HOOFSTUK 2 KIES, SING, SPEEL EN LEI VAN ... - taniab.co.za

Bladsy 21
Bemagtig deur Lofsange: Leringe vir ons Musiekspan en Gemeente: Hoofstuk 2: Kies, Sing, Speel en Lei van Lofsange
medemens, sal hulle veiliger voel om oop te maak en te aanbid tydens die sangdiens.
Sommige mense neem nie deel nie, want hulle weet nie hoe nie. Ander het sonde in hul lewe
of het nog nooit tot bekering gekom nie. Sommige mense se verhoudinge is verkeerd met
hul medemens en ander is verkoud in hul geloof en het nie ‘n begeerte om God te loof nie.
Wees bewus hiervan en moet nooit die gehoor kritiseer, omdat hulle nie wil deelneem nie.
Leer hulle en spreek die behoeftes en leemtes aan deur die inspraak en Gees van die HERE.
Neem elke diens ‘n ander aspek van God of hoe om Hom te loof en prys en leer hulle deur ‘n
kort gedagtes by hul te laat voor jul met die lofsange begin, sodat hulle daarin kan groei.
Skep ‘n begeerte by die mense om in die teenwoordigheid van God te gaan. Skep by hul
verwagting vir die manifesterende teenwoordigheid van God in hul midde.
7.3 Leef jou gawes met uitnemendheid uit
Besprekingsvrae vir die Groep
Dra die hele groep die verantwoordelikheid om die platform netjies te hou, of kom dit
neer op die leier?
a) Uitnemendheid is nie om die beste te hê nie, maar om die beste te doen met dit wat
jy het. (Kol 3:23 AOV) En wat julle ook al doen, doen dit van harte soos vir die Here
en nie vir mense nie. Baie mense bereik nie sukses in hulle bedieninge nie, want hulle
wil net eenvoudig nie so hard daaraan werk nie.
b) Uitnemendheid vereer God en inspireër mense: Ons moet die hoogste standaard
moontlik handhaaf in elke deel van die bediening wat God aan ons toevertrou het:
oefentye, persoonlike voorbereiding, verhoudinge, optel van rommel waar ons bedien,
skoonhou van platform, netheid van ons kleredrag en sing van liede. In die
musiekbediening moet ons aan die res van die gemeente modelleer wat die regte ding is
om te doen, sodat dit later ‘n wyse van lewe sal word by die res van die gemeente. Ons
lewer ‘n baie groot impak ten opsigte van hoe dinge gedoen word en die kultuur wat ons
vestig in die gemeente.
c) Uitnemendheid versus perfeksionisme: Uitnemendheid gebeur wanneer ons
“godliness” en emosionele gesondheid najaag. Uitnemendheid is nie gelyk aan
perfeksionisme nie. Perfeksionisme maak nie ruimte vir foute nie.
Perfeksionisme bring ‘n gevoel van moedeloosheid met elke fout en depressie met die
gevoel dat mens nie opleef na standaarde nie.
Uitnemendheid weet: “ek het die beste gedoen met wat ek het en wie ek is en met
God en daar het ‘n fout of twee ingesluip, maar prys die HERE, dit bevestig weer die
feit dat ek net mens is”.
Saamgestel deur Tania Berrangé (Webwerf: www.taniab.co.za) (Epos: taniaberrange@gmail.com)
Updated: 30 August 2010
Bladsy 21