HOOFSTUK 2 KIES, SING, SPEEL EN LEI VAN ... - taniab.co.za

Bladsy 9
Bemagtig deur Lofsange: Leringe vir ons Musiekspan en Gemeente: Hoofstuk 2: Kies, Sing, Speel en Lei van Lofsange
c) Wanneer iemand ‘n profetiese lied sing moet die klankman dit optel, sodat hy die klank
sodoende kan stel dat almal dit hoor.
d) Die projeksie van almal se stemme is nie dieselfde nie. Sommiges is baie hard en ander
sag. Wanneer iemand na vore kom om ‘n Woord te gee moet die klankman wakker wees
en onmiddellik die mikrofoon identifiseer en dit harder of sagter stel, soos nodig.
3.4 Speel die regte ritmes en tempo
Die verkeerde ritme en tempo kan die effektiwiteit van ‘n lied vernietig. Weet wat jou doel
is in die span. Is dit om ritme te gee of die lied in te kleur? Deur saam met al die musikante
en sangers te oefen, sal die regte ritme en tempo deur almal gesnap word.
a) Die basspeler werk saam met die “kick drum” en hulle verskaf ‘n fondasie voor hulle
kreatief begin raak. Die drommers lei eintlik die hele groep in ‘n vaste ritme en die
ritme van die dromme sal die fondasie en vloei van die hele lied bepaal. Wanneer die
dromme en baskitaar hul ritme vasgelê het, kan hul kreatiwiteit gebruik om dinamika in
die lied te bou en kan die res van die groep ontspan en net invul waar nodig.
b) Elektriese kitare moet dit nie oordoen nie. Hulle moet die regte klank met die regte
tekstuur en ritme vir die lied vind sonder om dit te oordoen.
c) “Synthesisors” moet eenvoudig gespeel word, genoeg spasie gelaat word.
d) Stop ‘n lied en begin weer as die tempo baie verkeerd is. Dit gaan groter frustrasie bring
om aan te hou in die verkeerde ritme te speel. Moet nooit die blaam op ander plaas vir ‘n
verkeerde tempo nie. Stop net eenvoudig en verduidelik aan die gemeente ons gaan weer
begin. Jy wil nie hê dat jou spanlede in konstante vrees moet leef, omdat hulle bang is jy
blameer hulle elke keer vir wanneer iets verkeerd loop nie.
e) Indien nodig, oefen met ‘n metronoom, sodat die groep kan leer om hulle ritme te hou
tydens die sing van liede. Moenie liede onnodig trek nie. Dit maak dat die lied sy impak
verloor.
f) Maak seker almal weet waar hulle moet inval en dat sangers nie te vinnig by party sinne
inval nie.
3.5 Oefen die oorskakeling van een lied na ‘n volgende
Wanneer ons verlang om van ons lofsange oor te gaan tot geestelike liedere, sing ons nie
eenvoudig net die een lied na die ander nie. Liede moet musikaal oorskakel van die een na
die volgende en in die tussenposes moet die sangers interaksie behou met mekaar en
met God. Ons moet reageer op die liede wat ons tot God sing.
a) Soms kom daar ‘n spontane handeklap vanuit opgewondenheid oor die waarheid wat
sopas gesing is.
b) Ander kere begin die musieke dadelik met ‘n nuwe lied wat ‘n wonderlike ritme het en
almal hou ritme met handeklap en kyk die gehoor versekerd en bevestigend van God se
liefde in die oë.
Saamgestel deur Tania Berrangé (Webwerf: www.taniab.co.za) (Epos: taniaberrange@gmail.com)
Updated: 30 August 2010
Bladsy 9