NASIONALE KURRIKULUMVERKLARING GRAAD 10-12 ...

2.6 MANIERE WAAROP LEERUITKOMSTE IN ELEKTRIESE TEGNOLOGIE BEREIK
KAN WORD
Die Nasionale Kurrikulumverklaring moedig aktiewe leer, probleemoplossing, laterale denke,
kritiese nabetragting en besluitneming asook groep- en onafhanklike werk aan.
Dit is belangrik om daarop te let dat die leeruitkomste vir Elektriese Tegnologie dieselfde is vir alle
grade. Elke LU het sy eie aantal AS'e; hierdie AS'e verleen detail aan die inhoud en konteks en
toepassing van sodanige inhoud. Die AS'e beskryf maniere waarop die LU's bereik kan word. Hulle
is op so 'n wyse geformuleer dat daar vordering in die ontwikkeling van vaardighede, prosesse,
konsepte, inhoud, kennis, waardes en gesindhede binne asook oor grade heen is. Leerders se
prestasie in die leeruitkomste word gemeet teen assesseringstandaarde. Elke graad bou voort op die
bevoegdhede wat in die vorige grade ontwikkel is.
Moontlike maniere om die bogenoemde te bereik, sluit in:
2.6.1 Integrasie van leeruitkomste
Die vier leeruitkomste is geïntegreer en word nie in enige spesifieke volgorde aangebied nie. Hulle
moet nie as opeenvolgend beskou word nie aangesien elkeen die ander ondersteun en rugsteun.
Hierdie benadering ondersteun en verbreed leerders se geleenthede om vaardighede te verwerf,
kennis te bekom en gesindhede en waardes oor die kurrikulum heen te ontwikkel.
2.6.2 Bloom se taksonomiebenadering
Die LU's is op 'n manier gespesifiseer wat die breë konteks spesifiseer waarbinne die inhoud
aangespreek moet word. Konteks in hierdie verband verwys na kognitiewe konteks. Voorbeelde
sluit in kennis, begrip, toepassing, ontleding en evaluering. Dit is almal kontekste wat in die vier
LU's gespesifiseer is om met inhoud te handel. AS'e gee meer detail; Bloom se taksonomie help die
opvoeder en die leerder om die kompleksiteit van AS'e te verstaan.
Die volgende woorde word algemeen gebruik om die vlakke van kompleksiteit te verduidelik:
Kennis – memoriseer en herroep inligting: rangskik, definieer, merk, lys, skets, en herhaal volgorde,
selekteer, herken, benoem, noem, identifiseer.
Begrip (insig) – vertolk inligting in jou eie woorde: beskryf, dui aan, herhaal, hersien, som op,
klassifiseer, voorspel, en onderskei.
Toepassing – pas kennis toe op nuwe situasies: pas toe, bereken, teken, verduidelik, identifiseer,
illustreer, berei voor, bedryf, beoefen, los op, skets, gebruik, wys, pas aan, klassifiseer, produseer,
gebruik en skets.
Ontleed – breek kennis af in dele en toon verwantskap tussen dele: ontleed, kategoriseer, vergelyk,
onderskei, bespreek, ondersoek, inspekteer, toets, klassifiseer, doen opname, onderskei, selekteer.
Sintese – bring dele van kennis bymekaar om 'n geheel te vorm; bou verwantskappe vir nuwe
situasies: rangskik, stel saam, formuleer, organiseer, beplan, voeg saam, konstrueer, skep,
ontwikkel, produseer en ontwerp.
Leerprogramriglyne Elektriese Tegnologie – Januarie 2008
14