M54 - Die bybel en Siektes. - Stanger Christian Centre

Dr James Van Zyl
Faith in the Word Ministries
PO Box 232
Ballito,4420
Tel. (032) 551 1836/ Fax (032) 552 5411
ISBN NO: 1­874850­39­9
DIE BYBEL EN SIEKTES
ALLE SIEKTE KOM VAN DIE DUIWEL
Baie menslike siekte en kwale begin met ‘n klein kiem, ‘n bose sataniese lewe,
wat gestuur was om die menslike liggaam in besit te neem en dit te vernietig.
Solank as daardie lewe die gees van krankheid in die liggaam bestaan, groei en
lewe die siekte en gaan dit voort om sy vernietigende werk te doen.
Maar sodra die bose gees ­ die bose lewe of gees van swakheid ­ uitgedryf is
uit die liggaam in Jesus se Naam, sterf daardie siekte of groeisel. Dit sal
vergaan en die liggaam verlaat. Dis die proses van genesing.
Die lewe van die siekte is bestraf en uitgedryf, dan verdwyn die gevolge ook
sommer gou.
Wanneer ‘n persoon genees is deur ‘n wonderwerk, is die volkome werk van
God onmiddellik voltooi deur die krag van God.
Bv. ‘n kanker is ‘n lewende iets. Sy lewe is satanies. Dokters stem saam dat as
ons die lewe uit die kanker kan dryf, sal die effekte van die kanker ook opklaar.
Maar daar is twee magte wat teen mekaar stryd voer:
die bose lewe van die kanker en die Goddelike lewe van God wat in die liggaam
is. Elke metode wat aangewend word om die lewe van die kanker te vernietig,
stel die lewe van die liggaam waarin die kanker is, in gevaar.
Wat is die oplossing? SLEGS DIE BO NATUURLIKE KRAG EN GESAG VAN
GOD.
Jesus het gesê: In My Naam sal hulle duiwels uitdryf (Mark 16:17).
In die Naam van Jesus Christus, het ons as Christene die reg en gesag om die
gees (demoon) van kanker uit te dryf. Dis van die bose! Want dit het gekom om
te steel, te slag en te verwoes, maar Jesus het gekom dat ons sal lewe hê, en dit
in oorvloed. (Joh. 10:10)
Wanneer hierdie demoon van kanker, wat van satan afkom, weg is, is die
kanker dood, en die gevolge verdwyn.
Die gevolgtrekking is dat alle siekte van die duiwel is en dat ons mag het oor
die duiwel in Jesus se Naam. So kan ons hande op die siekes lê en die bose
geeste van krankheid verdryf. Die siekte sal sterf en die sieke sal genees word.
Dis wat Jesus ons in Mark 16:17­18 beveel het:
Die volgende wonder tekens sal voorkom by die wat glo; in My Naam sal
hulle siekes die hande oplê, en die sal gesond word.
Nou sal jy sekerlik ook die volgende Skrif beter verstaan.
Toe dit aand word, het hulle baie wat in die mag van duiwels was, vir

Hom gebring. Hy het die geeste met ‘n woord uitgedryf en al die siekes
gesond gemaak. So is vervul wat deur die profeet Jesaja gesê is: Hy het
ons lyding op Hom geneem ons siektes het Hy gedra (Matt 8:16­18)
Hierdie teks wys beslis daarop dat die siektes wat Jesus genees het deur
duiwels veroorsaak was. Hy het die duiwels (demone) uitgedryf en die siekes
genees.
Petrus het dieselfde woorde gesê toe hy met Kornelius en sy vriende gepraat
het:
Julle weet van Jesus van Nasaret, dat God Hom met die Heilige Gees en
met krag toegerus het. Hy het rondgegaan, oral goeie werke gedoen en
almal gesond gemaak wat in die mag van die duiwel was, want God was by
Hom (Hand 10:38)
In Lukas 13 vind ons Jesus besig om te onderrig in die sinagoge. Daar was ‘n
vroutjie wat kromgetrek was en sy kon nie regop kom nie. Die Bybel sê sy het
‘n gees van krankheid gehad (vers 11) (Die Nuwe Afrikaanse Bybel sê: sy het
gely onder ‘n bose gees wat haar heeltemal verswak het)
Was dit ‘n seën van God?
Nee! ‘n Bose gees van krankheid!
As medici sou gevra word om daardie vrou se geval te diagnoseer, sou nie een
beenspesialis in die wêreld gesê het: ‘n Gees van die duiwel bind haar, nie.
Dokters noem dit artritis van die ruggraat, of werwels wat uit plek uit is, of
een of ander mediese term, en wat die mediese wetenskap aangaan sal hulle
seker reg wees.
Maar as jy na die ware oorsprong van die probleem gaan, sal jy vind dat ‘n
gees van krankheid van satan haar gebind het. Verdryf die duiwel. Verbreek
satan se houvas en sy is genees. Dit is wat Jesus gedoen het.
Satan veroorsaak vandag nog ruggraat probleme vir baie mense.
Hulle het toe ‘n man wat in die mag van die duiwel was na Jesus toe
gebring. Die man was blind en stom (Matt. 12:22). Toe Jesus die duiwel
uitgedryf het kon die man sien en praat.
‘n Demoon van blindheid het die gebrek in daardie man veroorsaak.
Satan veroorsaak vandag nog blindheid vir baie mense. Die mense het ‘n man
na Hom toe gebring wat stom was omdat hy in die mag van ‘n duiwel was.
Nadat die duiwel uitgedryf is, het die stom man begin praat. (Matt. 9:32­
33)
In hierdie geval was stomheid veroorsaak deur ‘n demoon van stomheid. Die
bron van stomheid is vandag nog demonies.
Hy het die bose gees skerp aangespreek: Jou stom en dowe gees, Ek
gebied jou: gaan uit hom uit en moet nooit weer in hom invaar nie. (Mark.
9:25).
Toe, en nou, is diegene wat doof en stom is nog die slagoffers van die werk van
‘n demoon van doofheid en stomheid.
Op daardie oomblik was daar in hulle sinagoge ‘n man wat van ‘n bose gees
besete was. Hy (demoon) het uitgeskreeu ... Maar Jesus het hom skerp
aangespreek: “Bly stil en gaan uit hom uit” (Mark. 1:23 en 25).
Hier was ‘n onbeheerbare man in die sinagoge, en sy toestand was veroorsaak
deur ‘n onreine gees. Die duiwel is nog steeds die oorsaak van ‘n rebelse, onrein
karakter.
Petrus se skoonmoeder het ‘n hewige koors gehad. Hy (Jesus) het by die
koppenent van die bed gaan staan en die koors bestraf. Dit het haar

verlaat (Luk. 4:39)
Jy kan nie iets bestraf wat nie jou woorde verstaan nie. Jy kan slegs ‘n
persoonlikheid bestraf. Jesus het besef dat satan besig was in hierdie vrou se
liggaam om die koors te veroorsaak. Hy het dit bestraf en dit het haar verlaat.
Koors is nog steeds van die duiwel, en wanneer dit bestraf word in die Naam
van Jesus sal dit steeds padgee.
Dokters mag praat van artritis, maar ‘n bindende gees van die duiwel is die
werklike oorsaak.
Die mediese term mag wees onderontwikkelde stembande en dooie
oorsenuwees, maar die ware probleem is `n gees van doofheid en stomheid wat
van die duiwel afkomstig is en wat moet uitgedryf word in die Naam van Jesus.
Die spesialis mag sê dis gloukoma of katerakke, maar Jesus het gesê dis ‘n
duiwel van blindheid. Ek as ‘n mediese dr. het nou vir 18 jaar Jesus se
instruksies noukeurig gevolg met dieselfde resultate as die dissipels en baie was
genees. Daar was ook mense wat nie genees was nie, omrede sonde,
ongehoorsaamheid of gebrek aan kennis. (Hoes. 4:7) Sien ons boek Waarom
sommige nie Genees Word nie.
As jy nou weer kyk na Jesus se instruksies in Mark. 16 vanaf vers 15, sal jy
sien dat Hy eers noem dat die gelowige die duiwel sal uitdryf en dan hande op
die siekes lê en hulle sal gesond word ­ alles in die Naam van Jesus. Wanneer
ek vir siekes bid dan doen ek presies soos Jesus gesê het: ek dryf die duiwel uit,
dan lê ek my hande op die sieke en God genees hulle! As ons tog maar net
ALTYD JESUS SE INSTRUKSIES VOLG, sal ons ALTYD SUKSESVOL WEES,
maar ons doen liewer dinge soos ONS REG DINK, daarom is ons so dikwels
onsuksesvol!
As siekte van God af is, sal hospitale huise van rebellie wees i.p.v. huise van
genade, want in hulle poging om ontslae te raak van siekte, sal hulle teen God
rebelleer.
As siekte van God af is, sal elke verpleegster miskien teen God se plan gaan
elke keer as sy ‘n poging aanwend om lyding te verlig.
As siekte van God af is, behoort ons gekant te wees teen hospitale,
verpleegsters, dokters en medisyne, want hulle probeer almal om diegene wat ly
a.g.v. siekte te genees.
Maar aangesien siekte van satan af is, is dokters, medisyne, hospitale en
mediese kennis sekerlik van God (Jak. 1:17)
Aangesien siekte wel van satan af is, is elke poging wat aangewend word om
lyding te verlig, deur God daar gestel. Diegene wat glo dat God wil hê dat Sy
Kinders moet ly, moet nooit ‘n dokter roep nie, of mediese behandeling
aanbeveel aan ander nie. Deur dit te doen, sal hulle God se wil in hulle en
ander se lewens verkrag.
Ek het egter opgemerk dat meeste van diegene wat glo dat siekte van God af
is, gereed is om die beste dokter aan te beveel ­ of God nou wil hê dat Sy kind
moet ly of nie.
Diegene wat glo dat siekte ‘n seën is moet dan nooit, mediese behandeling
aanvaar om van siekte ontslae te raak nie, maar behoort liewer te bid dat hulle
familie en kerkgenote ook hierdie seën moet ondervind. Elkeen wat glo dat
siekte van God is moet nooit aan ‘n mediese fonds behoort om hulle te help om
van die siekte ontslae te raak nie.
Maar ek sien dat diegene wat glo dat siekte van God af kom dikwels angstig is
vir die dokter om te opereer en die seën van God te verwyder of dit God se wil is,

of nie.
Diegene wat glo dat siekte God se straf is vir Sy ongehoorsame kinders, is
gewoonlik die eerste om hospitaal behandeling aan te beveel om ontslae te raak
van siekte, of dit nou God se straf is of nie.
Diegene wat glo dat siekte van God af is behoort teen elke vorm van die
verligting van lyding te wees. Dis tog heeltemal onlogies om te leer dat siekte
van God af is, en dan mediese behandeling aan te beveel om ontslae te raak van
siekte.
Aangesien siekte SATANIES is, dan moet elke wyse van die vernietiging
daarvan, van God af wees.
As God wil hê dat ons moet ly tot Sy eer, dan behoort ons liewer te ly as om
genees te word.
As dit God se wil is dat ons moet siek wees, behoort ons niks te doen om in te
meng met God se wil nie, en behoort ons geduldig die siekte te verdra sodat God
Sy doel kan bereik.
Maar, aangesien SIEKTE VAN DIE DUIWEL AF IS, is elke vorm van verligting
‘n seën, of dit nou die vurige gebed van die gelowige is, of die gawe van die
genesing is, of die mediese wetenskap ­ God is die Gewer daarvan omdat Hy die
mens liefhet. Selfs vrees is ‘n demoniese mag of gees, want God sê Hy het ons
nie ‘n gees van vrees gegee nie, maar van krag, en liefde en selfbeheersing. (2
Tim. 1:7)
As ons glo dat siekte van God kom en ons gaan vir mediese behandeling dan
stel ons die dokter se vermoë bo die van God, want die dr. kan God ooruit lê.
HOE TUGTIG GOD SY KIND?
Dit is waar dat God kasty en tugtig, maar hoe doen Hy dit? D.m.v. siekte en
ongeluk? Tienduisend maal NEE! Kom ons ondersoek die saak.
My seun, ag die tugtiging van die Here nie gering nie en beswyk nie as jy
deur Hom bestraf word nie, want die Here tugtig hom wat Hy liefhet, en Hy
kasty elke seun wat Hy aanneem. (Heb. 12:5 en 6)
Hierdie tekste en veral die woordjie tugtig was al vir menige persoon ‘n groot
probleem en satan het ook nie op hom laat wag om juis hierdie verwarring te
saai nie. Ek verduidelik soos volg: Dieselfde Griekse woord wat hier vertaal
word met tugtig word in 2 Tim. 3:16 met teregwysing vertaal.
Die Skrif is deur God ingegee en is nuttig (die Skrif is nuttig) tot lering,
tot weerlegging, tot teregwysing, tot onderwysing in die geregtigheid (2
Tim. 3:16)
Die Griekse woord is paideus en hou veral verband met die opleiding van ‘n
kind en word vertaal met: onderrig, leer, afrig, onderwys, tugtig en kasty.
GOD GEBRUIK DUS SY WOORD OM ONS TE TUGTIG, NIE SIEKTE EN
RAMPE NIE!
Sou jy kanker of hongersnood of ‘n motorongeluk oor jou dierbare kind bring
as ‘n tugmaatreël? Nooit nie! God se liefde vir Sy Kinders oortref ons liefde vir
ons kinders sekerlik tienduisend keer! Nou wil menslike leerstellings God
verander in ‘n onredelike monster deur te sê God tugtig ons met siekte en
ongelukke. Hoe moet Sy Vaderhart nie daar deur bedroef word nie, veral nadat
Hy die ons Sy Beste, SY SEUN, gegee het aan die kruis om vir ons LEWE IN
OORVLOED (Joh. 10:10) te verdien, en waar God daagliks vir ons soveel goeie
dinge gee!

Ander tekste wat jy hieroor kan gaan lees is Joh. 15:2 en 3, en Spr. hoofstuk 3
en 4, en jy sal elke keer sien hoe DIE WOORD gebruik word om ons tereg te wys
en te korrigeer. In Jer. 2:19 staan: Jou eie boosheid sal jou tugtig en jou
afkerighede sal jou straf.
Dit sluit pragtig aan met die kennis wat ons het dat sonde (boosheid en
afkerighede) die werkinge van satan in ons lewe toelaat.
As jy weer kyk na Heb. 12:5 en 6, wil ek ook Matt. 7:11 aan jou voorhou:
As julle wat sleg is, dan weet om goeie gawes aan julle kinders te gee,
hoeveel te meer sal julle Vader wat in die hemele is, GOEIE DINGE GEE
aan die wat Hom bid!
In albei hierdie tekste vergelyk God Homself dus met ‘n aardse menslike vader,
en soos ons reeds gesê het, sal ‘n liefdevolle vader nooit verantwoordelik wees
vir sy kind se moeilikhede nie, maar eerder help om hom uit die moeilikhede te
hou. Maar, ‘n goeie vader sal tog van die geleentheid wat probleme skep gebruik
maak om vir sy kind sekere waarhede te leer. God het dus ONS WELSYN in
gedagte wanneer Hy ons tugtig.
Want hulle (ons aardse vaders) het ons wel ‘n kort tydjie na hulle beste
wete getugtig: maar Hy (God) TOT ONS BESWIL, sodat ons Sy heiligheid
kon deelagtig word. (Heb. 12:10)
Dwarsdeur die boek van Spreuke, waar die wyse vader Salomo aan die woord
is, praat hy met sy seun, en op hierdie wyse praat God met ons, Sy Kinders.
Lees gerus maar Spreuke 3:1 en 2, Spr. 19:18, Spr. 22:15.
My seun, verag die tug van die Here nie, en laat sy kastyding nie jou
weersin wek nie, want die Here tugtig hom wat Hy liefhet, ja, soos ‘n vader
die seun in wie hy behae het. (Spr. 3:11 en 12)
Nog ‘n belangrike aspek om hier in gedagte te hou is dat God ons tugtig op ‘n
liefdevolle wyse, nie in haat en toorn nie. Hy doen dit ook deur die Gees.
Moet ons nie veel meer aan die Vader van die GEESTE onderworpe wees
en lewe nie? (Heb. 12:9)
God tugtig en kasty nie die liggaam nie daarom plaas Hy nie siekte op ‘n mens
nie. God kasty (leer, onderwys, wys tereg) deur die mens se gees en Hy doen dit
deur Sy Woord.
Dit is die Gees wat lewend maak, die vlees is van geen nut nie; DIE
WOORDE WAT EK TOT JULLE SPREEK, IS GEES EN IS LEWE (Joh. 6:63)
Want die WOORD VAN GOD is lewend en kragtig en skerper as enige
tweesnydende swaard, en dring deur tot die skeiding van siel en gees en
van gewrigte en murg, en is ‘n beoordelaar van die oorlegging en gedagtes
van die hart. (Heb. 4:12)
Ek glo jy verstaan nou baie duidelik dat God SY WOORD WAT GEES IS,
GEBRUIK OM ONS GEES TE LEER EN TEREG TE WYS en dat Hy dit nie doen
deur siekte en ellende op ons liggame te plaas nie. As dit nie waar is nie dan
was Jesus se bediening ‘n klug want Hy het elke siekte en kwaal onder die volk
genees, en daar was nie een uitsondering nie. Jesus was die Wil van God in
aksie. Ek kan u verseker dat daar nie een persoon was wat God besig was om
te tugtig nie, anders sou Jesus teen die doel van Sy Vader gewerk het. Hy het
gesê: As julle My gesien het, het julle die Vader gesien. Nou dat julle My gesien
het, ken julle die Vader. Ek doen net wat die Vader My beveel. In opsomming
wil ek ten minste drie maniere noem wat God gebruik om ons te tugtig en te
louter:
1. Hy het die Heilige Gees gestuur om ons leermeester te wees.

.....maar die Trooster, die Heilige Gees, wat die Vader in My Naam sal
stuur, Hy sal julle alles leer .....(Joh 14:26).
2. En Hy het gegee sommige as apostels, ander as evangeliste, ander as
herders en leraars, om die heiliges toe te rus (leer) vir hulle dienswerk tot
opbouing van die liggaam van Christus (Ef 4:11­12)
3. Hy het Sy Woord gestuur om ons te onderrig. Die hele skrif is deur God
ingegee en is nuttig tot lering, tot weerlegging, tot teregwysing tot onderwysing
(tugtiging) in die geregtigheid sodat die mens van God volkome kan wees, vir
elke goeie werk volkome toegerus. (2 Tim 3:16­17)
DIE BEGIN VAN DIE PROBLEME
Die mens is deur God gesond en sterk geskape, ook gelukkig en in soete
gemeenskap met Hom. Maar satan, die verleier, het veroorsaak dat Adam en
Eva ongehoorsaam was aan God se bevele en om aan Sy Woord te twyfel.
Hulle het teen God gesondig en hulle self oorgegee aan die gesag van satan om
vir ewig sy slawe te wees. Weens hierdie voorval was hulle uit die tuin van
Eden gedryf en was vir ewig geskei van God. Hierdie vloek was oorgedra oor die
mensdom, want elkeen het gesondig. Dis toe dat kwale, pyn en siekte begin het
om die gesondheid van God se skepping te vernietig en het daarmee volgehou
totdat Christus, die Seun van God, gekom het en ons sonde en siekte gedra het
en ons krankhede weggeneem het. Hy het die straf vir ons ongehoorsaamheid
betaal deur slae te verdra, en toe die Kruis. Hy het ons doodsvonnis betaal.
Noudat Jesus Christus ONS skuld betaal het en gely het IN ONS PLEK, het
God ONS vry verklaar. Deur Sy gestorte Bloed het ONS kwytskelding van sonde
ontvang, en deur Sy Wonde is ONS genees (Matt 26:28, 1 Pet 2:24)
ONS VRYMAKING
Ons redding, ons verlossing en ons vrymaking van al die werk van satan is
reeds verkry deur Christus op Golgota. Toe Hy die woorde uitgeroep het: DIT IS
VOLBRING, was dit asof Hy die oorwinnaarsvlag gehys het oor die bevryde land
waar die stryd gevoer was, waar die vyand oorwin was en gedwing was om ons
oor te gee.
Christus, die bewerker van ons saligheid en die Leidsman en Voleinder van ons
geloof (Heb 2:10, 12:2) het na hierdie wêreld toe gekom, ons vyand (satan)
oorwin, hom sy gesag ontneem, ons pyne en neerlae verwyder, en opgestaan uit
die graf, triomferend oor die duiwel. Dit is volbring!
Ons redding, ons genesing en ons verlossing is volbring! die oorwinnaarsvlag
is ontvou. Die bloedbevlekte banier van liefde en vrede is gehys en wapper as ‘n
simbool van Christus se totale triomfering en volkome oorwinning oor AL die
werke van die duiwel wat Hy gekom het om te vernietig.
Nou is ons vrygemaak uit die hand van die verdrukker. Liggaam, siel en gees ­
ONS IS VRY!
Want julle is duur gekoop. Verheerlik God dan in julle liggaam en in julle
gees wat aan God behoort. (1 Kor 6:20)
Christus, die bewerker van ons saligheid, het ons stryd vir ons gestry en ons
vrygemaak van die mag en heerskappy van die vyand. Want Jesus het vir
hierdie doel gekom om die werke van die duiwel te verbreek.
Nou kan jy sê: Ek is verlos deur Sy Bloed en ek is genees deur Sy wonde.

ONWETTIGE STRYD
Maar waarom is daar dan steeds so baie Christene siek en vol kwale?
Alhoewel ons eiendom wettiglik vrygemaak is van die vyand; alhoewel satan se
era vernietig is deur Christus, alhoewel satan se mag oor ons lewens van hom
afgeneem is, bly daar nog ‘n leërskare van demone oor wat voortgaan om ons
vooruitgang te weerstaan en ons oorwinning te haat.
Demone het geen wettige reg om voort te gaan om diegene wie gered is te
verdruk en te pynig met siekte en swakhede nie, maar hulle besef ook dat
duisende mense nie weet wat in die Bybel staan nie. Hoes 4:6 My volk gaan te
gronde weens gebrek aan kennis: omdat jy die kennis verwerp het, sal Ek jou
verwerp. 2 Tim 3:16 Die hele Skrif is deur God ingegee en is nuttig tot lering,
tot weerlegging, tot teregwysing, tot onderwysing in die geregtigheid.
Duisende mense weet nie dat die sataniese magte geen wettige reg en toegang
het tot die lewe van ‘n wedergebore kind van die Here nie. Behalwe die reg wat
ons toelaat deur ongehoorsaamheid. Alles kom neer op gehoorsaamheid van
God se opdragte (Gebooie).
SOLANK AS MENSE NIE BEWUS IS VAN SATAN SE WETTIGE NEDERLAAG
EN GOD SE OPDRAGTE NIE, GAAN satan ONGEHINDERD VOORT.
Maar ons moet dit ons besigheid maak om God se Woord TE LEES en TE KEN
en lees waar dit aangeteken is hoe satan heeltemal oorwin was. Dan kan ons
die duiwel weerstaan, standvastig in ons geloof wees, en hy sal van ons af weg
vlug (Jak 4:7, 1 Pet 5:9). Ons kan ook sê “dit is geskryf.”
HERKEN JOU VYAND
Deut 28:1 en 2 As jy dan goed luister na die stem van die Here jou God
om sorgvuldig te hou (doen) al sy gebooie wat ek jou vandag beveel, dan sal
die nasies van die aarde. En al hierdie seëninge sal oor jou kom en jou
inhaal as jy luister na die stem van die Here jou God.
Satan is jou vyand. Demone is jou vyande. Hulle haat die feit dat jy wettige
mag oor hulle het en is jaloers op jou erfenis. hulle probeer jou bedreig oor jou
beloofde land. Maar, soos Josua en die kinders van Israel, moet jy die beloofde
land in besit neem sonder vrees, en volkome gehoorsaamheid aan God se
opdrag. Kry ons boekie “Ken jou Vyand”.
Jy moet jou vyand herken, hou hom dop, bestudeer sy taktiek van
oorlogvoering, en wees self deeglik voorberei en paraat en sterk in die geloof, om
hom te verdryf. Dit kan jy bereik deur God se Woord te lees en te ken.
Want die wapens van ons stryd is nie vleeslik nie, maar kragtig deur God
om vestings neer te werp. (2 Kor 10:4)
Want ons worstelstryd is nie teen vlees en bloed nie, maar teen die
owerhede, teen die magte, teen die wêreldheersers van die duisternis van
hierdie eeu, teen die bose geeste in die lug (Ef 6:12)
Alles wat boos, aftakelend, ontmoedigend en haatlik is, is van die duiwel.
Alles wat goed, opheffend, liefdevol, opbouend en rein is kom van God af.
Elke goeie gawe en elke volmaakte gawe daal van bo af neer, van die
Vader van die ligte, by wie daar geen verandering of skaduwee van
omkering is nie. (Jak 1:17)
Sy goddelike krag het ons alles geskenk wat tot die lewe en godsvrug dien

.... (2 Pet 1:3)
Want die Seun van die mens het nie gekom om die mense se lewe te
verderf nie, maar te red. (Luk 9:56)
Satan, jou vyand is altyd teenwoordig om jou geloof, jou integriteit en jou
verbondsregte uit te daag. Satan is gedurig besig met ‘n openlike rebellie teen
God en Sy familie. Hy gebruik nog dieselfde taktiek om te verlei nl. “Het God dit
gesê?” Bv. tradisie sê dit is nie meer vir vandag nie, maar God sê Sy Woord
(opdragte) staan vir ewig.
Maar Jesus Christus het vir hierdie doel verskyn, OM DIE WERKE VAN
DIE DUIWEL TE VERBREEK (1 Joh 3:8) Die duiwel is steeds besig om te
steel en te slag en te verwoes (Joh 10:10) en dit doen hy met siele, gemoedere
en liggame van God se skepping.
Christus het gekom om AL hierdie bose werke van satan te vernietig. Hy HET
hulle oorwin en het vir ons mag en gesag oor satan en al sy demone, as ons Sy
voorwaardes nakom. En satan haat dit! Hy is so jaloers! Hy weerstaan ons. Hy
verafsku ons. Maar ons is gewaarsku om op ons tone te wees. Daar is aan ons
`n volle wapenrusting gegee om hom mee te weerstaan.
Jesus, voordat Hy opgevaar het na Sy Vader toe, het aan elke gelowige die reg
gegee om SY NAAM TE GEBRUIK teen die vyand.
Die Swaard van die Gees, dit is die Woord van God, is in ons hart en in ons
mond. (Hou ook maar steeds in gedagte, dat as hierdie Swaard NIE in JOU hart
en in ons mond is nie, sal JY NOOIT VIR SATAN OORWIN NIE)
Ons voete het die bereidheid vir die evangelie van vrede aan. Die helm van
verlossing is op ons hoof, en die skild van die geloof is ons verdediging waarmee
ons al die vurige pyle van die bose sal kan uitblus (Ef 6:13­18)
Jesus ons kaptein sê: Kyk, ek gee aan julle die mag ... oor AL die krag van
die vyand (Luk 9:1) In My Naam sal hulle duiwels uitdryf. (Mark 16:17) Op
siekes sal hulle die hande lê, en hulle sal gesond word. (Mark 16:18)
Ons hoef nooit te vrees of te bewe nie, maar net sterk wees, vol geloof. Met die
volle wapenrusting van God aan, moet ons satan weerstaan. In die Naam van
Jesus, moet ons duiwels uitdryf en met die Swaard van die Gees, wat die Woord
van God is moet en KAN ONS elke vyandelike mag oorwin.
En van die dinge wat die vyand gebruik om ons af te takel is siekte en fisiese
ongesteldheid. Maar dan sê mense: “Miskien het God dit goed gedink om
hierdie siekte op my te lê. Dis dalk Sy Wil dat ek moet siek wees. Dis moontlik
‘n verbloemde seëning. Hy werk mos op verborge wyse en miskien werk Hy
hiermee iets goed uit in my lewe.”
Lees die volgende met groot erns en jy sal besef dat sulke redenasies dwaas en
onwaar is:
GOD NOEM SIEKTE GEVANGENISSKAP
En die Here het die lot (Engels : captivity) van Job verander toe hy vir sy
vriende gebid het (Job 42:10) Die Bybel sê ook: En die SATAN het
weggegaan van die aangesig van die Here, en hy het Job met bose swere
getref, van sy voetsool tot sy skedel (Job 2:7)
Toe God Job genees het, sê die Skrif dat God Job vrygemaak het van
gevangenisskap (captivity).
Gevangenisskap is nie God se Wil vir Sy kind nie. Jesus het gekom en die
Heilige Gees het Hom gelei om aan die gevangenes vrylating te verkondig. (Luk
4:19)
Die Here noem dus siekte, gevangenisskap, en elkeen wat gevange gehou word

deur siekte, kan
volkome verlossing ontvang deur Christus Jesus.
JESUS NOEM SIEKTE GEBONDENHEID Maar hierdie vrou .... wat die
satan ... gebind het
... moet sy nie van hierdie band verlos word nie? (Luk 13:16).
Jesus het hierdie inmekaar gekrimpte vroutjie gesien, en gesê: Vrou jy is
van jou krankheid verlos (vers 12)
Jesus sê satan het haar gebind. Hy het nie eenkeer eers gesinspeel dat Sy
liefdevolle Vader, in `n poging om haar te louter tot fyn goud, haar gebind het
nie. GOD BIND NIE MENSE NIE ­ Hy maak hulle vry!
Jesus het nooit gesê dat hierdie vroutjie inmekaargetrek was sodat sy kon
nederig bly nie, of dat die Here daardeur Sy verborge wil in haar lewe wou
uitwerk nie. Jesus het gesê dat SATAN HAAR GEBIND HET.
Gebondenheid kan nie die Wil van God wees nie want Jesus het juis gekom
om gevangenes vry te maak! (Luk 4:19)
Jesaja het eeue gelede geprofeteer van Jesus se bediening en gesê: bande sal
losgemaak word ... verdruktes sal vrygelaat word (Jes 58:6)
Jesus het gekom as die Weg, die Waarheid en die Lewe (Joh 14:6). Hy het
gesê: En julle sal die WAARHEID ken, en die WAARHEID SAL JULLE
VRYMAAK (Joh 8:32) DIE HEILIGE GEES NOEM SIEKTE “OM IN DIE MAG
TE WEES” Jesus....het rondgegaan, oral GOEIE WERK gedoen en ALMAL
GESOND GEMAAK wat IN DIE MAG van die duiwel was (Hand 10:38) Let op
nie, ALMAL WAT DEUR DIE VADER GESEëN WAS NIE.
Hierdie was die taal van die Heilige Gees want terwyl Petrus hierdie woorde
uitgespreek het, was almal wat na hom geluister het, vervul met die Heilige
Gees. Die heilige Gees wat deur Petrus gepraat het in die huis van Kornelius,
het gesê dat om siek te wees is om in die mag van die duiwel te wees. Dit is
egter nie God se plan vir jou, dat jy in enige ander persoon se mag moet wees
nie, allermins die duiwel s’n! Volgens die woorde van die profeet Jesaja het
Jesus gekom om die verdruktes vry te laat (Jes 58:6)
Vryheid, verlossing, gebreekte bande en vrygelate gevangenes, is deel van die
Groot GENADE van die Nuwe Testament. God noem siekte gevangenisskap;
Jesus noem dit gebondenheid, en die Heilige Gees sê ‘n siek mens is in die mag
van satan. Laat jou denkwyse in lyn kom met die van die Drie­enigheid en JY
SAL GENEES WORD!
As die Seun julle dan vrygemaak het, sal julle waarlik VRY wees. (Joh.
8:36) En julle sal die Waarheid ken, en die Waarheid sal julle VRYMAAK
STAAN DAN VAS IN DIE VRYHEID WAARMEE CHRISTUS ONS VRYGEMAAK
het (Gal 5:1)
Kry gerus ons boekies :
Ken jou Vyand
God se Wil oor siekte en
Bybelse antwoorde oor Genesing
deur Dr van Zyl, vanaf die Sentrum
‘n PAAR REDES WAAROM ‘n CHRISTEN GODDELIKE GENESING MOET
AANVAAR
1. Die Vader het Christus gesalf om almal te genees wat deur die
duiwel verdruk word.

“Met betrekking tot Jesus van Nasaret, hoe God Hom gesalf het met die Heilige
Gees en met krag. Hy het die land deur gegaan, goed gedoen en almal genees
wat onder die mag van die duiwel was, omdat God met Hom was.” Hand 10:38.
2. Die Vader en die Heilige Gees as medewerkers van Christus was met
elke genesing.
Sien Hand 10:38 soos hierbo aangehaal.
3. Die Here Jesus het alle mense en alle kwale genees.
“En Jesus het .... rondgegaan ... en elke siekte en elke kwaal onder die volk
genees.” Mat 4:23 “En almal wat ongesteld was, het Hy gesond gemaak.” Matt
8:16
“En groot menigtes het Hom gevolg en Hy het hulle daar gesond gemaak.”
Matt 19:2
“Want Hy het baie gesond gemaak.” Mark 2:10 “En toe die son ondergaan het
almal hulle siekes, mense met allerhande kwale, na Hom gebring en Hy het een
vir een van hulle die hande opgelê en hulle gesond gemaak.” Luk 4:40.
4. Hy het Sy twaalf dissipels die mag en die opdrag gegee om te genees.
"En Hy het Sy twaalf dissipels na Hom geroep en hulle mag gegee ... om elke
siekte en elke kwaal te genees." Matt 10:1. "En Hy het twaalf aangestel ... en
mag te hê om siekes te genees."
Mark 3:14 en 15. “Reinig melaatses, wek dooies op, dryf duiwels uit.” Matt
10:8. “Hy het ... aan hulle mag gegee om siekes te genees, en Hy het hulle
uitgestuur om ... die siekes gesond te maak.” Luk 9:1 en 2.
5. Hy het sewentig ander aangestel om te genees.
“Maak die siekes gesond” Luk 10:9
6. Hy het genesing beloof aan alle gelowiges.
“Op siekes sal hulle die hande lê en hulle sal gesond word.” Mark 16:18.
7. Hy het mense met mag beklee om te genees.
Die skare ... het God verheerlik wat so ‘n mag aan die mense gegee het.” Matt
9:8 (Genesing van ‘n verlamde man).
8. Na die dood van Christus het die apostels genees.
“In die Naam van Jesus Christus, die Nasarener, staan op en loop!” Hand 3:6.
“En die menigte het ... siekes gebring .. en hulle is almal genees.” Hand 5:16
9. Filipus, wat nie `n apostel was nie het ook genees.
“En baie wat lam en kreupel was, het gesond
geword”. Hand 8:7
10. Op bevel van God het Ananias vir Paulus genees.
“En dadelik het daar iets soos skille van sy oë afgeval en hy kon onmiddellik
weer sien.” Hand 9:18
11. Paulus het siekes genees.
Hom (Publius) die hande opgelê en hom gesond gemaak.” Hand 28:8. “Ook die
ander wat siektes gehad het op die eiland, (het) na hom gekom en is genees.”
Hand 28:9. “ ‘n Man ... kreupel van sy geboorte af en hy het nooit geloop nie
... en Paulus het ... met ‘n groot stem gesê: Staan reg op jou voete! En hy het
opgespring en begin rondloop.” Hand 14:8­10.
12. Genesing is `n onderdeel van die saligheid.
“Maak die siekes gesond wat daarin is en sê vir hulle; Die koninkryk van God
het naby julle gekom.” Luk 10:9.
13. Genesing is inbegrepe in die versoening.

“En almal wat ongesteld was, het Hy gesond gemaak, sodat vervul sou word
wat gespreek is deur Jesaja: hy het ons krankhede op Hom geneem en ons
siektes gedra.” Matt 8:16 en 17.
“Deur wie se wonde julle genees is.” 1 Pet 2:24 (sien Jes 53:5) omdat ons “Die
liggaam van Christus nie onderskei nie.
Daarom is daar onder julle baie swakkes en sieklikes, en ‘n aantal het
ontslaap.” 1 Kor 11:29 en 30. “Dit is My liggaam wat vir julle gebreek word.” 1
Kor 11:24. (Deur wonde)
14. Daar word binne die Kerk voorsiening gemaak vir genesing. “Op
siekes sal hulle die hande lê en hulle sal gesond word.” Mark 16:18 “Is daar
niemand siek onder julle?
Laat hom die ouderlinge van die gemeente inroep en laat hulle oor hom bid
nadat hulle hom in die Naam van die Here met olie gesalf het.
En die gebed van die geloof sal die kranke red en die Here sal hom oprig.” Jak
5:14 en 15.
“en God het ... in die gemeente gestel ... genadegawes van gesondmaking.” 1
Kor 12:28.
15. Genesing is die gawe van die Heilige Gees.
“Aan ‘n ander genadegawe van gesondmaking deur dieselfde Gees.” 1 Kor 12:9
16. Genesing is `n Godgegewe wondermag.
“Want die man aan wie hierdie teken van genesing plaasgevind het, was meer
as veertig jaar oud.” Hand 4:22.
17. Sy gelowiges word gemaan om vir mekaar te bid vir genesing.
“Bid vir mekaar, sodat julle gesond kan word.” Jak 5:16.
18. Want Christus is nog dieselfde.
“Jesus Christus is gister en vandag dieselfde, en tot in ewigheid.” Heb 13:8
(en sy opdragte is vir ewig)
19. Gekom om die Evangelie te hoor en genees te wees. Luk 6:17
“En God het buitengewone kragte deur die hande van Paulus gedoen, sodat
selfs wanneer doeke of voorskote wat aan sy lyf was, op die siekes gelê is, die
siektes van hulle gewyk en die bose geeste van hulle uitgegaan het. Hand 19:11
en 12
20. God het altyd genesing geskenk
“God het Abimeleg gesond gemaak: ook sy vrou en sy slavinne.” Gen 20:17.
“Want Ek is die Here wat jou gesond maak.” Exod 15:26. “En Moses het die
Here aangeroep en gesê: O God, maak haar tog gesond!” Num 12:13. “So spreek
die Here Ek sal jou (Hiskia) gesond maak.” 2 Kon 20:5. “En die Here het Hiskia
verhoor en die volk genees.” 2 Kron 30:20. “Maak my gesond, Here want my
gebeente is verskrik.” Ps 6:3.
“Here my God, .... U het my gesond gemaak.” Ps 30:3. “Loof die Here ... wat
al jou krankhede genees.” Ps 103:2 en 3. “Hy het Sy woord uitgestuur dat Hy
julle kon gesond maak.”
Ps 107:20 “Ek sal hulle genees.” Jes 57:18 en 19.
21. God is nog Adonai Rafa
“Ek is die Here wat jou gesond maak.” Exod 15:26
HOE OM WEER GEBORE TE WORD
1. ERKEN: Want almal het gesondig en dit ontbreek hulle aan die heerlikheid van God
(Rom 3:23) o God, wees my, sondaar, genadig! Lukas 18:13) In die lig van God se

Woord moet jy erken dat jy ‘n sondaar is.
2. BEKEER: Nee, sê Ek (Jesus) vir julle; maar as julle jul nie bekeer nie, sal julle almal
net so omkom. (Lukas 13:3) Kom dan tot inkeer en bekeer julle, sodat julle
sondes uitgewis kan … (Handelinge 3:19) Kom tot die besef hoe afskuwelik sonde is en
draai weg daarvan.
3. BELY: As ons ons sonde bely, Hy is getrou en regverdig om ons die sondes te
vergewe en ons van alle ongeregtigheid te reinig. (1 Johannes 1:9) Want met die
hart glo ons tot geregtigheid en met die mond bely ons tot redding. (Rom 10:10)
Bely jou sondes voor God
4. VERLAAT: Laat die goddelose sy weg verlaat en die kwaaddoener sy gedagtes, en
laat hy hom tot die Here bekeer … want Hy vergeef menigvuldiglik. (Jesaja 55:7)
Net om jammer te wees oor jou sonde is nie genoeg nie. Ons moet begeer om die vir ewig te
verlaat.
5. GLO: Want so lief het God die wêreld gehad, dat Hy Sy eniggebore Seun gegee
het, sodat elkeen wat in Hom glo, nie verlore mag gaan nie, maar die ewige lewe
kan hê. (Johannes 3:16) As jy met jou mond die Here Jesus bely en met jou hart
glo dat God Hom uit die dode opgewek het, sal jy gered word; (Rom 10:9) Glo dat
Jesus Christus jou geheel en al verlos het by die Kruis.
6. ONTVANG: Hy het na sy eiendom gekom, en sy eie mense het Hom nie aangeneem
nie. Maar almal wat Hom aangeneem het, aan hulle het Hy mag gegee om kinders
van God te word, aan hulle wat in sy Naam glo; (Johannes 1:11 en 12) Jy moet glo,
deur geloof, ontvang nou vir Jesus Christus in jou hart sodat jy die ondervinding van die
wedergeboorte van hê.
7. SKRYF NEER: Vandag se datum, op die binneblad van jou Bybel of lang ‘n Skrif gedeelte of
vers wat vir jou spesiale betekenis het. Laat dit altyd vir jou ‘n bevestiging wees dat jy jou
hart en lewe aan die Lewende God toegewy het, en dat Hy jou in Sy Liefde ontvang het.
Weerstaan satan deur aan hom hierdie spesifieke vers uit te wys wanneer jy jou aanval met
onsekerheid en verwardheid.
8. LEES: Die geloof is dus uit die gehoor, en die gehoor is deur die Woord van God.
(Romeine 10:17) Begin om elke dag ‘n hoofstuk uit die bybel te lees en pas God se
instruksies in jou daaglikse wandel met Hom toe.
9. BID: God is nou jou Hemelse Vader: praat elke dag met Hom. Bely jou sondes, loof Hom en
prys Hom omdat Hy jou vry gemaak het, vertel Hom van jou behoeftes, en dank Hom dat Hy
in al jou behoeftes voorsien: liggaamlik, finansieel en emosioneel (Fil 4:19) Hier volg ‘n
gebed wat jy kan as ‘n riglyn kan gebruik om te bid.
”Hemelse Vader, ek erken dat ek ‘n verlore sondaar is. Ek dank U dat Jesus vir my
sondes gesterf het. Ek vra U om my sondes te vergewe. Ek maak nou die deur van
my hart en lewe vir U oop. Kom asseblief binne en reinig my. Neem die leisels van
my lewe: Ek wil deur U Heilige Gees gelei word. Vader, ek dank U dat Jesus Christus
nou my Verlosser en Heer is en dat ek U kind is. Amen.”
1. GEMEENSKAP: Kry ‘n groep Wedergebore, gelowige Christene en hou samesyn op ‘n
gereelde basis. Hou altyd die prentjie in gedagte van die kooltjie wat in die vuur is aan gloei
terwyl dit in kontak met die vuur is, maar wat koud en dood gaan as dit te lank uit die vuur
is.
2. SKRYF AAN ONS: Ons sal graag van hulp wil wees in jou geestelike groei en sal enige vrae
oor hierdie onderwerp beantwoord. Skryf net aan ons by Stanger Christelike Sentrum, Posbus
232, Ballit0, 4420.