NASIONALE KURRIKULUMVERKLARING GRAAD 10-12 ...

die vak en die vordering wat oor die drie grade heen moet plaasvind (sien afdeling 3.3.1). Dit sal
help met die afbakening van die inhoud vir elke graad. Hierna moet die onderwysers vir die vak wat
dieselfde graad onderrig, saamwerk en die inhoud en konteks wat in die vakraamwerk vir hulle
graad geïdentifiseer is, gebruik om 'n jaarlange werkskedule te ontwikkel. Die werkskedule moet
die volgorde aandui waarvolgens die inhoud en konteks vir die vak in daardie spesifieke graad
aangebied gaan word (sien afdeling 3.3.2). Laastens moet individuele onderwysers lesplanne
ontwerp deur die graadspesifieke werkskedule as vertrekpunt te gebruik. Die leerplanne moet leer-,
onderrig- en assesseringsaktiwiteite insluit wat die leeruitkomste en assesseringstandaarde
weerspieël wat in die vakverklarings uiteengesit is (sien afdeling 3.3.3). Leerprogramme moet
diversiteit in skole en klaskamers akkommodeer, maar moet die kerninhoud van die nasionale
kurrikulum weerspieël.
'n Uiteensetting van die proses wat by die ontwerp van 'n leerprogram betrokke is word op blasy 6
voorsien.
Ontwerp van 'n leerprogram
'n Gedetailleerde beskrywing van die proses wat by die ontwerp van 'n leerprogram betrokke is,
word in afdeling 3.3.1-3.3.3 van die leerprogramriglyne voorsien. Die eerste stap, die ontwikkeling
van 'n vakraamwerk, vereis nie 'n geskrewe dokument nie, maar onderwysers word ten sterkste
aangeraai om tyd met vakspesialiste deur te bring ten einde 'n diepgaande begrip te ontwikkel van
die vaardighede, kennis en waardes wat in die vakverklarings uiteengesit word. Die gehalte en
nougesetheid van hierdie oefening sal die gehalte van die onderrig en leer in die klaskamer bepaal.
Wanneer die vakraamwerk voltooi is, moet onderwysers werkskedules en lesplanne ontwikkel.
Voorbeelde van werkskedules en lesplanne word in die leerprogramriglyne voorsien. Onderwysers
word aangeraai om hierdie formate krities te oorweeg en hulle eie te ontwerp.
Ontwikkel 'n vakraamwerk (graad 10-12)
Beplanning vir die onderrig van vakke in graad 10-12 moet begin by 'n gedetailleerde ondersoek na
die omvang van die vak soos in die vakverklaring uiteengesit. Geen spesifieke formaat of
profielvorm word vir hierdie eerste fase van beplanning aanbeveel nie, maar die stappe wat
aanbeveel word, moet as 'n kontrolelys gebruik word.
Alhoewel geen voorgeskrewe dokument vir hierdie fase van beplanning vereis word nie, sal
heelskoolbeplanning (tydroosters, rekwisisies, onderwyserontwikkeling, klaskamertoewysing)
asook die ontwikkeling van graadspesifieke werkskedules voordeel trek uit kort dokumente wat die
volgende uiteensit:
• Omvang van die vak – die kennis, vaardighede en waardes; die inhoud; die kontekste of temas;
keuses, ens. wat in die drie grade vir elke vak gedek moet word
• 'n Driejaar-assesseringsplan vir die vak
• Die lys van LOOM wat vir die vak vereis word
Ontwikkel werkskedules
Dit is die tweede fase in die ontwerp van 'n leerprogram. In hierdie fase ontwikkel onderwysers
werkskedules vir elke graad. Die werkskedules word onderlê deur die beplanning wat vir die
vakraamwerk onderneem is. Die werkskedules moet omsigtig voorbereide dokumente wees wat
aandui watter onderrig en assessering in die 36-40 weke van die skooljaar gaan plaasvind.
Ontwikkel lesplanne
Leerprogramriglyne Elektriese Tegnologie – Januarie 2008
5