HOOFSTUK 2 KIES, SING, SPEEL EN LEI VAN ... - taniab.co.za

Bladsy 12
Bemagtig deur Lofsange: Leringe vir ons Musiekspan en Gemeente: Hoofstuk 2: Kies, Sing, Speel en Lei van Lofsange
b) Elkeen moet doelgerig met ‘n glimlag en gemaklikheid na sy instrument of mikrofoon
stap, dit dadelik neem en gereed staan om te begin.
c) Wees spontaan, vriendelik, gemaklik, normaal en geniet wat jy doen. Sodra mense
slordig voorkom en voetsleeps na vore gaan, skep dit ‘n negatiewe beeld by die
gemeente. Die gemeente het nodig om julle passie en opgewondenheid te sien. Dit is
aansteeklik!
d) Elke persoon op die platvorm moet goed versorg, netjies wees en lekker ruik!
e) Die spanlede op die platvorm moet warmte uitstraal en “inviting” wees dat mense in die
gehoor deel sal voel van hulle. Wees ontspanne, glimlag en weerspieël ware entoesiasme.
Hoe meer los en ontspanne die groep is, hoe meer los en vry die gemeente. Die gehoor
moet daarna uitsien met verwagting om saam met die musiekspan te sing.
f) ‘n Ontspanne en gemaklike atmosfeer sal heers wanneer daar vergewensgesindheid en
oop kommunikasie onder mekaar is, wanneer spanlede mekaar vertrou, opbou en
ondersteun, en wanneer almal vertroud is met liede wat bedien word, wanneer die
kommunikasie tydens die diens doeltreffend is met betrekking tot wanneer om te stop,
wanneer om oor te skakel na ‘n volgende lied, en wanneer die span ‘n kompassie en
liefde het vir die mense wie hulle bedien.
g) Leer ook om die oomblik te herken waarin jy is hetsy dit uitbundig, stil en sag of
oorlogvoering is. Leef jouself uit in die oomblik waarin jy is en geniet dit ten volle.
Bespreek hierdie oomblikke tydens oefentye, sodat almal kan leer om dit te identifiseer,
reg daarop te reageer en saam te vloei in die gees.
h) Die belangrikse van die sangdiens is dat mense met God sal ontmoet en dat God Sy
Vaderhart aan die mense sal openbaar. Lofsange gaan nie oor die groep se behoeftes nie,
maar oor God. Wanneer die span nie sekuur in JESUS is nie, en erkenning by die
gemeente soek vir hulle goeie spel en sang word die aandag van God geneem en op die
mens geplaas.
4. DIE LEI VAN LIEDE
4.1 Die leer van nuwe liede aan die gemeente
(Deu 31:19 AOT) Skryf dan nou vir julle hierdie lied op, en leer dit aan die kinders van
Israel; lê dit in hulle mond, dat hierdie lied vir My ‘n getuie teen die kinders van Israel kan
wees. (Psa 33:3 AOV) Sing vir Hom ‘n nuwe lied, speel met volle oorgawe, jubel dit uit!
(Psa 98:1 AOV) ‘n Psalm. Sing ‘n nuwe lied tot eer van die Here, want Hy het magtige
dade gedoen, deur sy krag en Goddelike mag het Hy oorwin.
a) Maak seker dat die hele span die lied goed ken en dit gemaklik sing.
b) Sing die liede 2-3 weke agtermekaar voor die diens en integreer dit daarna in die diens.
Sommige nuwe liede sal ‘n gemeente dadelik vat, staan en saamsing, terwyl ander liede
tyd neem om te leer.
Saamgestel deur Tania Berrangé (Webwerf: www.taniab.co.za) (Epos: taniaberrange@gmail.com)
Updated: 30 August 2010
Bladsy 12