NASIONALE KURRIKULUMVERKLARING GRAAD 10-12 ...

AFDELING 1
INLEIDING
BEKENDSTELLING VAN DIE NASIONALE KURRIKULUMVERKLARING
1.1.1 AGTERGROND
In 1995 het die Suid-Afrikaanse regering met die proses begin om 'n nuwe kurrikulum vir die
skoolstelsel te ontwikkel. Hiervoor het twee imperatiewe gegeld. Eerstens het die mate van
verandering in die wêreld, die groei en ontwikkeling van kennis en tegnologie en die vereistes van
die 21ste eeu genoodsaak dat leerders aan verskillende en hoër vlakke van vaardighede en kennis
blootgestel word as wat deur bestaande Suid-Afrikaanse kurrikula vereis is. Die kurrikula vir skole
het daarom hersiening vereis ten einde nuwe waardes en beginsels te weerspieël, veral dié wat in
die Grondwet van Suid-Afrika vervat is.
Die eerste weergawe van die nuwe kurrikulum vir die Algemene Onderwysband, bekend as
Kurrikulum 2005, is in die Grondslagfase in 1997 bekend gestel. Alhoewel die kurrikulum heelwat
lof verdien het, het onderwysers se kommer tot die hersiening van die Kurrikulum in 1999
aanleiding gegee. Die hersiening van Kurrikulum 2005 stel die grondslag daar vir die ontwikkeling
van die Hersiene Nasionale Kurrikulumverklaring vir Algemene Onderwys en Opleiding (Graad R-
9) en die Nasionale Kurrikulum Verklaring vir Graad 10-12.
1.1.2 DIE NASIONALE KURRIKULUMVERKLARING
Die Nasionale Kurrikulumverklaring bestaan uit 29 vakke. Vakspesialiste van die provinsiale
onderwysdepartemente en Departement van Onderwys het die vakverklarings ontwikkel waaruit die
Nasionale Kurrikulumverklaring bestaan. Die vakverklarings is in 2001 in konsepweergawe
gepubliseer vir kommentaar en daarna hersien om kommentaar wat ontvang is in berekening te
bring. In 2002 is 24 vakverklarings en 'n oorsigdokument as beleid by wyse van die Staatskoerant
verklaar. In 2004 is vyf vakke by die Nasionale Kurrikulumverklaring gevoeg. Die Nasionale
Kurrikulumverklaring bestaan nou uit die vakverklarings vir die volgende vakke:
Tale – 11 amptelike tale (elkeen het as drie vakke getel om voorsiening te maak vir drie vlakke:
Huistaal, Eerste Addisionele Taal en Tweede Addisionele Taal); 13 nie-amptelike tale
Wiskunde; Wiskundige Geletterdheid; Fisiese wetenskappe; Lewenswetenskappe;
Rekenaartoepassingstegnologie; Inligtingstegnologie.
Rekeningkunde; Besigheidstudies; Ekonomie.
Geografie; Geskiedenis; Lewensoriëntering; Religiestudies
Verbruikerstudies; Gasvryheidstudies; Toerisme
Dramatiese Kunste; Dansstudies; Ontwerp; Musiek; Visuele Kunste
Landbouwetenskappe; Landboubestuurspraktyke en Landboutegnologie
Siviele Tegnologie; Meganiese Tegnologie; Elektriese Tegnologie; Ingenieursgrafika en
-ontwerp.
Leerprogramriglyne Elektriese Tegnologie – Januarie 2008
3