HOOFSTUK 2 KIES, SING, SPEEL EN LEI VAN ... - taniab.co.za

Bladsy 11
Bemagtig deur Lofsange: Leringe vir ons Musiekspan en Gemeente: Hoofstuk 2: Kies, Sing, Speel en Lei van Lofsange
3.7 Leer om na mekaar te luister en mekaar te verstaan
a) Wanneer iemand verkeerd speel of sing is daar geen rede om frustreerd of gespanne te
raak nie. Vloei met die fout en wys dan dadelik waarheen volgende gegaan moet word.
b) Wanneer mense doelbewus verkeerd speel en sing om jou gesag te ondermyn en hul eie
wil af te dwing, moet hierdie mense aangespreek word en indien nodig van die span
afgehaal word vir ‘n tyd, maar dit gebeur dat mense soms foute maak.
c) Sien ook soms die humor in die situasie en geniet mekaar se menswees. Vra verskoning
vir jou foute, waar nodig, en gaan aan. Almal in die musiekgroep maak van tyd tot tyd
foute. Die leier ingesluit.
3.8 Wanneer sluip onnodige foute in?
Dit is die een eienskap van die mens wat uitstaan bo die van God: Ons maak foute. Erken
dit en gaan aan. Geen oë wat gerol word vir die een wat die fout maak, beskuldigings of
frustrasie nie. Ons is mens, dit gebeur. Maar onnodige foute wat vermy kon geword het,
kom in wanneer:
a) Die groep en leier nie geestelik voorbereid is vir die diens nie, en dit net doen vanuit ‘n
roetine aktiwiteit en nie as ‘n verwagting dat God gaan werk nie.
b) Wanneer die groep nie saam oefen en mekaar leer ken in hulle talente en in JESUS nie.
c) Wanneer daar voor ‘n diens gejaag word om die platform en voorbereiding in tyd reg te
kry.
d) Wanneer daar te lank gesing word in ‘n dooie atmosfeer met geen werking van die
HEILIGE GEES nie.
e) Wanneer te veel nuwe liede in een diens gesing word.
f) Wanneer die groep die liede nie goed genoeg ken nie.
g) Wanneer die sangleier nie geestelike ingestem is om te weet waarheen om volgende te
gaan na die sing van ‘n lied of hoeveel keer om ‘n lied te sing nie. Dit kom deur oefening
en die leiding van die HEILIGE GEES wat jou sal “prompt” wanneer Hy besig is om ‘n
werk in harte te doen, terwyl die lied gesing word. Wanneer Hy ‘n sekere waarheid by
die mense wil tuisbring sal sekere sinne dalk herhaal word en Hy sal dit instinktief, op die
oomblik in jou hart plaas en dan moet jy dit doen.
h) Wanneer die groepslede swak geklee is en aandag op hulself wil vestig eerder as op God.
i) Te veel mense op die platform is waarvan die helfte net daar is om te “entertain” en geen
verhouding met JESUS het nie.
j) Wanneer die klank te sag of onduidelik is en die gemeente nie kan hoor wat die sangers
sing nie of wanneer die klank te hard is en mense se aandag aftrek.
3.9 Wees gemaklik en ontspanne
a) Stap flink en regop na die platvorm met die gesindheid van ons is opgewonde en gefokus
nou om God te prys saam met sy gunsgenote en ons geliefdes.
Saamgestel deur Tania Berrangé (Webwerf: www.taniab.co.za) (Epos: taniaberrange@gmail.com)
Updated: 30 August 2010
Bladsy 11