NASIONALE KURRIKULUMVERKLARING GRAAD 10-12 ...

Maak die Leeruitkomste en assesseringstandaarde duidelik
Die vraag van belang vir Elektriese Tegnologie is: Watter leeruitkomste moet die leerders aan die
einde van graad 12 bemeester en watter assesseringstandaarde behoort hulle to behaal om aan te dui
dat hulle op pad is om die uitkomste te bemeester?
Alle leer-, onderrig- en assesseringsgeleenthede moet ontwikkel word deur te begin by wat leerders
behoort te weet, doen en produseer aan die einde van graad 12. Die leeruitkomste en
assesseringstandaarde wat leerders moet bemeester teen die einde van graad 12 word in die
vakverklaring vir Elektriese Tegnologie gespesifiseer.
Bestudeer die konseptuele vordering oor die drie grade heen
Bestudeer die assesseringstandaarde vir Elektriese Tegnologie oor die drie grade heen. Vordering
moet duidelik oor die baan heen blyk.
Identifiseer die inhoud wat onderrig moet word
Analiseer die assesseringstandaarde om die vaardighede, kennis en waardes te identifiseer wat in
elke graad behandel moet word. Oorweeg ook die inhoud en konteks waarbinne hulle onderrig gaan
word.
Identifiseer driejaarplan van assessering
Gebruik die Vakassesseringsriglyne as gids vir die driejaar-assesseringsplan. Oorweeg die vorm
van assessering wat die geskikste is vir elk van die leeruitkomste en assesseringstandaarde en maak
'n lys vir die drie grade. Dit verseker dat assessering 'n integrale deel bly van die leer- en
onderrigproses in Elektriese Tegnologie en dat daardie leerders aan 'n reeks assesseringsaktiwiteite
deelneem.
Identifiseer moontlike LOOM (hulpbronne)
Oorweeg watter LOOM die geskikste sal wees vir die leer, onderrig en assessering van elke
leeruitkoms in die drie grade deur die assesseringstandaarde te gebruik as riglyn.
3.3.2 Ontwikkel 'n werkskedule vir Elektriese Tegnologie
Dit is die tweede fase in die ontwerp van 'n leerprogram. In hierdie fase ontwikkel onderwysers
werkskedules vir elke graad. Die werkskedule word onderlê deur die beplanning wat vir die
vakraamwerk onderneem is. Die werkskedule moet 'n omsigtig voorbereide dokument wees wat die
onderrig en assessering weerspieël wat in die 40 weke van die skooljaar onderneem gaan word.
Verwys na Bylae B vir voorbeelde van die Werkskedules vir Graad 10, 11 en 12.
Die volgende stappe bied riglyne oor hoe om die ontwikkeling van 'n werkskedule per graad vir
Elektriese Tegnologie te benader:
Verpak die inhoud
Bestudeer die leeruitkomste en assesseringstandaarde wat vir die spesifieke graad in Elektriese
Tegnologie voorgeskryf is en groepeer hulle na gelang van natuurlike en geloofwaardige skakels.
Leerprogramriglyne Elektriese Tegnologie – Januarie 2008
21