Hoofstuk 34 Wonderwerke en Towerkuns.pdf - Ateisme.co.za

WONDERWERKE EN TOWERKUNS
Die vraag is dadelik, wat beteken die woord “wonder” wanneer ons praat van
“wonderwerke” Dit is iets bonatuurliks, buitegewoons, wat nie met die verstand verklaar
kan word nie. ‘n Wonderwerk is dan ‘n daad of gebeurtenis wat nie volgens die
bekende fisiese wette van die natuur verklaar kan word nie, en gevolglik aan ‘n
bomenslike tussenkoms, toegeskryf word. Die Latynse woord vir voorwerp van wonder
is “Miraculum”. Vele moderne debatte in Judaïsme en die Christene in Amerika, het
onlangs oor hierdie onderwerp plaasgevind. Ons sal dit opsommend beskryf. So weet
ons dat veral in genesingswonders die gebeure beskryf kan word in beide
wetenskaplike taal (invloed van gelowige se brein op sy liggaam) of in die gelowige
terme, as iets van Goddelike oorsprong.
Wonderwerke was tradisioneel ‘n gebeurtenis wat baie duidelik van normale
gebeurtenisse onderskei kon word, as bomenslik. So was die Jesus menslike lewe, as
God en Seun, deel van die drie-enige God, se heilige konsepsie, maagdelike geboorte,
wonderwerke en klimaks van opstanding uit die dood weens Goddelike tussenkoms.
Vandag bevraagteken Christene hierdie wonderwerke baie skepties. Baie natuurlike
verskynsels en gebeure word vandag op wetenskaplike basisse met neergelegde
natuurwette en waarnemings bewys. Baie van die bomenslike verskynsels is vandag
algemeen en normale kennis. Baie voorbeelde van wonderwerke is beslis mitologie en
ander van twyfelagtige historiese waarde. So is die variasie in die Christelike geloof van
die wie die wonderwerke verwerp, tot die wie nog volle vertroue in die Bybel het, die
Fundamentaliste.
Die filosoof D. Hume (1711-76 CE) het geredeneer dat ‘n geloof nie op die beginsel van
wonderwerke as basis, kan bestaan nie. Die rede is eenvoudig dat die normale wette
en fisiese natuurlike verskynsels en wette baie meer oortuigend, as die grondslag wat
die wonderwerk steun, sal wees. Wonderwerke is dus verwerping van die onbetwisbare
natuurwette. Die moderne ontwikkelde brein sal dus wonderwerke bevraagteken as: het
dit werklik gebeur? Indien wel, wat wys dit? Dit moet ook gewaardeer word op
grondslag van geloofsvertelling en doelstelling. So sal die profeet dit gebruik om sy
mag te vertoon, toegeskryf as Goddelike tekens.
Volgens Judaïsme is wonderwerke die tussenkoms en dade van God in die Ou
Testament. Ons dink aan die skeppingswerk, tien plae en skeiding van die Rooi See.
Die middeleeuse Joodse filosowe het baie probleme ondervind met die Bybelse begrip
van bomenslike elemente en wonderwerke. Hulle redenasies was verwerp.
Die Koran weergee “tekens van Allah” as bewys van Goddelike mag. Dit wat nie
normaal vermag kan word nie, is “Mujisa”. So is “Ijaz”, van dieselfde wortel, die
omskrywing van ‘n profeet se oorspronklikheid en eerbaarheid, soos Mohammad. So
word baie legendes en wonderwerke aan Mohammad toegedig.
In die Oosterse gelowe is wonderwerke en gebeure so algemeen, dat dit assulks as
normaal beskou kan word. So word lewende bevestiging van Goddelike persone
bewerkstellig. Die beroep op wonderwerke word verdoem as uitbuiting van
kredietwaardigheid. Nogtans gaan dit voort.
Dit is ook nodig om towerkuns (toorkuns) te omskryf teneinde enige verband aldan nie
vas te lê. Tower is om iets wonderbaarliks te verrig deur geheimsinnige handeling. Dit
is om iets op bonatuurlike wyse, teennatuurliks tot stand te bring. So word
1

towerspreuke, sjarmes, towermiddels en rituele gebruik sodat die natuurwette bomenslik
oorheers moet word. Die basiese beginsel is simpatiese towerkuns, deur beïnvloeding
en assosiasie. Soortgelyke verwagting bring soortgelyk voor. Sedert die negentiende
eeu word pogings aangewend om die verband tussen geloof en towerkuns te bepaal.
Meer onlangse studies is van die verstandhouding van towerkuns as onderliggend tot
geloof vas te stel. Towerkuns bied herskepping van die omstandighede sonder enige
waarborge van die resultaat. Wat ookal die uitkoms mag wees, word bevestig, die
omstandighede waarin daardie mens lewe, dat towerkuns wel werk.
Towerkuns is sedert 1911 beskyf as ‘n wanbegrip van die teorie van oorsaak, ‘n
uitdrukking van primitiewe wetenskap, die vervulling van emosionele behoeftes in
natuurlike en sosiale gebeure. Volgens antropologie moet ons die gelowe bestudeer
wat die towerkuns onderlê, teneinde die redelikheid al dan nie te bepaal. So is die
Victoriaanse onderskeid tussen wetenskap en towerkuns gekritiseer, omdat baie min
mense vandag begrip het van die moderne tegnologie. Dinge soos selfone en televisie,
om net twee alledaagse tegnologie te neem, sal as towerkuns of wonderwerke
ononderskeidbaar wees. Dit is duidelik dat die mens se bewussynstruktuur ‘n baie groot
rol in towerkuns en wonderwerke sal speel.
Volgens Herodotus 484-424 BCE, ‘n Griekse historikus, was die Magoi een van ses
Mediaanse stamme, wie verantwoordelik was vir alle gelowe se rituele aktiwiteite,
ongeag enige grense tot watter God ookal ‘n offerande gemaak word. Die
Zoroastrianistiese leerstellings het vinnig oor die Iraniese plato versprei. Bekend as die
Magi, het dit die hele koninkryk beset en met Babilon as administratiewe hoofstad, was
hulle gou bekend, in astrologie en kennis, as Magic. Die Griekse woord Magoi, is
wysheid, bekend as Magic. So het die Magi ‘n groot rol in die Zoroastriaanse kerk
gespeel met naam en rolveranderings van priesters en hulle onderdane. Reinheid was
van uiterste belang ten einde ‘n priester te bemagtig om deur aanbidding, konsentrasie
op die ritueel, en magverwerking daaruit, sodat die hemelse magte teenwoordig is. Die
priesters se naam, “Yozdathrager” het dan “reiniger” beteken.
Die Christelik passende gedeelte van die Magi ontbloot min kennis daarvan. Volgens
Matteus 2:1-12 was hulle gelei deur ‘n ster. Dus ‘n belediging vir astroloë en wyse
manne. In Handelinge 13:6 word “Sorcerer” dus towenaar gevind. Volgens Ignatius
van Antioch, het towerkuns opgehou bestaan toe Jesus gebore was. Origen het
beweer dit was drie wyse manne volgens die getal geskenke. Tertullian het voorgestel
hulle was konings. So is die drie dan name gegee as Gasper, Melchior en Balthasar.
Die geskenke, as aandenkings is glo na Europa geneem en is vandag in die Cologne
Katedraal.
Daar is die vroeëre Joodse towerkuns en mistieke aangaande die paleise van die
hemel, “Hekhalot” en die strydwa, “Merkabah”. Dit is hoe Elia sy hemelvaart doen.
Oorpeinsing van die strydwa hoofstuk van Ezegiël is reeds in 100 CE deur Johanan Ben
Zakkai gedoen. Die herontdekking van die stoorkamer van die Ezra sinagoge in Kaïro in
1896 het stukke geskrifte opgelewer wat Johanan se ondersoek bevestig. Die hemel en
strydwa mistieke is heelwat ouer. Dit is hier duidelik bevind dat Saul, wie later Paulus
geword het wel hierdie Joodse mistieke praktyke beoefen het. Hierdie mistieke praktyke
verduidelik vele ondervindinge van Paulus, insluitende die gesig op die Damaskuspad.
Daar is nog ander geskrifte van die Joodse mistieke praktyke wat tot die derde en
sewende eeue terugdateer.
Voltaire bevraagteken heelwat sogenaamde Christen wonderwerke. Die Christene het
2

Konstantyn vereer in hulle geskrifte as ‘n man wie vir die mensdom en God gelag het.
Hy beweer hy het ‘n Goddelike teken tot oorwinning vanuit die hemel ontvang. Hy het in
sy familie se bloed gerol, nadat hy hulle vermoor het, en in vuilheid geslaap. Vandag
nog ‘n Christen held. Daarteenoor word Julian, nugter, staatmaker, braaf en
genadevolle leier, geag ‘n monster in Christengeskiedenis te wees, omdat hy ‘n tempel
wou herbou, wat die Christene verkeerd sou bewys, en hy nie ‘n Christen was nie.
Die boek van Matteus in die Bybel was beslis na die vernietiging van Jerusalem 70 CE
deur Titus, geskryf. Lees Matteus 24:2 (ook Markus 13 en Lukas 21:5 tot 36). Jesus se
verwysing na die tempel is as volg : “Voorwaar ek sê vir julle, daar sal hier sekerlik nie
een klip op die ander gelaat word wat nie heeltemal afgebreek sal word nie”. Dit was
die tempel wat Herod die Grote (73 BCE tot 4 CE) herbou het. Die voorspelling was dat
nie ‘n enkele klip op die ander sou bly nie. Niemand het voorspel dat die tempel nooit
herbou sou word nie. Titus het die tempel laat afbreek. Al die fondasies is behou, die
een totale muur en die Antonia toring is behou. Die voorspelling is dus nie waar nie en
geen wonderwerk nie!
Tweedens, die Jode het osse en beeste in die tempel geslag. Dit was ‘n Jode tempel
en nie ‘n Christen tempel nie. So wat maak dit die Christen God saak wat in ‘n ander
God se tempel aangaan, wapen stoorplek, slagpale, sinagoge of moskee?
Julian se bouers, in die herbou poging van die tempel, is deur vuur verdryf. Die vuur is
deur die Goddelike Jesus voorsien. Die moskee was deur die opvolger Omar herbou,
op dieselfde plek, en later deur Saladin die Grote herstel. Dit was op dieselfde plek
waar die tempel gestaan het. Hierdie bouers en restoreerders het geen Goddelike of
ander weerstand ondervind nie. Het Jesus dan soveel voorkeur vir moskees en die
Moslems bo die Jode?
Jesus se voorspelling van totale verwoesting was dus onwaar, die herbou het
plaasgevind op dieselfde fondasies.
So het Jesus voorspel : die einde van die wêreld. Sy aankoms in die wolke met groot
mag en koninklikheid by die einde van die lewe van die mense wat in daardie tyd
gelewe het. Die wêreld is nogsteeds hier en sal sekerlik nog lank hier wees!
Die werksmense van Julian was deur die Christene aangeval, vermoor en verbrand.
Hulle het dan beweer dat dit ‘n wonderwerk van hulle God was. Dit was die algemene
verloop van sake en stories van wonderwerke en heksery was normale gesprekke.
Skrywers van die tyd het verslag gedoen van ‘n geweldige aardbewing wat in Sirië
plaasgevind het, dat vuur op die plekke ontstaan het en verskeie dorpies verdwyn het.
Indien wel, waar is die wonderwerk nou?
Verbeel u, hierdie was die tempel waar Jesus as Jood, besny was, offerandes aan sy
God gemaak het, en waar hy dan wonderwerke gedoen het! Waarom sou hy dit nie
behoue of herbou wou sien nie?
So is Julian se dood as Goddelike wraak beskryf. Indien wel die geval, het al ons jong
helde oor die eeue heen gesterf weens Goddelike wraak.
Die primitiewe geloof in towerkuns is vasgevang in ‘n wêreldse begrip en waarneming
van strukture wat die werklikheid en redelike denke op sy eie manier omskryf.
3

Primitiewe mense, soos ons ander, is bekamp in ‘n omvattende redevoering, taal
speletjie en vorm van lewe, wat volgens beredenering, nie gekritiseer mag word nie,
omdat dit die enigste gereedskap tot kritiek bied. Dit is soos treine op parralelle spore,
uiteenlopende waarnemingstrukture van werklikheid, wat oor dieselfde gebied beweeg,
maar nooit kruis nie.
Wonderwerke mag dan vir gelowige mense baie beloftes of baie probleme bied. Hierdie
brokkies van genade, aangebied deur ‘n gemoedelike God, wie bereid is om met die
universele en natuurwette in te meng, kan geseënde en gevaarlike dinge wees. So het
elke geloof sy heilige oomblike, die Paasfees (Christene) Passover (Judaïsme) en ander
gesigte en voorspellings. Dit is egter slegs in Christendom, ‘n geloof gebaseer rondom
‘n kern van wonderwerke, is die stryd oor die betekenis van die wonderwerke, so
verwoed. So is dit moeilik vir ‘n vrou om te aanvaar dat haar kind nie ‘n wonderwerk is
nie en vir ander ‘n helse las. Menigte mense beweer hulle glo in wonderwerke en
tekens maar ken nie die verskil tussen geloof en hoop nie. Dan is daar die vele verhale
van geloofsgenesing deur gebede, as wonderwerke of tekens. Dit strek oor die hele
spektrum van fisiese en biologiese gebeure en verskynsels wat met ‘n mens kan
gebeur. Dokters het dan alles in hulle vermoë gedoen en wetenskap misluk hier.
Nogtans gebeur die wonderwerk dan na vele gebede, verloop van tyd, en normale
hersel.
Die Protestante en Katolieke kerklike strukture hanteer sake van wonderwerke met
groot omsigtigheid. Die verhale van wonderwerke is vir predikers ‘n uitdaging, om die
kerkgangers deur die maelstrominge van geloof en rede te lei. U sien, die prediker wie
wonderwerke bevestig as waar, moet ook bereid wees om te verduidelik waarom dit nie
plaasvind nie. Baie predikers wantrou wonderwerke op dieselfde redes waarom Jesus
dit wantrou het. “Waarom vra die geslag vir ‘n teken?” Dit is wat ‘n kwade Jesus vir die
mense van sy tyd gevra het. Waarom verdwyn sommige kanker terwyl ander toeneem?
Waarom sterf miljoene mense aan honger, terwyl vyf brode vyf duisend mense kan
voed? Waarom sterf honderde duisende mense in vloede, aardbewings en tornado’s
terwyl die liefdevolle, genadiglike almagtige God in beheer van die natuurwette is?
Waarom die oorloë en lyding, waarom? Waarom? Wonderwerke is soos
verdowingsmiddels, jy kan nooit genoeg daarvan kry nie!” Die werklike toets van geloof
is wanneer daar geen wonderwerke en tekens is nie. Geloof is so maklik wanneer jy
voor ‘n wonderwerk staan. Soos die een prediker dit stel; mense kom nie kerk toe om
te luister nie, maar om deel te neem. Wonderwerke kom in vele vorme voor. Behalwe
die wondergenesings is daar die wie gesigte ervaar, vreemde tale praat en op die vloer
val en krioel, wanneer die krag van die Heilige Gees hulle beset. In die middeleeue was
daar maar ‘n paar wonderwerke en tekens teenoor vandag. Daar was nie so baie
gelowiges nie, en tegnologie het nie bestaan nie. Tenspyte van filosofie, insig en
redenasie is die stelling duidelik! “Waarom sal ek na enige geleerde se opinie luister
wanneer ek gereeld wonderwerke sien gebeur?” Dan is daar dié wat wonders in alles
sien: “elke uur van lig of donker is ‘n wonder, elke kubieke sentimeter ruimte is ‘n
wonder”. W Whitman.
Beide vir en teen wonderinstellings het hulle toegespits op wetenskap, argeologie en
moderne woordelikse inhoud kritiek, teneinde Christendom sonder wonderwerke te
skryf. Hulle uitgangspunt was dat die leerstellings van Jesus is meer belangrik as die
leerstellings omtrent Jesus. Daar is dan geen maagdelike geboorte, loop op water,
voorkamer truuks en opstanding nie. Biskop John Sprong stel dit duidelik: ‘Ek dink nie
die Bybel is letterlik waar nie. Die Bybel sê die vrou is altyd die man se eiendom. Die
Bybel sê homoseksuele mense moet doodgemaak word. Die Bybel sê dat mense wie
4

epilepsie het is deur die Duiwel besete. Ek glo dit nie! Daar is ‘n klomp letterlike
begrippe in die Bybel wat lank gelede reeds verwyder moes wees. Ek sou daarvan hou
indien Christendom ook vir moderne en goed onderrigte mense aanvaarbaar is.” Dit
word as onbillik beskou om wonders wat 2000 jaar gelede blykbaar gebeur het, vandag
summier te verwerp. Nogtans is liberale teoloë bereid om die rol van Jesus tot die van
‘n placebo te verlaag: mense se geloof in die helende magte was voldoende om die
kwale te genees, wat van die begin af psigosomaties (sielsiek) was.
Cicero het gesê “wat onmoontlik was om te gebeur het nooi plaasgevind nie, en wat
moontlik was om plaas te vind, is nie ‘n wonderwerk nie ... gevolglik, daar is geen
wonderwerke nie.”
Volgens JD Crossan, Amerikaanse Bybel hersiener, was die evangelie leer oor verhale
van mag en outoriteit in die nuwe kerk van daardie tyd. Israel as land, was beset en het
gesteier onder armoede, ondervoeding en gevolglik siektes. Jesus het mense
ideologies probeer genees deur te beweer dat die koninkryk van God teen die stelsel is.
Dit is nie jou skuld dat jy oorwerk en siek is nie. Neem beheer oor jou liggaam en jou
bestemming! Die mees belangrikste wonderwerk in die Christengeloof is die
heropstanding, die kern van die geloof, wat dan die belofte van ‘n ewige lewe bevat.
Paulus het beweer dat indien Christus nie opgestaan het nie, dan is hulle prediking
waardeloos en die geloof nutteloos. Sint Augustine het beweer dat alhoewel die
opstanding die Christene se grootste struikelblok is, kan geen bewyse ingebring word
dat Christus nooit opgestaan het nie. Enigiets kan denkbeeldig bestaan terwyl dit fisies
nie bestaan nie. So beweer die liberale teoloë dat dit nie Godslastering is om te sê dat
die opstanding nooit plaasgevind het nie. Die weergawe van Christus se opstanding
was eenvoudig verbeelding. Jesus was herleef in die gedagtes en drome van sy
volgelinge. So is die liggaam van Jesus verbeeld as die kerk, en nie ‘n
herkonstrukteerde fisiese liggaam nie. Die heropstanding verteenwoordig die vrystelling
van krag, ‘n belofte van redding wat nie ‘n geloof in fisiese opstanding onderlê nie. Die
Apostels het gepraat van ‘n opstanding van Christus se selfheid (persoonlikheid) en
wese (siel).
Die moderne teoloë probeer nuwe betekenisse in die Bybel vind. Hulle word inderdaad
deur ‘n groep, die Jesus seminaar, opponeer. Die voormalige Protestante prediker
R W Funk is in beheer van hierdie dinkskrum, waar hoogstaande geloofskundiges
bymekaar kom, ‘n spesifieke punt bespreek en daaroor stem. So was onlangs, verskeie
kritiese onderwerpe bespreek en stemming verkry. So was dit bevestig volgens
stemming dat Jesus oorwegend nie die woorde gespreek het wat as deur hom
gespreek, in die Bybel staan nie. So het 96% van die mense gestem dat die
maagdelike geboorte van Jesus nooit plaasgevind het nie. ‘n Direkte kontak op die
senuweestelsel van Christendom was die totale verwerping van die heropstanding van
Jesus. Die gevolgtrekking was dat die heropstanding ‘n digterlike vertolking van ‘n
toegewyde wens is en nie ‘n oorspronklike weergawe nie.
Volgens John Crossan, Visie Voorsitter van die Jesus seminaar, was die kruisiging deur
Romeinse soldate gedoen, en Jesus se liggaam aan die kruis gelos of in ‘n vlak graf
gegooi, vir aasvoëls en ander diere. Dit was hulle opdrag en dit is wat hulle
normaalweg doen. Behalwe vir die behoorlike begrafnis weergee in die Bybel volgens
Joodse wette, het familie en volgelinge weggehardloop. Hulle was verboureerd en
moedeloos maar het geloof behou. Hierdie waarhede skep woede en verwerping deur
die konserwatiewes en gelowiges. Hulle wil dit meer as net ‘n verhaal bevestig hê. Die
heropstandiging bied hulle ‘n belofte dat die dood oorwin kan word en dat haat nie ewig
5

kan voortduur nie.
C S Lewis was baie beslis in ‘n bespreking om tot ‘n vergelyking te kom. “‘n Man wat
slegs ‘n mens was en die dinge sê wat Jesus na bewering gesê het, kan geensins ‘n
groot morele onderwyser wees nie. Hy is of kranksinnig of die Duiwel in die hel. Jy
moet jou keuse maak. Hierdie man was en is vandag nog, die Seun van God, of iets
erger as ‘n malmens.” Thomas Aquinas het geskryf : “Christus was ‘n leuenaar,
kranksinnig, of ‘n Heer.”
Die Christene in die Pinksterkerk, beklemtoon die daling van die Heilige Gees, soos dit
met die apostels gebeur het. Die doop word gekoppel aan die Heilige Gees, met die
praat van vreemde tale (Glossolalia). Dit is dan die herlewe of restorasie van die gawe,
soos belowe in die laaste dae. Glossolalia (speaking in Tongues) is algemeen in baie
gelowe. Dit is die praat van woorde of maak van woordelike klanke, wat as taal
onbekend is aan die spreker. As die taal bekend is aan die hoorder, maar onbekend
aan die spreeker, is dit bekend as Xenoglossolalia. Indien die taal bekend is aan die
spreeker, maar verstaan word deur die hoorder, in eie taal, is dit bekend as
Heteroglossolalia. Dit is verbasend dat God al die tale magtig is en slegs een taal
voorsien het in elke geloof se Bybel!
Die Joodse geloof wat die Christengeloof vooraf gaan, was vol wonderwerke wat deur
God self voorsien is. God het Hom verwerdig om in ‘n menslike taal deur ‘n brandende
bos te praat. God verskyn op die berg om met Moses te praat. Die Goddelike Geeste
wat God stuur kom almal in menslike vorm voor. Dan was daar die vloed. Alles omtrent
die vloed was ‘n wonderwerk. Veertig dae se reën in die vier hoeke van die aarde
(onthou die aarde was plat). Die water het vyftien kubieke bo die hoogste bergpunt
gestyg. Watervalle uit die hemel en sluisdeure in die lug. Al die diere het aangeloop,
van regoor die aarde, na die ark. Noag het genoeg kos vir almal, vir tien maande
versamel. Daar was voldoende ruimte vir die diere, en voedsel stoorplek. Al die diere
het oorleef. Die verskillende diere het met mekaar oor die weg gekom, en hulleself glo
gevoed, weens gebrek aan arbeidskrag.
Dit is fisies onmoontlik dat die wêreld, eens algeheel onder water kon wees. Dat die
wêreld algeheel onderwater op dieselfde oomblik kan wees is ‘n drogbeeld in natuurlike
wetenskap. Dit is onmoontlik in swaartekrag wette, vloeistof wette, onvoldoende
voorraad water, en verbeel u, waarheen het dit afgevloei, na die vloed. Ons wil
geensins afbreek doen aan die waarheid van hierdie wêreld vloed nie, en erken dit
daarom as ‘n wonderwerk en glo dit was ‘n wonderwerk. Omdat dit dan ‘n wonderwerk
was, het dit nie weens fisiese wetenskaplike of natuurwette plaasgevind nie!
Die boek van Jona is meestal geag ‘n Joodse profetiese geskrif maar is hoofsaaklik
bekend vir die verhaal van Jona en die groot vis. So het God ‘n groot vis beskik, en
Jona het vanuit die ingewande gebid, en die vis het hom op droë grond uitgespuug -
verbeel u, ‘n groot vis wat uit die see beweeg tot by droë grond. Die verhaal is net so
oorgeneem in Christentradisie. Matteus 12:40 “want soos Jona “drie dae en drie nagte”
in die buik van ‘n groot vis was, so sal die seun van die mens “drie dae en drie nagte” in
die hart van
die aarde wees. Hier is die Jona verhaal verwerk in die dood en opstanding verhaal.
God kon eerstens slegs die vis beveel het om Jona in sy bek te neem en te vervoer tot
vlak water, waar hy kon uitstap. Lees gerus weer Jona 2:1 tot 10. So word elke
vergelyking aangepas om die geloofwaardigheid te ondersteun. God het dus vir Jona
6

vir drie dae en nagte aan die lewe gehou, binne ‘n vis se maag, of hom uit die dode
opgewek. As God dit met Jona kon doen, en niemand bevraagteken dit nie, dan kan
God dit met Sy Seun ook doen en almal sal dit mos weer aanvaar! Jona is in Islam
bekend as Yunus. Voorwaar wonderlike verhale van wonderwerke.
In die antieke tye was reise na en van die hemele baie algemeen met die Gode asook
wedergeboortes en opstanding uit die dood. Ons het reeds na die Miraj, Mohammad se
nagreis van Mekka na Jerusalem verwys en sy hemelvaart daarvandaan met Engele
vergesel. Mohammad se voetafdruk is vandag nog op die rots in Jerusalem, sigbaar.
Sommige Moslems aanvaar dit as ‘n simboliese hemelvaart van die siel. Die ander
Moslems aanvaar dit as werklike ware feite. Indien u die brandende pratende bos, die
vloed, Jona en die Jesus verhale as werklike gebeure aanvaar, het u geen keuse as om
die Mohammad verhaal as werklike ware gebeure te aanvaar nie. Indien u enige een
van die verhale as wonderverhale vertolk, dan moet almal sekerlik vir u, wonderwerke
en tekens van God wees.
Moderne wonderwerke is onderhewig aan streng reëls, ondersoeke en bevestiging.
Ons het vandag ‘n voortdurende stroom van beweerde wonderwerke vanuit alle gelowe
reg oor die wêreld. Die Rooms Katolieke het die verste gegaan om geloofwaarheid van
wonderwerke te verwerk en die onder sekretaris van die Vatican Gemeente is as hoof
van die ondersoekspan aangestel.
In 1995 het hy reeds sowat 250 gebinde voorleggings van moontlike wonderwerke
ontvang. Die erkenning van ‘n wonderwerk is direk gekoppel aan die erkenning van
profeet (Sint) status. Die kerk glo dat ‘n profeet na dood, nogsteeds aktief sal wees.
Sodra die profeet in die hemel is sal die profeet reageer op die gebede van die
Godvresendes op aarde en God oortuig om sekere ellendiges hier onder te help. God
se hulp is deur wonderwerke. Voorstellings van Profeetskap moet dan voldoende
bewyse voorlê, ter bevestiging dat een of meer wonderwerke die kandidaat se
verantwoordelikheid was. Hoogs gekwalifiseerde spesialiste op mediese gebied, as
voorbeeld, moet kan bevestig dat die mediese wonderwerke bo hulle vermoë en
opleiding is. Sowat 60 spesialiste wat die hele mediese spektrum dek, is beskikbaar en
twee onafhanklike opinies per geval word aangevra. Die riglyne vir die ondersoek is
reeds in die 1700ste eeu deur die Pous neergelê. So moes die siekte ernstig wees, met
objektiewe bewyse van bestaan, dat behandeling misluk het, en die genesing spoedig
en permanent was. Daar kan vele struikelblokke wees. Pyn en slegvoel beteken niks
want dit is nie meetbaar nie. Kanker genesing moet vir tien jaar geskied. Die
beskrywing van ‘n gebeurtenis weens menslike gebede as besonder of buitengewoon,
is onvoldoende.
Die Vatikaan se mediese konferensie gebruik die woord “inspiegabile”,
onverklaarbaar/onuitlegbaar/duister, indien ‘n geval die ondersoek slaag. Hierna word
die geval na ‘n span teoloë gestuur wie dan moet besluit of die onverklaarbaarheid die
resultaat van gebed is. Indien wel, word die wonderwerk dan deur die Koukus van
Kardinale en die Pous goedgekeur. Hierdie prosedure is ook onder kritiek as te eng en
ander te oppervlakkig.
Daar bestaan nog so ‘n wonderwerk waarderingsliggaam in die Katolieke wêreld, die
Internasionale Mediese Komitee vir die bedevaartplek by Lourdes. Alle wonderwerke by
Lourdes word aan die bemiddeling van die Maagd Maria toegeskryf. Geen verering as
profeet speel hier ‘n rol nie, wie baie glo die Pous sy gunstelinge mee erken. Hier het
geen wonderwerk voorlegging sedert 1989 geslaag nie, terwyl die Pous 12 sedert 1994
7

evestig het. Dit blyk duidelik dat dieselfde maatstawwe nie gebruik word nie. Dit is
duidelik soos die mediese wetenskap en psigologie vorder, meer werklike
verduidelikings vir meer genesings ontbloot word, en minder gevalle as wonderwerke
beskou word. Die aanbeveling is dat die kerk meer aandag aan gevalle moet wy, waar
beweer kan word dat ‘n Goddelike teenwoordig was met ‘n genesing, eerder as slegs
die enigste verduideliking.
“Gewone Christene wil die optrede van God beleef. Mense is honger vir Goddelike
tekens en wonderwerke!”
Geloof was dan die instrument waardeur gesondheid voorsien word in liggaam,
verstand en siel. Volgens Augustine was alle Christene se siektes die oorsaak van
Duiwels. Die stryd teen Duiwels kom dan dikwels voor in die beskrywing van spesifieke
genesings deur Jesus gedoen. Dit was dan vir Jesus en sy volgelinge ‘n vertoning dat
die dinamiese krag van God is aktief in die wêreld.
Die Islam stryd teen siektes is met die Griekse mediese kennis ondersteun en uitgebou
as ‘n verpligting tot kennis.
Die Indiese mediese wetenskap bekend as Kennis van Lanklewendheid, is ‘n teorie wat
op vyf elemente baseer is. Om gesond te wees is om al vyf elemente in balans te hou.
Wanbalans van die elemente word reggestel deur ‘n variasie van kruie en ander
middels. Dit kombineer gesondheids- en mediese aspekte met algemene instruksies
teneinde ‘n goeie en genotvolle lewe te verkry.
Die Chinese verkryging van onsterflikheid in die gelowige Taoisme is om die klein lewe
van die mens (mikrokosmos) in verhouding te plaas tot die groter heelal (makrokosmos)
ten einde die geheel van die lewe, binne en buite, te word, as die ware
Tao. Dit is dus onmoontlik om hier ‘n siekte of gebrek uit te sluit.
Genesing vind in alle gelowe in ‘n baie groter konteks en doelstellings van die lewe
plaas, en bly nou verbonde aan die moderne insig in die psigosomatiese (sielkundige)
eenheid van die menslike wese.
8