HOOFSTUK 2 KIES, SING, SPEEL EN LEI VAN ... - taniab.co.za

Bladsy 13
Bemagtig deur Lofsange: Leringe vir ons Musiekspan en Gemeente: Hoofstuk 2: Kies, Sing, Speel en Lei van Lofsange
c) Wanneer dit in die diens geintegreer word, plaas dit saam met maklike liede wat die
gemeente goed ken.
d) Maak ‘n punt daarvan om die liede te memoriseer. Dit maak dit makliker om te vloei en
om die mense met selfvertroue te lei.
e) Soos gemeentes geestelik groei, het die mense ‘n behoefte na nuwe liede om sodoende op
‘n nuwe wyse hul liefde teenoor God uit te druk. Dit help dat mense nie in ‘n groef en
tradisie verval nie en bring varsheid en entoesiasme in lofsange.
f) Om liede te skryf is ook ‘n bediening, maar nie dié bediening nie. Bedieninge en gawes
word alles ontvang vanaf God deur Sy Gees en is nie vir persoonlike belang of
verheerliking nie, maar tot opbouing van die liggaam (Rom 12; 1 Kor 12) in JESUS.
4.2 Die begeleiding van liede
Musiek is ‘n baie magtige vorm van uitdrukking. Dit kommunikeer nie net gedagtes en idees
nie, maar ook emosies en gevoelens. Musiek kan ons opgewek laat voel en lus om te dans,
of dit kan tot gevolg hê dat daar selfs ‘n traan in ons oog kom. Dit is moeilik om mense te lei
wanneer daar nie vaste ritme en geïnspireerde “improvisational keybordspelers” is nie.
a) Ontwikkeling begin by die huis te oefen. Musikante gaan groei en ontwikkel in hul
talente en lofsange, wanneer hulle tuis tyd uiteensit om God te loof op hul instrumente of
met hul stemme. Deur liede tuis oor en oor te sing en te speel help dat elkeen meer
vertroud met die lied word en makliker kan vloei in die Gees. Streef daarna om die speel
van jou instrument ‘n tweede natuur te maak. Dit gaan ook help dat jy meer vrylik kan
vloei tydens lofsange.
b) Maak weekliks klein musikale stappe deur oefening en vir ekstra klasse te gaan.
Daar is nie tyd om musikante en sangers by oefeninge te leer hoe om hul instrumente te
bemeester of hoe om te sing nie. Inisiatief moet van hulle kant geneem word om dit in
hulle eie tyd te doen. Luister ook soveel moontlik “praise and worship” cd’s. Sing saam
en bespeel jou instrument op dit sodat jou aanvoeling tot lofsange kan groei. Gaan vir
ekstra sangklasse om te help om die beheer en projeksie van jou stem te verbeter.
c) Leidende instrument kan wissel met liede en verskil van groep tot groep. Die
leidende instrument hang af van wat in die gemeente beskikbaar is en ook selfs van die
tipe lied. Sommige gemeentes het net kitare ander net klaviere en ander gemeentes baie
meer. Soms lei ‘n viool ‘n sagte lied. Hang af van die oomblik. Wees buigbaar.
d) Instrumente speel nie net die lied nie, maar begelei ook die spontane lof: Na ‘n
lofsang kan die simbale saam met die stemme juig en dan sagter gaan. Tydens
oorlogsvoeringliede kan die dromme meer aggressief speel of as daar profeties gesing
word op die ritme van die lied wat sopas voltooi is hou die dromme en baskitaar aan om
die ritme te speel tot alle musiek versag. Soms speel net die klavier tydens spontane lof.
e) Wanneer daar meer as een van dieselfde musiekinstrument op die platform is, het jy
die keuse om die musiekspan in groepe te verdeel, sodat elkeen ‘n geleentheid kry om te
Saamgestel deur Tania Berrangé (Webwerf: www.taniab.co.za) (Epos: taniaberrange@gmail.com)
Updated: 30 August 2010
Bladsy 13