NASIONALE KURRIKULUMVERKLARING GRAAD 10-12 ...

Oorweeg diversiteit
Ondersoek die onderskeie opsies wat binne elke aktiwiteit beskikbaar is en wat uitgebreide
geleenthede moontlik sal maak vir daardie leerders wat individuele ondersteuning het. Die
ondersteuning wat verskaf word, moet uiteindelik die leerders lei om die vaardighede, kennis,
gesindhede en waardes te ontwikkel wat in die groeperings van leeruitkomste en
assesseringstandaarde aangedui word ooreenkomstig die individuele aktiwiteite wat behandel word.
Hersien assessering en LOOM
Dui die besonderhede van die assesseringstrategie en LOOM wat gebruik gaan word by elke
aktiwiteit aan.
Wys tyd toe
Gee 'n aanduiding van hoeveel tyd aan elke aktiwiteit in die lesplan bestee gaan word.
3.3.4 Nabetragting en oorsig oor die Elektriese Tegnologie-leerprogram.
Nadat die leerprogram deur middel van die lesplan in die klaskamer gelewer is, behoort die
onderwyser te besin oor wat gewerk het, hoe goed het dit gewerk en wat verbeter kan word.
Onderwysers behoort dit aan te teken terwyl die ondervinding nog vars in hul geheue is, sodat
indien nodig, hulle die betrokke deel van die Elektriese Tegnologie-leerprogram kan aanpas vir
toekomstige implementering. Dit is ook raadsaam om die besinning oor die lesplan aan te teken op
die lesbeplanning.
Leerprogramriglyne Elektriese Tegnologie – Januarie 2008
23