NASIONALE KURRIKULUMVERKLARING GRAAD 10-12 ...

Elektriese Tegnologie as 'n genotvolle en bevredigende lewenservaring te praktiseer;
Die maatskaplike bydrae van Elektroniese Tegnologie te verstaan met verwysing na ekonomiese
groei, ondernemerskap en volhoubaarheid;
Te verstaan dat Elektriese Tegnologie dalk 'n werktuig vir maatskaplike verandering kan wees
deur die lewensgehalte te verbeter en oplossings daar te stel wat 'n respons op individuele en
gemeenskapsbehoeftes is;
Die kulturele erfenis te bevestig deur 'n fokus op inheemse kennis;
'n Bewustheid van loopbaangeleenthede in die elektriese bedryf te ontwikkel; en
Die leerder se skeppende potensiaal te ontwikkel.
2.3 WAT IS DIE VERWANTSKAP TUSSEN ELEKTRIESE TEGNOLOGIE EN DIE
BEGINSELS VAN DIE NASIONALE KURRIKULUMVERKLARING?
Die Grondwet van die Republiek van Suid-Afrika (Wet 108 van 1996) onderlê die NKV en
voorsien 'n grondslag vir kurrikulumtransformasie en –ontwikkeling in Suid-Afrika. Die Nasionale
Kurrikulumverklaring Graad 10-12 (Algemeen) lê die grondslag vir die bereiking van hierdie
doelwitte deur leeruitkomste en assesseringstandaarde te bepaal en die sleutelbeginsels en -waardes
uit te spel wat die kurrikulum onderlê.
Die Nasionale Kurrikulumverklaring Graad 10-12 (Algemeen) is op die volgende beginsels
gegrond:
2.3.1 Maatskaplike transformasie
Die Grondwet van Suid-Afrika vorm 'n grondslag vir maatskaplike transformasie in 'n postapartheidsamelewing
en skakel met Leeruitkoms 1: Tegnologie, die samelewing en die omgewing
2.3.2 Uitkomsgebaseerde Onderwys
Elektriese Tegnologie maak gebruik van leeruitkomste en assesseringstandaarde om te beskryf wat
'n leerder in staat moet wees om te weet en te kan demonstreer, d.w.s. die vaardighede, kennis en
waardes wat die gevolg is van leer. Elektriese Tegnologie moedig leerders aan om ondersoek- en
probleemoplossingsvaardighede te ontwikkel wat die praktiese toepassing van kennis in tegnologie
ondersteun en wat 'n hoë en aktiewe vlak van leer, onderrig en assessering behels.
2.3.3 Hoëvlakkennis en hoëvlakvaardighede
Elektriese Tegnologie is daarop gemik om hoëvlakkennis en -vaardighede by leerders te ontwikkel.
Dit stel hoë verwagtinge daar van wat alle Suid-Afrikaanse leerders kan bereik.
2.3.4 Integrasie en toegepaste vaardigheid
Die integrasie van kennis, vaardighede, waardes en gesindhede binne en oor vakke en
praktykterreine heen is uiters noodsaaklik om toegepaste vaardigheid in Elektriese Tegnologie te
bereik soos in die Nasionale Kwalifikasieraamwerk (NKR) gedefinieer en aangedui in die
aangehegte werkskedule.
Leerprogramriglyne Elektriese Tegnologie – Januarie 2008
9