HOOFSTUK 2 KIES, SING, SPEEL EN LEI VAN ... - taniab.co.za

Bladsy 5
Bemagtig deur Lofsange: Leringe vir ons Musiekspan en Gemeente: Hoofstuk 2: Kies, Sing, Speel en Lei van Lofsange
maklike lied geniet. Onthou dat dit makliker is vir jou om ‘n song te “own” as wat dit vir
die gemeente is. So sing baie liede wat bekend en maklik is.
c) Wanneer jy in ‘n gemeente is wat tot nou geen nuwe liede geleer het nie, sal jy met
maklike en kort liede moet begin en soos die mense in dit groei kan jy die
moeilikheidsgraad verhoog. As ‘n lied nie werk nie, skrap hom.
d) “Arrange” jou liede so dat dit saamvloei in ritmes, sleutels en tema.
Probeer soms om van die een lied na die volgende te gaan sonder ‘n musikale breek.
Jy kan na die sing van ‘n lied aanhou met maklike musikale akkoord progressies en
terwyl die sangers God spontaan loof begin met die inleiding van die volgende lied.
Moenie bang wees om ‘n stil tyd van refleksie te hê voor ‘n volgende lied nie.
Oefen die inleidings en oorskakelings tydens oefentye, sodat almal gemaklik en
vertroud met dit is. Maak die oorskakelings “smooth” en kort moontlik.
2.2 Liede moet eenvoudig wees, die hart penetreer en fokus bring.
2.3 Die seisoen waarin die gemeente is gaan bepaal watter liede gesing sal word. Sommige liede
het ‘n lang lewensduurte, terwyl ander liede net vir ‘n seisoen in die gemeente gesing word.
Sommige liede sal jy dalk vir ‘n wyle feitlik elke diens sing en ander nie.
2.4 Verskillende bedieninge sing verskillende tipe liedere. Kinderkerk en jeugbedieninge
gaan soms liede sing wat nie in hoofdienste gesing gaan word nie en andersom. Respekteer
ouderdoms- en kultuurverskille en pas aan. Moenie jou smaak en wil op ‘n generasie probeer
afdwing nie, maar leef dit uit in die geleenthede wat vir jou generasie geskep word. Die doel
is dat mense met God moet ontmoet, so gebruik liede wat jy weet daardie generasie gaan
help om deur te breek in die gees.
2.5 Enige lied moet ons aandag dadelik vestig op die waarheid omtrent die God wie ons
aanbid en nie op die styl en musikale kunste nie. Vestig die fokus van jou kreatiwiteit op
God en nie jou styl of hoe goed jy speel of sing nie. Hoe kan die waarhede van God
uitgedruk en na vore kom in hierdie lied deur jou musikale vaardigheid?
2.6 Hou in gedagte dat jou doel nie is om so vinnig moontlik deur die liede te werk nie,
maar om mense die geleentheid te bied om JESUS te “embrace”. Daar moet nie deur
liede gejaag word om dit net te sing en klaar te kry, sodat die volgende lied gesing kan word
nie. Daardie lied moet in mense se harte tot lewe kom en die realiteit van wat gesing word
moet diep by mense insink.
Saamgestel deur Tania Berrangé (Webwerf: www.taniab.co.za) (Epos: taniaberrange@gmail.com)
Updated: 30 August 2010
Bladsy 5