NASIONALE KURRIKULUMVERKLARING GRAAD 10-12 ...

1.1.3 NASIONALE SENIOR SERTIFIKAAT
Die Nasionale Senior Sertifikaat: ‘n Kwalifikasie op vlak 4 van die Nasionale
Kwalifikasieraamwerk (NKR) voorsien die vereistes vir die bevordering aan die einde van graad 10
en 11 en die uitreiking van die Nasionale Senior Sertifikaat aan die einde van graad 12. Hierdie
dokument vervang twee van die oorspronklike Nasionale Kurrikulumverklaring-dokumente: die
Oorsig en die Kwalifikasie- en Assesseringsbeleidsraamwerk.
1.1.4 VAKASSESSERINGSRIGLYNE
Die Vakassesseringsriglyne sit die minimum interne of skoolgebaseerde assesseringsvereistes vir
elke vak asook die eksterne assesseringsvereistes uiteen. Daarbenewens is die Nasionale Protokol
vir Rekordering en Rapportering (Grade R-12) (‘n addendum tot die beleid, Die Nasionale Senior
Sertifikaat) ontwikkel om die rekorderings- en rapporteringsprosedure vir Graad R tot 12 te
standaariseer. Hierdie protokol word beleid vanaf 1 Januarie 2007.
1.2 BEKENDSTELLING VAN DIE LEERPROGRAMRIGLYNE
1.2.1 DOEL EN INHOUD VAN DIE LEERPROGRAMRIGLYNE
Die leerprogramriglyne het ten doel om die onderwysers en die skole in hul beplanning vir die
bekendstelling van die Nasionale Kurrikulumverklarings by te staan. Die leerprogramriglyne moet
tesame met die Nasionale Senior Sertifikaat-beleid en die vakverklarings gelees word.
Afdeling 2 van die leerprogramriglyne maak voorstelle oor hoe onderrig van 'n spesifieke vak deur
die beginsels wat die Nasionale Kurrikulumverklaring onderskryf, onderlê kan word.
Afdeling 3 maak voorstelle oor hoe skole en onderwysers dalk vir die bekendstelling van die
Nasionale Kurrikulumverklaring kan beplan. Alhoewel dit voorstelle is, moedig die Departement
van Onderwys omsigtige beplanning aan ten einde te verseker dat die doelstellings van
hoëvlakvaardighede en hoëvlakkennis, soos vervat in die Nasionale Kurrikulumverklaring, behaal
word.
Die leerprogramriglyne bevat nie afdelings oor assessering nie. Die assesseringsvereistes vir elke
vak sal in die vakassesseringsriglyne voorsien word wat op 1 Januarie 2007 van krag word.
1.2.2 WAT IS 'N LEERPROGRAM?
Inleiding
'n Leerprogram help onderwysers om vir opeenvolgende leer, onderrig en assessering in graad
10-12 te beplan sodat alle leeruitkomste in 'n vak op 'n progressiewe en geïntegreerde wyse bereik
word. Die volgende drie fases van beplanning word aanbeveel:
Fase 1 – ontwikkel 'n Vakraamwerk vir graad 10-12
Fase 2 – ontwikkel 'n Werkskedule vir elke graad
Fase 3 – ontwikkel Lesplanne
Daar word aanbeveel dat die onderwysers van 'n vak by 'n skool of 'n kluster skole eers 'n breë
vakoorsig (vakraamwerk) vir die drie grade saamstel ten einde 'n begrip te vorm van die inhoud van
Leerprogramriglyne Elektriese Tegnologie – Januarie 2008
4