Nuwe Verbond.indd - Aramaic Peshitta Bible Repository

25 Die doop van Yoganan, waar was dit vandaan, uit die hemel of uit mense?” Hulle
het dit eenkant bespreek en gesê: “As ons sê: ‘Uit die hemel,’ dan sal Hy ons vra:
‘Waarom het julle hom nie geglo nie?’
26 en as ons sê: ‘Uit mense,’ dan moet ons oppas vir die skare, want almal beskou
Yoganan as ‘n profeet.”
27 Hulle antwoord en sê vir Hom: “Ons weet nie.” Yeshua sê vir hulle: “Dan sê Ek
ook nie vir julle in watter outoriteit Ek hierdie dinge doen nie,
28 maar hoe lyk dit vir julle? Daar was ‘n sekere man wat twee seuns gehad het en hy
roep die eerste een en sê vir hom: ‘My seun, gaan werk vandag in die wingerd,’
29 maar hy antwoord en sê: ‘Ek wil nie,’ maar later het hy berou gehad en gegaan.
30 Hy het na die tweede gegaan en vir hom net so gesê en hy antwoord en sê: ‘Ja, my
meester’ en hy het nie gegaan nie.
31 Wie van hierdie twee het die wil van hulle vader gedoen?” Hulle antwoord Hom:
“Die eerste.” Yeshua sê vir hulle: “Dit is waar, Ek sê vir julle, die belastinggaarders
en die prostitute gaan voor julle uit die Koninkryk van God in,
32 want Yoganan het na julle toe gekom met die pad van regverdigheid, en julle het
hom nie vertrou nie; maar die belastinggaarders en die prostitute het hom vertrou en
julle het dit gesien en tog nie later berou gekry om hom te vertrou nie.
33 Luister na ‘n ander vergelykende storie: Daar was ‘n sekere huiseienaar wat ‘n
wingerd geplant het en hy het ‘n heining daarom gesit, ‘n parskuip daarin gegrawe,
‘n wagtoring gebou, die sorg aan werkers oorgegee en na ‘n ander land gereis.
34 Toe die vrugteseisoen aangebreek het, stuur hy sy slawe na die werkers om van die
vrugte van sy wingerd aan hom te stuur
35 en die boere het sy slawe gevat, een geslaan, ‘n ander een doodgemaak en ‘n ander
een gestenig.
36 Weer het hy ander slawe gestuur, meer as die eerstes en hulle het met hulle net so
gemaak.
37 Laastens het hy sy seun na hulle toe gestuur en gesê: ‘Hulle sal my seun
respekteer,’
38 maar toe die werkers die seun sien, het hulle onder mekaar gesê: ‘Dit is die
erfgenaam; kom ons maak hom dood en neem sy erfdeel vir ons’
39 en hulle het hom gegryp en uit die wingerd uitgelei en hom doodgemaak.
40 Wanneer die meester van die wingerd dan kom, wat sal hy met daardie werkers
doen?”
41 Hulle het vir Hom gesê: “Baie sleg; hy sal hulle vernietig en die wingerd oorgee
aan die sorg van ander werkers wat aan hom die vrugte in seisoen sal gee.”
42 Yeshua sê vir hulle: “Het julle nooit in die Skrifte gelees nie: ‘Die steen wat die bouers
verwerp het, dit het die hoof hoeksteen geword. Hy het van die Teenwoordigheid
van gekom en is wonderbaar in ons oë?’
Ps 118:22-23
Mattityahu
43 Deur dit sê Ek vir julle: ‘Die koninkryk van God sal van julle weggevat word en
aan ‘n volk gegee word wat vrugte sal dra
44 en wie ookal op hierdie steen val, sal stukkend breek en elkeen op wie hy val, dié
sal tot poeier gemaal word’.”
37