HOOFSTUK 2 KIES, SING, SPEEL EN LEI VAN ... - taniab.co.za

Bladsy 8
Bemagtig deur Lofsange: Leringe vir ons Musiekspan en Gemeente: Hoofstuk 2: Kies, Sing, Speel en Lei van Lofsange
3. DIE SING EN SPEEL VAN LIEDE
3.1 Die leer en sing van nuwe liede
a) Kom voorbereid na die oefeninge. Bring jou instrument, bladmusiek, Bybel, pen,
“highlighter”, notaboek, alles wat jy sal nodig hê, saam.
b) Kom met ‘n verwagting, oop gemoed, bereid om te leer en te onderwerp aan mekaar.
c) Weerstaan die versoeking om oor te neem, jou eie ding te doen of eie wil af te dwing.
d) Luister en lees die musiek versigtig en duidelik en maak dan voorstelle indien enige, met
dien verstande dat die finale sê by die leier lê. Moenie verwarring en verdeeldheid
veroorsaak tussen die groepslede oor hoe ‘n lied gesing moet word nie.
e) Indien die ritme moeilik is, klap die ritme met jou hande saam tot jy vertroud is daarmee
en dan begin jy die woorde sing.
f) Merk jou papier by dele waar asemhaling moeilik is en waar jy meer ondersteuning nodig
het.
g) Nie almal spreek woorde dieselfde nie. Oefen jou konsonante artikulasie. Of dit hard of
sag moet wees. Is die lirieke “breathy”, warm, helder, aggresief?
h) Beplan wanneer in die lied geharmoniseer moet word. Oefen die frasering van sinne, die
akkuuraatheid van saamsing en die “blend”.
i) Indien nodig “record” die lied by die oefeninge, sodat jy al die dele kan onthou en by die
huis kan oefen. Om op jou eie by die huis te oefen sal vrug lewer.
3.2 Sing en speel duidelik
a) Sangers moet hul woorde duidelik uitspreek.
b) Sangleiers moet nie mompel oor die mikrofone of die mikrofoon wegneem van hul mond
of binnemonds praat wanneer hulle oorgaan in spontane lofsange nie. Laat die gemeente
jou spontane lofsange hoor, sodat hulle dit kan beaam en hulle daardeur gelei, geleer en
gemotiveer word om hulle eie spontane lofsange tot God te sing. Dit bring ook ‘n
eenheid in die gees wanneer die hele gemeente gesamentlik in lofsange oorgaan. Waar
daar eenheid is, gebied die HERE sy seën.
c) Gee definitiewe leiding deur wat jy sê of sing, vir almal om te hoor.
3.3 Die rol van die klank
a) Klank kan ‘n diens maak of breek. Persone wat die klank en multi-media doen met die
woorde is net so belangrik soos die sangers en musikante. Hulle is netsoveel deel van die
groep. Daarom oefen hulle saam met die res van die groep en kom ook vroeër in op
Sondae om te help dat die klank en platvorm gereed is vir die diens.
b) Klank is nie ‘n passiewe bediening nie. Dit dit is soms nodig om konstant deur die diens
verstellings te maak, sodat dit nie te hard of te sag is nie.
Saamgestel deur Tania Berrangé (Webwerf: www.taniab.co.za) (Epos: taniaberrange@gmail.com)
Updated: 30 August 2010
Bladsy 8