everything maths and science - C2B2A

2.5 Opsomming ESE33
Sien aanbieding: 26V7 op www.everythingscience.co.za
• Die normaalkrag, N, is die krag wat op ‘n voorwerp uitgeoefen word deur die
oppervlak wat daarmee in kontak is. Die normaalkrag is loodreg op die oppervlak.
• Wrywingskrag is die krag wat die beweging van ‘n liggaam in kontak met die oppervlak
teëwerk en parallel aan die oppervlak waarmee die voorwerp in kontak
is. Die grootte van die wrywing is eweredig aan die normaalkrag.
• Ons kan vir elke oppervlak die konstante faktor bepaal, die wrywingkoëffisiënt,
wat ons in staat stel om te bereken wat die wrywingskrag is as ons die grootte
van die normaalkrag weet. Ons weet dat statiese wrywing en kinetiese wrywing
verskillende groottes het, daarom het ons verskillende koëffisiënte vir die twee
tipes wrywing.
– µs is die statiese wrywingkoëffisiënt
– µk is die kinetiese wrywingkoëffisiënt
• Die komponente van die gravitasiekrag Fg, parallel (x-rigting) en loodreg (yrigting)
op ‘n helling word gegee deur:
Fgx = Fg sin(θ)
Fgy = Fg cos(θ)
• Newton se eerste wet: ’n liggaam behou sy toestand van rus of eenvormige
beweging (beweging met ’n konstante snelheid) tensy ’n ongebalanseerde (netto
of resultant) krag daarop inwerk.
• Newton se tweede wet: Indien die resultante krag op ‘n liggaam inwerk sal die
liggaam versnel in die rigting van die resultante krag. Die versnelling van die
liggaam is direk eweredig aan die toegepaste krag en omgekeerd eweredig aan
die massa van die liggaam. Dit kan wiskundig voorgestel word deur:
Fnet = m a
• Newton se derde wet: Indien liggaam A ‘n krag op liggaam B uitoefen sal liggaam
B ‘n gelyke krag op liggaam A uitoefen maar in die teenoorgestelde rigting.
• Newton se Universele gravitasiewet: Elke puntmassa trek elke ander puntmassa
aan met ‘n krag langs die lyn wat die massas verbind. Die krag is direk eweredig
aan die produk van die massas en omgekeerd eweredig aan die kwadraat van
die afstand tussen hulle.
F = G m1m2
d 2
Fisiese Hoeveelhede
Hoeveelheid Eenheid naam Eenheid simbool
Afstand (d) meter m
Gewig (N) Newton N
Krag (F ) Newton N
Massa (m) kilogram kg
Spanning (T ) Newton N
Versnelling (a) meter per sekonde kwadraat m·s −1
Hoofstuk 2. Newton se wette
123