everything maths and science - C2B2A

In ander woorde, vir stilstaande voorwerpe of voorwerpe wat teen konstante snelheid
beweeg is die resultante krag wat op die voorwerp inwerk nul.
DEFINISIE: Ewewig
Vir ‘n voorwerp in ewewig is die som van die kragte wat daarop inwerk gelyk aan nul.
2.4 Kragte tussen massas ESEX
Gravitasie is waarskynlik die eerste krag waarvan mense leer. Mens dink nie daaraan
om van gravitasie te leer nie omdat dit so ‘n groot rol in ons lewens speel. Babas leer
om te kruip of om te loop deur teen gravitasie te baklei. Speletjies wat spring, klim of
balle insluit, gee mens ‘n sin vir gravitasie. Die spreekwoord wat sê “alles wat opgaan
moet afkom” is ‘n toepassing van gravitasie. Reën val uit die lug na die Aarde as gevolg
van gravitasie. Ons almal weet dat die dinge gebeur, maar ons dink nooit daaraan om
te vra wat gravitasie is nie. Wat veroorsaak gravitasie en hoe kan ons dit meer akkuraat
beskryf as “alles wat opgaan moet afkom”?
Al die genoemde voorbeelde bevat voorwerpe met ‘n massa wat na die grond toe val
as gevolg van die Aarde se aantrekkingskrag. Gravitasie is die naam wat gegee word
aan die krag wat tussen twee voorwerpe voorkom as gevolg van hulle massas. Hierdie
krag is altyd ‘n nie-kontak aantrekkende krag. Die Aarde is verantwoordelik vir die
gravitasiekrag op die maan wat die maan in ‘n wentelbaan om die Aarde hou en die
maan oefen ’n gravitasiekrag op die Aarde uit wat ook die hoofrede vir getye op die
Aarde is.
Sir Isaac Newton was die eerste wetenskaplike wat gravitasiekrag volledig gedefinieer
het en aan te dui dat dit ‘n verklaring kon gee vir vallende liggame en die beweging
van astronomiese liggame. Die gravitasiekrag is relatief eenvoudig. Dit is altyd aantrekkend,
en dit hang slegs af van die massas betrokke en die afstand tussen hulle.
In ons hedendaagse taal stel Newton se Universele gravitasiewet dit dat elke deeltjie
in die heelal mekaar aantrek met ‘n krag langs die lyn wat die deeltjies verbind. DIe
krag is direk eweredig aan die massas van die deeltjies en omgekeerd eweredig aan
die kwadraat van die afstand tussen die deeltjies.
Newton se universele gravitasiewet ESEY
DEFINISIE: Newton se universele gravitasiewet
Elke puntmassa trek elke ander puntmassa aan met ‘n krag langs die lyn wat die twee
verbind. Die krag is direk eweredig aan die produk van die massas en omgekeerd
eweredig aan die kwadraat van die afstand tussen die massas.
Die grootte van die aantrekkende gravitasiekrag tussen die twee puntmassas, F, word
gegee deur
F = G m1m2
d 2
waar F in Newton gegee word (N), G is die gravitasie konstant 6,67×10 -11 N·m 2 ·kg −2 ,
m1 is die massa van die eerste punt in kilogram (kg), m2 is die massa van die tweede
112 2.4. Kragte tussen massas