HOOFSTUK 2 KIES, SING, SPEEL EN LEI VAN ... - taniab.co.za

Bladsy 14
Bemagtig deur Lofsange: Leringe vir ons Musiekspan en Gemeente: Hoofstuk 2: Kies, Sing, Speel en Lei van Lofsange
speel. Sou hulle wel gesamentlik speel moet hulle mekaar komplimenteer en vermy om
identies dieselfde te speel om chaos te vermy. Een kitaar kan hoër op die nek speel as die
ander en hulle moet leer om verskillende klanke te gebruik byvoorbeeld by die koortjie
om dinamika in te bring en die lied op te bou.
4.3 Bou dinamika in elke lied
a) As almal elke liede op die top van hulle stemme sing en met dieselfde spoed en volume
speel, gaan dit klink asof die hele groep op ‘n adrenalien”rush” is en gaan dit nie impak
in mense se harte maak nie.
b) Musiek en sang moet asemhaal, bou en na ‘n klimaks beweeg. Die klimaks kan hard of
sag wees. Musiek en sang moet “tension” hê en dan weer “release”. Soms is dit sag en
ander keer word dit geleidelik harder, soms vinnig en ander kere stadig.
c) ‘n Lied wat sopas vinnig gesing is vol energie kan na spontane lofprysing weer gesing
word, maar stadig om klem te lê op dit wat die koortjie byvoorbeeld sê en so inbeweeg na
geestelike liedere.
d) Gebruik jou kreatiwiteit. Begin sommige liede met net die klavier of met die dromme en
baskitaar alleen. Laat alle instrumente byvoorbeeld by ‘n koortjie ophou en net die
dromme speel.
e) Moet egter nie met elke liedjie dieselfde doen nie. Kyk na die boodskap wat die lied het
en besluit waar wil jul sterk klem lê en waar wil jul saggies wees en mense geleentheid
gee om te reflekteer op dit wat hulle sopas gesing het.
f) Werk uit in die liede wanneer daar ‘n solosang gaan wees, of wanneer daar sterk
harmonie moet deurkom. Daar is tye wanneer die Gees dit lei dat jy terugstaan van die
mikrofoon en God net aanbid.
g) Motiveer mense om te reageer wanneer God gepraat het deur ‘n profesie. Wees sensitief
vir die rigting waarin die Heilige Gees die diens wil stuur. As Hy jou nie stuur nie, moet
nie gaan nie.
h) Wat jy speel is net so belangrik as dit wat jy nie speel nie. Soms kan daar ‘n langer
spasie gelaat word tussen ‘n versie en koortjie wat dinamika bou en klem plaas. Ons stop
soms heeltemal aan die einde van ‘n vers en hou ‘n paar sekondes “pause” en val almal
met die dromme en res van instrument weer in by die koortjie. Dinamika en variteit kan
soms, deur net een instrument te verander, ingebring word.
4.4 Die sing en bedien van liede
a) Hou gesonde oogkontak met mense as ‘n motivering dat hulle saam met jou bewus sal
word van God se teenwoordig. Dit help jou ook om te sien wat die Heilige Gees besig is
om te doen in die gehoor. Moenie mense “downstair” nie.
b) Wees ontspanne, entoesiasties en gefokus. Moenie dat jou gedagtes afdwaal nie. Jou
fokus is God en om Hom alleen te verheerlik.
Saamgestel deur Tania Berrangé (Webwerf: www.taniab.co.za) (Epos: taniaberrange@gmail.com)
Updated: 30 August 2010
Bladsy 14