NASIONALE KURRIKULUMVERKLARING GRAAD 10-12 ...

AFDELING 2
BEKENDSTELLING VAN ELEKTRIESE TEGNOLOGIE
2.1 WAT IS ELEKTRIESE TEGNOLOGIE?
Elektriese Tegnologie fokus op 'n begrip en die toepassing van elektriese en elektroniese beginsels
en die tegnologiese prosesse inherent tot die lewering van produkte, dienste en stelsels ten einde
lewensgehalte te verbeter.
Elektriese Tegnologie sluit krag-, digitale en logiese stelsels in die elektriese en elektroniese
kennisterreine in. Die volgende LU's word deur die VOO-NKV gestel:
Leeruitkoms 1: Tegnologie, die samelewing en die omgewing
Die leerder is in staat om 'n bewustheid van en begrip vir die onderlinge verband tussen tegnologie,
die samelewing en die omgewing te demonstreer.
Leeruitkoms 2: Tegnologiese proses
Die leerder is in staat om die tegnologiese proses te verstaan en dit toe te pas.
Leeruitkoms 3: Kennis en begrip
Die leerder is in staat om 'n begrip vir die konsepte en beginsels verwant aan Elektriese Tegnologie
te demonstreer.
Leeruitkoms 4: Toepassing van kennis
Die leerder is in staat om die beginsels en praktyke verwant aan Elektriese Tegnologie toe te pas.
2.2 WAT IS DIE DOEL VAN ELEKTRIESE TEGNOLOGIE?
Elektriese Tegnologie het ten doel om leerders met die kennis, vaardighede, waardes en gesindhede
toe te rus wat hulle in staat sal stel om deel te neem aan en sukses te behaal in 'n ekonomies
verwikkelde gemeenskap. Die vak het ook ten doel om produktiwiteit, maatskaplike regverdigheid
en omgewingsvolhoubaarheid te bevorder. Hierdie leerders sal dus die geleentheid gegun word om:
Die beginsels van Elektriese Tegnologie te begryp;
Elektriese Tegnologiese vaardighede te ontwikkel;
Praktiese vaardighede en verskillende maniere van redeneer te ontwikkel;
As effektiewe lede van 'n span te werk;
'n Sin van selfdissipline te ontwikkel deur klem te lê op die behoefte aan doeltreffende
tydbestuur in die nakoming van keerdatums wat 'n noodsaaklike deel van 'n professionele
praktyk uitmaak;
Toepaslike inligting uit bronne te versamel, te ontleed, te organiseer en krities te evalueer en om
dit op Elektriese Tegnologieteorie en -praktyk toe te pas;
Elektriese Tegnologie as 'n navorsing- en ontwikkelingsgebaseerde proses te waardeer wat van
die leerder vereis om elektriese en elektroniese stelsels te ondersoek;
Toepaslike aanbieding- en kommunikasievaardighede te ontwikkel ten einde Elektriese
Tegnologie-konsepte doeltreffend oor te dra;
Elektriese en elektroniese vaardighede en kennis met werklike situasies in verband te bring deur
'n geïntegreerde benadering tussen teorie en praktyk te verseker;
Te waardeer hoe stelsels en produkte verband hou met ekonomiese, omgewings-, maatskaplike
en politieke, historiese en kulturele kontekste;
Elektriese Tegnologie te waardeer as 'n integrale deel van die gemaakte wêreld;
Leerprogramriglyne Elektriese Tegnologie – Januarie 2008
8