NASIONALE KURRIKULUMVERKLARING GRAAD 10-12 ...

2.3.5 Progressie
Progressie verwys na die proses van die ontwikkeling van meer gevorderde en ingewikkelde kennis
en vaardighede. Die vakverklaring vir Elektriese Tegnologie toon progressie van een graad tot die
volgende. Elke leeruitkoms word gevolg deur 'n uitdruklike verklaring van watter vlak van
verrigting vir die uitkoms per graad verwag word. Die inhoud en konteks van elke graad sal
progressie van eenvoudig tot ingewikkeld aantoon en sal duidelik word wanneer die leerprogram
ontwerp word.
2.3.6 Beweeglikheid en oordraaglikheid
Elektriese Tegnologie in graad 10-12 skakel met die bestaande vlakke van die AOO-baan en die
toetreevlakke van Elektriese Tegnologie tot, onder meer, Hoër Onderwys.
2.3.7 Menseregte, inklusiwiteit, omgewings- en maatskaplike geregtigheid
Die NKV is sensitief teenoor kwessies rakende diversiteit soos armoede, ongelykheid, ras, geslag,
taal, ouderdom, gestremdheid en ander faktore. Die vak Elektriese Tegnologie is deurtrek van
hierdie beginsels en praktyke en skakel met Leeruitkoms 1: Tegnologie, die samelewing en die
omgewing.
.
2.3.8 Waardering vir inheemse kennisstelsels
In Elektriese Tegnologie is die vakverklaring deurspek met inheemse kennisstelsels ten einde
erkenning te verleen aan die rykdom en erfenis van hierdie land en sy grondwet, en skakel met LU1
en AS4.
2.3.9 Geloofwaardigheid, gehalte en doeltreffendheid
Elektriese Tegnologie het ten doel om geloofwaardigheid, gehalte en doeltreffendheid te bereik
deur die navolging van 'n transformasionale agenda en deur die voorsiening van onderwys wat
vergelykbaar is met die gehalte, breedte en diepte van onderwys in ander lande.
2.4 PROFIEL VAN 'N ELEKTRIESE TEGNOLOGIE-LEERDER
Leerders wat graag 'n studie van elektriese beginsels en die gebruik daarvan in 'n verskeidenheid
situasies wil voortsit, word aangemoedig om 'n loopbaan in Elektriese Tegnologie te volg. Die
leerder wat tot Graad 10 toetree is afkomstig van Graad 9 na 'n studie van agt leerareas.
Afhangende van die plaaslike omstandighede, kan sommige leerders oor redelike gevorderde kennis
van die inhoud en kommunikasievaardighede van tegnologie beskik.
Die leerder wat hierdie vak kies, doen so om 'n verskeidenheid redes, naamlik om:
'n Loopbaan in 'n elektriese veld te volg;
Toepaslike en oordraagbare vaardighede te bekom;
Produktiwiteitsvlakke te verhoog;
'n Afgeronde opvoeding te voltooi; en
Toegepaste entrepreneursvaardighede te bekom.
Leerprogramriglyne Elektriese Tegnologie – Januarie 2008
10