S Ozrovech_Stories vd lewe.indd - CUM Books

’n Skat van inspirerende
vertellings, wyshede
en waarhede
DIE GROOT BOEK VAN
van die lewe
vir die lewe

Inhoudsopgawe
Voorwoord 11
Aanbidding (sien ook Geloof) 14
Ambisie (sien ook Werk) 18
Arbeid (sien Werk)
Barmhartigheid 24
Bekering 31
Bemoediging (sien Troos)
Boeke (sien ook Woorde) 41
Bybel 47
Christusfees 60
Dankbaarheid 70
Deursettingsvermoë (sien Volharding)
Diensbaarheid 79
Dood 83
Drie-eenheid (sien ook God, Jesus Christus, Heilige Gees) 97
Eensaam en alleen (sien ook Stilte) 104
Eerlikheid (sien Waarheid)
Emosie (sien ook Woede) 114
Engele 120
Finansies 130
Foute (sien ook Mislukking) 141
Gawes en talente (sien ook Musiek) 146
Gebed 150
Geestelike groei 164
Gehoorsaamheid 174
Geld (sien Finansies)
Geleenthede 182
Geloof (sien ook Aanbidding) 186
Genade (sien ook Vergifnis) 202
Gesin (sien ook Ma) 215
Gesindheid 244

Getuienis 248
Gewete 256
God (sien ook Drie-eenheid) 261
Godsdiens 270
Grootheid (sien Nederigheid)
Grootouers 278
Heilige Gees (sien ook Drie-eenheid) 286
Hemel 296
Hoop 311
Humor (sien ook Vreugde) 319
Huwelik 339
Jaloesie 346
Jesus Christus (sien ook Drie-eenheid) 351
Karakter (sien ook Skynheiligheid) 368
Kennis 380
Kerk 389
Kersfees (sien Christusfees)
Keuses 400
Kommunikasie (sien Woorde)
Lewe 412
Leierskap 416
Liefde 421
Ma (sien ook Gesin) 438
Mentors 444
Mislukking (sien ook Foute) 451
Moed 459
Musiek (sien ook Gawes en talente) 470
Nederigheid 482
Oordeelsdag (sien Wederkoms)
Oorwinning (sien ook Struikelblokke) 494
Opregtheid (sien ook Waarheid) 505
Ouderdom 511
Pyn en lyding 522

Rus 534
Rykdom (sien Finansies)
Sendingwerk 542
Skoonheid 548
Skynheiligheid (sien ook Karakter) 557
Sonde 565
Stilte (sien ook Eensaam en alleen) 576
Struikelblokke (sien ook Oorwinning) 584
Sukses 588
Teleurstelling (sien Mislukking)
Troos 600
Tyd 610
Uitdagings 616
Uitstel 618
Verandering 628
Vergifnis (sien ook Genade) 630
Verhoudings 643
Versoeking 648
Volharding 658
Vrede 674
Vrees 682
Vreugde (sien ook Humor) 686
Vriendskap 696
Vryheid 705
Waarheid (sien ook Opregtheid) 714
Wederkoms 722
Werk (sien ook Ambisie) 733
Woede (sien ook Emosie) 741
Woorde (sien ook Boeke) 750
Wysheid 755

Aanbidding
Ons hoef maar net te aanbid
Daar was soveel kere in my lewe dat ek my moeg gemaak het met pogings
om God te help om my te kry waar ek gedink het ek behoort te wees. Ek
het my gekwel oor hoe dit gaan gebeur, en of dit regtig kan gebeur, en of
God se krag sterk genoeg gaan wees om iemand te dra wat soveel bagasie
het as wat ek gehad het.
Maar hoe meer ek geleer het om die almagtige God van die heelal te
prys, hoe meer kon ek agterkom dat sy krag in my lewe aan die werk was.
Ek was van my las verlos. En ek kon die reis geniet.
Wanneer ons God as die almagtige Here aanbid aan wie al die mag
behoort, begin ons insien dat sy ontsagwekkende krag daar is vir ons as
een van die baie tekens van sy liefde.
Stormie Omartian
Perspektief op Jesus se geestelike lewe
In Jesus se geestelike lewe was daar veral ses sleutelaktiwiteite, naamlik
gebed (Mark. 14:35-36), vas (Matt. 4:2), die nagmaal (Luk. 22:14-20), die
Woord (Luk. 2:46-47), talle geestelike gesprekke (Joh. 4) en voortdurende
lof, eer en dank aan die Vader.
Die belangrike om te verstaan is dat Christus, selfs al was Hy volledig
God en mens, verstaan het dat sy lewe sonder gemeenskap met die Vader
onmoontlik is. Verstaan ons dit?
Jesus het die krag van geestelike dissipline in sy lewe goed verstaan en
deeglik toegepas. Ons, wat nog meer afhanklik daarvan behoort te wees,
skeep dit dikwels heel gemaklik af.
Braam Hanekom
Soek na God
God soek na iemand wat sal verstaan dat die paleis sonder die koning net
’n groot, leë huis is. Hy soek na ’n passievolle aanbidder wat nie soseer
daarin belangstel om die paleis te bewoon en die koninklike voorregte te
geniet nie as om in die teenwoordigheid van die Koning te verkeer.
Tommy Tenney
14

DDie i e ggroot ro o t bboek o e k va van n iillustrasies l l u s t r a s i e s
Om God te raadpleeg
So radikaal het die ontmoeting met die Here Jesus Paulus se lewe verander,
dat hy op daardie oomblik nie meer mense se raad of toestemming nodig
het nie. Hy wil net hoor wat die Here vir hom sê. Daarom onttrek hy hom na
die Siriese woestyngebied om te rus, na te dink, te bid en die Ou Testament
te bestudeer.
Dit is wat Paulus nodig gehad het om die implikasies van hierdie
onvergeetlike ontmoeting met die Here Jesus te oordink en in sy lewe te
integreer. Drie jaar lank.
Min van ons kan ons indink hoe dit moet wees om drie jaar lank die
Here te raadpleeg. Dalk is die blote gedagte om alleen saam met die Here
te wees vir ons vreesaanjaend. Ons raadpleeg eerder boeke en mense; soms
sal ons nog die Bybel lees ook. Maar om die Bybel te lees beteken nie noodwendig
dat ons die Here raadpleeg nie.
Om die Here te raadpleeg beteken om stil te word voor die Here, al ons
emosies en gedagtes net op Hom te rig en te luister na Hom. Dit is ’n oefening
wat elke gelowige daagliks behoort te doen.
Christo de Klerk
Om in gesprek met God te lewe
Een van die dinge wat ’n mens kan bly bewonder in Dawid is die besondere
verhouding wat hy met God gehad het. In álles wat Dawid gedoen het, kon
hy altyd na God toe gaan.
Ons weet dat Dawid ’n leuenaar en ’n moordenaar was. Hy het owerspel
gepleeg en hom aan baie sondes skuldig gemaak. Hy het met al hierdie
dinge na God toe gegaan, en God het hom nie verstoot nie.
Dawid het die genade wat God aan hom bewys het spontaan aangegryp.
Hy het God spontaan geloof. Hy het erns gemaak met die Woord van God.
Dawid was altyd in ’n treffend realistiese, aktuele gesprek met God. Hy
aanvaar dat God alles weet en alle mag het. Hy worstel as hy kwaad of
verward is. Hy is stil saam met God as hy nadink en hy jubel voor God as
hy bly is.
Herman de Kock
15
A

SSolly o l l y OOzrovech z rov e c h
Prys die Here ons God. Kom buig in aanbidding voor Hom: Hy is heilig!
~ Psalm 99:5
Kom ons gaan sy woning binne, kom ons buig daar in aanbidding voor Hom.
~ Psalm 132:7
Daar staan geskrywe: Die Here jou God moet jy aanbid en Hom alleen dien.
~ Lukas 4:8
Terwyl Hy hulle seën, het Hy van hulle af weggegaan en is Hy in die hemel
opgeneem. Hulle het Hom aanbid en met groot blydskap na Jerusalem toe
teruggegaan.
~ Lukas 24:51-52
God is Gees, en dié wat Hom aanbid, moet Hom deur die Gees en in waarheid
aanbid.
~ Johannes 4:24
God het nie ons aanbidding nodig nie. Dit is ons wat ons dankbaarheid moet bewys
vir dit wat ons ontvang het.
Thomas Aquinas
Aanbidding oortref ons swakheid terwyl dit God se krag erken.
16
Jack Hayford
As ons nie sonder God kan sê Jesus is die Here nie, hoe kan ons in die gees aanbid
sonder die krag van die Heilige Gees? Die Heilige Gees moet in ons gees wees
sodat ons in staat kan wees om God, wat Gees is, in die gees te aanbid.
Samm Hinn
Die hele aarde is gevul met die heerlikheid van God. Wie hierdie waarheid ken en
raaksien, leef oorwinnend en aanbiddend.
Maretha Maartens
Aanbidding is die verstand se nederige erkenning van die feit van God.
Peter C. Moore
Om in God te glo is om God te aanbid.
Martin Luther

DDie i e ggroot ro o t bboek o e k va van n iillustrasies l l u s t r a s i e s
Aanbidding is die manier waarop ons ons hemelse Vader vereer en Hom dank
omdat ons een van sy geliefde kinders is.
Stormie Omartian
Aanbidding is nie net ’n lied nie, dis ’n lewenswyse. Dis nie net bedoel vir musikante
en goeie sangers nie, dis vir elkeen. Dis nie net twintig minute elke week nie. Dis
’n konstante daaglikse gesindheid wat ons aan God se grootheid en aan ons eie
afhanklikheid van Hom herinner.
Stormie Omartian
As mense nie skoonheid en genot tydens aanbidding ervaar nie, sal hulle God nie
gewillig aanbid nie.
John Owen
Aanbidding stil nie ons honger vir God nie, dit maak ons net begerig om Hom al
beter te leer ken.
Eugene H. Peterson
Die aanbidding wat vir God die aanneemlikste is, kom uit ’n dankbare en ’n vrolike
hart.
Plutarchus
Om te aanbid is om die gewete aan te wakker deur die heiligheid van God, om die
verbeelding deur die skoonheid van God te suiwer, om die hart oop te maak vir
die liefde van God, en om die wil toe te wy aan die doel van God.
William Temple
Aanbidding is suiwer of minderwaardig na gelang van die aanbidder se verhewe of
geringe gedagtes omtrent God.
A.W. Tozer
God wil hê ons aanbidding moet deur liefde, danksegging en vreugde gemotiveer
word; nie deur ’n pligsbesef nie.
Rick Warren
Intieme persoonlike aanbidding van God is die noodsaaklike element vir geestelike
fi ksheid.
Oswald Chambers
Aanbidding is ’n doelbewuste en gedissiplineerde avontuur in die werklikheid.
William Sperry
Jy kan alles wat jy doen in aanbidding omskep as jy dit doen om God te prys, te
verheerlik en te behaag.
Rick Warren
17
A