met ’n konstante snelheid van 9 m·s −1 .
1 200 kg
9m· s −1
a) Wat sal die grootte van die krag wees wat die kabel op die hysbak uitoefen
terwyl dit teen ’n konstante snelheid afwaarts beweeg? Gee ’n verduideliking
van jou antwoord.
b) Die hysbak word nou gelykmatig tot rus gebring oor ’n afstand van 18 m.
Bereken die grootte van die versnellig van die hysbak.
Hoofstuk 2. Newton se wette
131