HOOFSTUK 2 KIES, SING, SPEEL EN LEI VAN ... - taniab.co.za

Bladsy 18
Bemagtig deur Lofsange: Leringe vir ons Musiekspan en Gemeente: Hoofstuk 2: Kies, Sing, Speel en Lei van Lofsange
6. DIE SANGLEIER
Vir baie jongmense wat ‘n kerk soek het die sangleier of “worship leaders” ‘n belangriker faktor
begin word as predikante. In die verlede was sangleiers baie beperk met liede, maar vandag is
daar geweldig invloed deur die media. Met nuwe musiek op die mark is ervaringe wat mense
met God het vars en word baie jongmense geïnspireer om hul musikale gawes in die kerk aan te
wend. Sangleiers kan egter versoek word om hulle werk te baseer op wêreldse modelle en
kan die gemeente ‘n onbybelse begrip omtrent lofsange ontwikkel as die sangleier nie reg
lei en leer nie.
6.1 As sangleier moet jou eerste passie vir die Evangelie van JESUS wees
(1Kor 15:3 AOT) Want in die eerste plek het ek aan julle oorgelewer wat ek ook ontvang
het, dat Christus vir ons sondes gesterf het volgens die Skrifte; (1Kor 15:4 AOT) en dat
Hy begrawe is, en dat Hy op die derde dag opgewek is volgens die Skrifte; (1Kor 15:5
AOT) en dat Hy aan Céfas verskyn het; daarna aan die twaalf. (1Kor 15:6 AOT) Daarna
het Hy verskyn aan oor die vyf honderd broeders tegelyk, waarvan die meeste nou nog
lewe, maar sommige al ontslaap het. (1Kor 15:7 AOT) Daarna het Hy verskyn aan
Jakobus; daarna aan al die apostels; (1Kor 15:8 AOT) en laaste van almal het Hy
verskyn ook aan my as die ontydig geborene.
a) Die sangleier moet ‘n passie hê om siele wat verlore gaan by JESUS uit te bring.
b) Die sangleier moet ‘n passie hê om die wie teruggeval het, weer terug in ‘n regte
verhouding met God te bring vanuit liefde en nie vanuit veroordeling nie.
c) Die sangleier moet verder ‘n passie hê dat mense (beide die gehoor en die musiekspan)
met God sal ontmoet en vernuwe sal word, dat hul sal verdiep in hul verhouding met
JESUS.
d) Dus moet die sangleier ‘n basiese kennis en begrip van die Woord van God hê en
konstant groei in sy kennis omtrent God en om sy talent reg aan te wend. (2 Tim 3:16-17)
e) Sangleiers het meer autoriteit wanneer hulle lewensstyl ooreenstem met die liede wat hul
sing. Wanneer die kerk ‘n nuwe sangleier op die platform sien en hulle weet dat daardie
persoon is ‘n “go getter” vir die koninkryk van God en groei sien in sy verhouding met
God, sal die gemeente hierdie persoon makliker volg.
6.2 Hoe trek mens effektief mense in om saam God te loof?
(Jes 29:13 AOT) En die Here het gesê: Omdat hierdie volk nader kom met hulle mond en
My eer met hulle lippe, terwyl hulle hul hart ver van My hou, sodat hulle vrees vir My ‘n
aangeleerde mensegebod is.
a) As sangleier kom jy reeds ‘n geruime tyd voor die dienste by die kerk om te bid, saam
met die span te “rehearse”.
b) In hierdie tyd word die klank finaal ingestel vir die diens en seker gemaak dat alle
instrumente ingestel is en die platform skoon en netjies is vir die diens.
Saamgestel deur Tania Berrangé (Webwerf: www.taniab.co.za) (Epos: taniaberrange@gmail.com)
Updated: 30 August 2010
Bladsy 18