Jaarverslag 2009 - Gelofte Skool

1. INLEIDEND
GELOFTE SKOOL
JAARVERSLAG: 2009
Alhoewel die kleiner leerdertal voordele inhou in terme van kleiner klasgroepe wat individuele aandag
makliker maak, bring dit ook uitdagings op ander terreine veral wat sportdeelname betref. Dit plaas ons
enersyds in die gelukkige posisie dat ons leerders geleentheid kry om aan 'n wye verskeidenheid aktiwiteite
deel te neem, maar andersyds beteken dit ongelukkig ook dat dieselfde leerders by 'n magdom aktiweite
betrokke is wat groot druk op hulle plaas in terme van hul beskikbare tyd. Ons het egter geweldig
waardering vir die groot aantal Loffies wat hul talente ontgin en ontwikkel tot voordeel van hul eie ontwikkeling
enersyds maar ook tot voordeel van die skool. Ons is bevoorreg om met wonderlike leerders te mag werk.
2. LEERDERTAL
Die skool het tans 709 leerders, terwyl die leerdertal op die tiende skooldag 702 was. (2008 - 707)
Hiervan is 424 primêre leerders en 285 sekondêre leerders.
Die leerdertal van die onderskeie grade sien tans as volg daaruit:
Graad
Leerders
Seuns Dogters Totaal
1 28 24 52
2 28 25 53
3 26 32 58
4 30 29 59
5 44 23 67
6 29 30 59
7 36 40 76
8 27 31 58
9 21 31 52
10 32 23 55
11 22 27 49
12 31 40 71
Totaal: 354 355 709
Nadat ons getalle vir die afgelope drie jaar in 'n groot mate gestabiliseer het, het ons aan die begin van 2008
vir die eerste keer weer 'n beduidende val in getalle ondervind. Die hoofrede vir die daling in getalle bly hoofsaaklik
die verhuising van gesinne na ander provinsies en andersyds die feit dat 'n persentasie ouers verkies om
hul kinders by Engels medium skole in te skryf. Ons glo steeds dat die beste bemarker van die skool ons eie
ouergemeenskap is.
3. PERSONEELAANGELEENTHEDE
Die verkryging van ervare en goedopgeleide personeel bly een van ons grootste uitdagings. Om bestaande
personeel te behou is 'n verdere uitdaging veral gesien in die lig daarvan dat ons buurskole salarisse betaal
wat in lyn is met salarisse wat deur die onderwysdepartement betaal word. Ons finansies laat dit ongelukkig
tans bloot nie toe nie. Onderwysvoorsiening in die breë staan egter voor geweldige uitdagings aangesien die
hoeveelheid onderwysers wat opgelei word gladnie sal kan voldoen aan toekomstige behoefte aan onderwysers
nie.
Ons is tans geregtig op 22 departementele opvoederposte, 1 sekretaresse en 1 arbeider wat deur die staat
vergoed word. Die voorgestelde aantal personeel wat in 2010 deur die beheerliggaam vergoed word sien

as volg daaruit:
Pos 2009 2010
Opvoeder 11 12
Opvoeder: Deeltyds 1 0
Administratief 3 3
Ondersteuningspersoneel 8 8
Invorderaar 1 1
Maatskaplike werkster 1 1
Berader 0 1
Internskap 0 1
Terreinbestuurder 1 1
Nege van die 22 departementele poste is primêre aanstellings en 13 sekondêre aanstellings. Gesien
in die lig van die daling in getalle oor die afgelope 3 jaar sal ons waarskynlik twee departementele poste
verloor aan die begin van 2010.
Die gedetaileerde inligting oor ons personeelsituasie sien tans as volg daaruit:
Graad/Vak Aantal leerders Aantal personeel
1 52 2
2 53 2
3 58 2
4 59 2
5 67 2
6 59 2
7 76 2
8 58 2
9 52 2
10-12
Afrikaans 175 2½
Engels 175 2½
Wiskunde/WGL 175 2½
Fisiese Wetenskap 46 1
Lewenswetenskap 47 1
Rekeningkunde 35 1
Besigheidstudies 80 1
Gasvryheidstudies 64 1
Lewensoriëntering 175 1½
Ingenieursgrafika 60 1
Aardrykskunde 29 1
Toerisme 62 1
Rekenaartoepassing 99 1

3.1 Vertrekkende personeel
Die volgende personeel het Gelofte in die loop van die jaar verlaat of gaan Gelofte aan die einde
van die jaar verlaat.
Personeellid Vakgebied/Taak Rede vir vertrek
Van Eck M Engels Verhuising
Aucamp S Afrikaans Personeelbesnoeiing
Heenop M Wiskunde Personeelbesnoeiing
Blignaut A Mediasentrum Verhuising
Griesel A SP Verhuising
Verster T Sekretaresse Aftrede
Ons wil bogenoemde personeel graag bedank vir hul bydra oor die afgelope aantal jare. Ons
wil graag 'n besondere woord van dank rig aan die volgende twee personeellede:
Me. Margaret van Eck wat vir die afgelope 21 jaar aan die skool verbonde was. Ons weet dat
die magdom Loffies wat bevoorreg was om by haar klas te hê verryk is deur haar entoesaisme
vir haar vak en haar uitgebreide vakkennis. Die deeglike manier waarop sy alles aangepak het,
was 'n reuse bate vir die skool en het 'n groot rol gespeel in die effektiewe funksionering van
sovele fasette van die skool. Ons vertrou dat die toekoms vir haar net vreugde en voorspoed
sal inhou in hul nuwe tuiste in die Kaap.
Me. Tokkie Verster tree na 27 jaar af as finansiële sekretaresse. Haar toewyding en deeglikheid
het verseker dat die finansiële kantoor effektief funksioneer het en dat ons met vrymoedigheid
aan ouers kon rapporteer dat die skool se finansies kerngesond en in betroubare hande is. Ons
vertrou dat sy die nuwe tydvak in haar lewe, wat aanbreek met haar aftrede, sal geniet en dat
sy vir baie jare geseën sal word met goeie gesondheid en haar welverdiende rus kan geniet.
Ons opregte dank aan hierdie twee personeellede in die besonder wat 'n groot deel van hul
lewens daaraan gewy het om Gelofte 'n beter plek te maak vir ons leerders en ouergemeenskap.
Hulle laat wonderlike herinneringe in ons harte agter en ons sal hulle mis.
3.2 Die volgende personeel het in die loop van 2009 om 'n verskeidenheid redes afgelos by Gelofte:
Mnr H van Ellewee, me, C van der Merwe en me, C Theron.
4. LEERDERAANGELEENTHEDE
4.1 Akademiese uitslae
Die slaagsyfer vir die onderskeie grade aan die einde van 2008 het as volg daar uit gesien:
Graad Aantal leerders Aantal druipelinge % Slaag
1 52 1 98
2 58 0 100
3 50 0 100
4 60 2 97
5 61 0 100
6 69 2 97
7 59 0 100
8 61 2 97
9 54 0 100
10 58 2 97
11 72 0 100
12 64 0 100
Totaal 718 9 99
Die matrieks van 2008 het 'n 'n gemiddelde % van 68,8% behaal met 70% van die leerders wat geslaag
het met matrikulasievrystelling. Elf leerders het geslaag met 'n A-gemiddeld en sestien met

n B-gemiddeld. Dirk Odendaal was ons top kandidaat met 7 onderskeidings en 'n gemiddelde %
van 91%. Larochelle Smit het ook sewe onderskeidings behaal met 'n gemiddeld van 89%.Daar was 116
vakonderskeidings. Baie geluk aan die matriekgroep met 'n pragtige prestasie!
Die volgende leerders was die top presteerders in die onderskeie grade aan die einde van 2008:
GRAAD ALPHA LEERDER GEMIDDELDE %
4 Hans-Jacques Koetsier 89%
5 Simone Heenop 90%
6 Ben Botha 86%
7 Ilke Stolz 88%
8 Jano Hendriks 90%
9 Wynand Viljoen 86%
10 Adriaan van Zanten 83%
11 Monique Rieckert 84%
12 Dirk Odendaal 91%
Ons is besonder trots op Stephan Joubert wat een van 600 kandidate uit 11 000 is wat deurgedring het
na die tweede rondte van die nasionale Rekeningkunde Olimpiade.
Oud-Loffies het male sonder tal bewys dat hulle uitstekend presteer tydens verdere studie en in die arbeidsmark.
Ons sou met vele Loffies se prestasies kan spog maar wil graag vir Lieze Geldenhuys uitlig wat tans
besig is met studies aan die Universiteit van Stellenbosch om haar as mediese praktisyn te bekwaam. Lieze
is slegs een van vier studente wat akademiese erekleure verwerf het aangesien sy al haar studiejare met lof
geslaag het. Sy is die enigste KZN student wat dit kon vermag en om die kroon te span op hierdie pragtige
prestasie, is sy ook aangewys as die top student in die mediese fakulteit in haar vyfde jaar.
Ons het besluit om hierdie jaar, anders as verlede jaar, nie weer die provinsiale toetsreekse/eksamens
in grade 11 en 12 te skryf in die loop van die jaar nie. Die graad 9 leerders is wel verplig om die departementele
eksamen te skryf asook die matrieks wat uiteraard die finale Nasionale Senior Sertifikaat eksamen
aan die einde van die jaar moet aflê.
Ons kry dikwels positiewe terugvoer van ouers wat na ander skole en provinsies verhuis oor die vlak van
ons akademiese onderrig en die mate waarin hul kinders, as gevolg daarvan, gemaklik inskakel by hul nuwe
skole en ook daar uitblink op akademiese gebied. Ons sou hierdie standaarde graag wou handhaaf omdat
ons oortuig is dat dit op die langduur tot voordeel van ons leerders strek.
4.2 Vakkeuses
Leerders kan die volgende vakkeuses uitoefen:
* Leerders in grade 1-9 volg die voorgeskrewe vakpakkette soos deur die departement vereis.
* Leerders in graad 10 - 12 neem Afrikaans, Engels, Wiskunde/WGL en LO en kies drie ander vakke uit:
Fisiese Wetenskappe, Lewenswetenskappe, Aardrykskunde, Rekenaartoepassingstegnologie,
Rekeningkunde, Toerisme, Besigheidstudies, Gasvryheidstudies, en Ingenieursgrafika. Die beskikbaarheid
van bepaalde vakkeuses hang af van die aantal leerders wat die betrokke vak wil aanbied.
Kuns word tans deur een matriekleerder aangebied wat addisioneel daarvoor betaal.
Engels is in die verlede ook op huistaal vlak aangebied in die senior grade. Na deeglike oorweging is egter
besluit om dit uit te fasseer. Volgende jaar se matriekgroep sal die laaste groep wees wat Engels as huistaal
aanbied. Hierdie besluit het geen impak op enige opsies vir verdere studie nie.
Ons het in 2010 begin met die implementering van die Nasionale lees- en syfervaardigheidsprogram vir
primêre leerders soos voorgeskryf deur die Nasionale Onderwysdepartement. Alhoewel ons tans nog
groeipyne ervaar met die implementering van die program, glo ons dat dit 'n beduidende bydra sal lewer om
ons leerders se lees- en syfervaardigheid te verbeter.

5. EKSAMINERING EN TOETSING
Alle leerders vanaf graad 4-12 het aan die einde van 2008 eksamen geskryf. Leerders word deur-
lopend geëvalueer aan die hand van toetse sowel as informele evaluering.
Die informele evaluering skep uitdagings in vele opsigte, enersyds omdat dit soms geweldig tydrowend is
en andersyds omdat sommige ouers 'n te groot rol speel in hul bydrae tot die projek. Ongelukkig dra die
lading wat die informele punt bydra tot die finale punt, veral in die junior grade, daartoe by dat ouers onder
'n wanindruk verkeer oor hul kind se vermoë in 'n betrokke vak/leerarea en dat dit soms onrealistiese.
verwagtinge skep oor die kind se prestasie in die senior grade.
Die graad 9 leerders skryf die departementele eksamen aan die einde van 2009. Alhoewel die Onderwysdepartement
onderneem het dat leerders wat graad 9 slaag die Algemene Onderwys en Opleiding
sertifikaat sal ontvang, is ons sedertdien ingelig dat geen leerder hierdie sertifikaat meer sal ontvang nie.
6. BEHEERLIGGAAM
Die vorige beheerliggaam se drie jaar termyn het vroeër hierdie jaar ten einde geloop. Ons wil graag vir hierdie
ouers van harte bedank vir hul opoffering oor die afgelope aantal jare. Hul insette en toewyding het 'n verskil
gemaak by Gelofte. Die volgende ouers het op die vorige beheerliggaam gedien: Fanie Joubert (Voorsitter),
Eugene Stoop (Voorsitter), André van Zanten, Daleen Coetzee, Deon du Preez, Andreas Gremels, Dolf Torlage,
Naude Pienaar en At Odendaal.
In die verlede was daar bekommernis oor die aantal ouers wat sou opdaag vir die verkiesing van 'n nuwe beheerliggaam.
Hierdie jaar was nie anders nie. Ons was egter aangenaam verras met die buitengewoon goeie opkoms
en die feit dat meer as 20 kandidate genomineer is vir die sewe vakatures vir ouerlede van die beheerliggaam.
Die volgende persone dien tans op die beheerliggaam:
André van Zanten Voorsitter
Daleen Coetzee Onder-Voorsitter en Kultuur en Opvoedkunde
Anton Lockem Finansies
André Britz Tegnologie
Freddie Hendriks Terrein
Pieter Hougaard Bemarking
Dolf Torlage Sport
Margaret van Eck Opvoeder
Deon Pretorius Opvoeder
Debbie Lottering Nie-opvoeder en sekretaresse
JP Pienaar Leerder
Marisa Vorster Leerder
Danie Strydom Skoolhoof
Ons wil graag vir bogenoemde lede sterkte toewens aan die begin van hul drie jaar termyn. Ons vertrou dat
hul vreugde sal vind in hul betrokkenheid op hierdie vlak en sien met verwagting uit na hul insette. Ons vertrou
dat hul betrokkenheid die skool na nuwe hoogtes sal voer.

Die beheerliggaam funksioneer aan die hand van die volgende komitees:
6.1 DAGBESTUUR
Die dagbestuur vergader slegs by hoë uitsondering om besluite te neem oor sake wat dringende aandag
verg.
6.2 FINANSIES
Die skool se finansies is kerngesond. Die algemene verarming van die Afrikaanssprekende gemeenskap
raak egter ook die skool en plaas dit uiteraard 'n beperking op nuwe projekte wat aangepak kan
word en die onderhoud van bestaande fasiliteite en toerusting. Dank word uitgespreek teenoor sovele
ouers wat bereid is om die hand dieper in hul eie sakke te steek in belang van die skool. Detail m.b.t.
die skool se finansies word aangespreek in die begrotingsverslag.
6.3 OPVOEDKUNDE EN KULTUUR
Ons leerders het akademies weer pragtig presteer aan die einde van 2008. Alhoewel ons getalle dit
onmoontlik maak om sekere vakke soos bv. Kuns en Musiek aan te bied, maak ons vakpakette dit
tog moontlik vir ons leerders om voort te gaan met naskoolse studie in die meeste studierigtings.
Uitstappies en toere het tans so duur geraak dat ons nie 'n ander keuse het as om te herbesin oor ons
ouergemeenskap se vermoë om die koste van hierdie toere/uitstappies te dra nie. Gesien in die lig van
die huidige ekonomiese klimaat raak dit ook toenemend moeiliker om borge/skenkings te bekom.
Leerders kan betrokke raak by die volgende kultuuraktiwiteite: Voortrekkers, landsdiens, koor, VCSV,
Skaak, Debat en Redenaars. Ons leerders presteer ook op kultuurgebied pragtig met leerders wat
provinsiale kleure verwerf. Die volgende leerders het presteer op kultuurgebied:
Barnard du Preez het deelgeneem aan die Nasionale finaal van die ATKV se redenaarskompetisie en het
pragtig presteer deur aangewys te word as die wenner in die kategorie vir beste taalgebruik.
NAAM AKTIWITEIT PRESTASIE
ADELE BURGER LANDSDIENS NASIONAAL
ALWYN VAN ZANTEN LANDSDIENS NASIONAAL
BARNARD DU PREEZ REDENAARS NASIONAAL
CHANTé LOTTERING UNISA KLAVIER VOOR GRAAD 1 LOF
CINDY BOTHMA LANDSDIENS KZN
DANIELLE LOTTERING UNISA KLAVIER VOOR GRAAG 1 LOF
DE WET SWART JEUGORKES KZN
ELSJE KOETSIER UNISA KLAVIER GRAAD 4 LOF
HOPE STRAUSS JEUGORKES KZN
INGRID ROLOFF UNISA KLAVIER GRAAD 4 LOF
JANO HENDRIKS LANDSDIENS NASIONAAL
JéHAN KOEGELENBERG REDENAARS PROVINSIALE FINAAL
JP PIENAAR LANDSDIENS NASIONAAL
LIZAAN VAN ROOYEN LANDSDIENS NASIONAAL
MARGA ROLOFF UNISA KLAVIER GRAAD 3
NATALIE VAN DEVENTER JEUGKOOR KZN
PAUL BOTHA UNISA KLAVIER GRAAD 1 LOF
RENIER DE BRUYN LANDSDIENS NASIONAAL
ROCHELLE COETZEE REDENAARS PROVINSIALE FINAAL
RUAN KOTZé LANDSDIENS KZN
S MADSEN-LEIBOLD LANDSDIENS NASIONAAL
TANYA BESTER JEUGKOOR KZN
TANYA SPANGENBERG BEST SPEAKER SEMI-FINAAL
WYNAND VILJOEN LANDSDIENS KZN

Ons leerders neem deel aan die olimpiades in verskeie vakke en presteer pragtig.
Die maatskaplike werkster en lewensafrigter is 'n groot bate vir die skool en dra beslis daartoe by dat
ons leerders ook maatskaplik en geestelik versorg is. Ons opregte dank aan die onderskeie gemeentes
en weldoeners wat hul betrokkenheid by ons leerders moontlik maak deur hul bydraes.
6.4 SPORT
Ons sportspanne presteer pragtig in hul onderskeie ligas gesien in die lig daarvan dat ons getalle 'n
uitdaging bly omdat dit ons vermoë om spanne in alle ouderdomsgroepe in die veld te stoot beperk.
Ons het die interskole teen Werda vir die agtste jaar agtereenvolgens gewen. Die volgende spanne het
pragtig presteer. Ons O/11 rugbyspanr, sekondêre eerste krieketspan, die primêre eerste rugbyspan en
die O/16 hokkiespan het elk slegs een wedstryd verloor terwyl die sekondêre eerste hokkiespan die
seisoen onoorwonne afgesluit het en boonop die hele seisoen slegs een doel afgestaan het.
Ons het hierdie jaar besluit om, anders as verlede jaar, weer die interhuisatletiekbyeenkoms ook by die
sekondêre afdeling aan te bied. Dit was 'n reuse sukses met wonderlike deelname en prestasies. Ons het
egter met die interskole byeenkoms weer opnuut bewus geraak daarvan dat atletiek nou maar eenmaal
die Aspoestersport in KZN is. Deelname was swak en die byeenkoms is baie afgewater. Ons streef
daarna om, deur die deelname van leerders aan die fisiese komponent van Lewensoriëntering, vir leerders
bewus te maak van die waarde van fisiese aktiwiteite en die beginsel dat 'n gesonde liggaam 'n gesonde
gees huisves.
'n Hele aantal leerders het pragtig presteer deur verteenwoordigende spanne te haal in skoolsporte
sowel as in sportsoorte wat buite die skool aangebied word.
NAAM AKTIWITEIT PRESTASIE
ASHLEIGH PIETERSE AKSIE NETBAL KZN
BIANCA J VAN VUUREN NETBAL SONE
BIANKA HOUPE AKSIE-NETBAL KZN
CHENAL BRUMMER AKSIE NETBAL KZN
CHRIS POWELL KLUBRUGBY KZN
CHRISTELLE VD BERGH HOKKIE PADSSA
CINDY BOTHMA HOKKIE SONE
COHAN KOK ATLETIEK SONE
CONOR POWELL RUGBY PADSSA
DANIËL VAN SCHOOR ATLETIEK SONE
DANIELLE VAN DYK AKSIE NETBAL KZN
FELIE TORLAGE RUGBY PADSSA
GENAVIVE STUTHARD NETBAL SONE
HANS-JACQUES KOETSIER LANDLOOP SONE
HEIN GEY VAN PITTIUS ATLETIEK DURBAN EN DISTRIKTE
ILSE HATTINGH ATLETIEK KZN
ILSE HATTINGH TENNIS SA
ILSE HATTINGH NETBAL KZN
ILZE HATTINGH HOKKIE KZN
JACO COETZEE RUGBY KZN
JACO COETZEE ATLETIEK KZN
JACO COETZEE KLUB ATLETIEK KZN
JEHAN KOEGLENBERG LANDLOOP SONE
JéHAN KOEGLENBERG RUGBY PADSSA
LEHAN HEFER ATLETIEK PADSSA
NAAM AKTIWITEIT PRESTASIE
LIZINDA CLASSEN JUKSKEI KZN
MARISA VORSTER AKSIE NETBAL KZN

MELANDI VENTER YSKAATS KZN
MONIQUE RIEKERT AKSIE NETBAL KZN
REINETTE FRITZ HOKKIE SONE
RENé FRITZ NETBAL KZN
RENé FRITZ AKSIE NETBAL KZN
ROCHELLE COETZEE ATLETIEK KZN
ROCHELLE COETZEE KLUBATLETIEK KZN
RUAN KOTZé RUGBY PADSSA
RUAN KOTZé SWEM KZN
RUAN KOTZé DRIEKAMP KZN
RUAN PRETORIUS LANDLOOP SONE-SPAN
RUAN PRETORIUS ATLETIEK SONE SPAN
RUAN VAN RENSBURG ATLETIEK PADSSA
SHOZELLE TAUTE NETBAL KZN
SHOZELLE TAUTE ATLETIEK PADSSA
SHOZELLE TAUTE AKSIE NETBAL KZN
SUMARIE VAN WYK ATLETIEK PADSSA
SUMMARIE SLABBERT GIMNASTIEK KZN
WESSEL BLOEM RUGBY HIGHWAY SONE
ZANGELIQUE JORDAAN LANDLOOP SONE
Leerders kon aan die volgende aktiwiteite deelneem:
Atletiek, landloop, rugby, hokkie, mini-hokkie, mini-krieket, netbal, gholf, krieket en tennis.
Verskeie toere het daartoe bygedra om ons leerders se vaardighede op te skerp en hul horisonne te
verbreed. Dank aan al die afrigters en ouers wat bereid was om ons seuns op hierdie toere te vergesel.
Die volgende toere is in die loop van die jaar onderneem: Sekondêre 1ste rugby en netbal na Margate,
sekondêre hokkie na Potchefstroom, Primêre rugby en primêre krieket na Empangeni.
Aangesien ons sport by Gelofte bestuur sonder die hulp van 'n sportbestuurder wil ons graag 'n besondere
woord van dank rig tot elke personeellid, ouer en kundige wat oor die afgelope jaar by afrgting of die
organisasie van sport by Gelofte betrokke was. U insette, dikwels sonder enige vergoeding, word opreg
waardeer en maak 'n reuse verskil in ons kinders se lewens.
6.5 TERREIN
Die terreinkomitee is verantwoordelik vir die instandhouding van ons terrein en fasiliteite. Projekte
wat hierdie jaar afgehandel is sluit onder andere die volgende in:
a) Oprigting van die afdak vir leerders..
b) Verskuiwing en opgradering van die kiosk
c) Opgradering van skool se beveiliging.
d) Vervanging van skaduparkering vir personeel.
Die stutmuur aan die agterkant van die pawiljoen geniet tans dringende aandag in samehang met Klub 100.
Die muur kantel tans en sal dus binnekort aandag moet geniet. Verdere projekte wat beoog word vir die
nabye toekoms is die moontlike oprigting van spreiligte en die daarstel van sitplek op 'n klein skaal teen die
wal by die tennisbaan.

Nogmaals dankie aan die twee ma's wat steeds onvermoeid woeker in ons tuine en sodoende daartoe
bydra dat ons in 'n pragtige omgewing kan werk en gaste met vrymoedigheid by ons skool kan ontvang.
Ons waardeer die ure wat julle opoffer en jul harde werk.
6.6 TEGNOLOGIE
Rekenaars en die onderhoud van rekenaarsentrums bly ongelukkig 'n duur en deurlopende uitgawe. Ons
is bevoorreg om te beskik oor twee pragtige rekenaarsentrums. Leerders het ook toegang tot rekenaars
en die internet in die sekondêre mediasentrum. 'n Klaslokaal word tans ingerig as 'n multi-media lokaal
met 'n data-projektor en rekenaar met internettoegang. Klasgroepe sal in die toekoms na hierdie lokaal
geneem kan word waar leerders blootgestel sal word aan aanvullende en verrykende materiaal tot die
kurrikulum.
6.7 BEMARKING
Bemarking van die skool geskied deur die webblad, nuusmedia en opedae. Ondervinding het egter
geleer dat die beste bemarkingsmeganisme van die skool gelukkige en tevrede ouers is wat die skool
bemark onder vriende en nuwe intrekkers. Die koop van advertensieruimte in plaaslike koerante het
in die verlede geen vrug opgelewer nie. Die beskikbaarstelling van beurse aan leerders wat nie tans
ingeskrewe leerders is nie, was ook vrugteloos. Ons beoog om hierdie jaar weer 'n jaarblad uit te gee
wat beloof om 'n pragtige aandenking van die skool te wees. Die jaarblad sal ook op strategiese
plekke soos bv. spreekkamers in ons gemeenskap geplaas word.
6.8 VEILIGHEIDSKOMITEE
Die veiligheidskomitee bestaan uit ouerlede van die beheerliggaam, die terreinbestuurder sowel as
onderwyspersoneel. Die komitee vergader kwartaalliks en hanteer sake wat die veiligheid van leerders,
ouers, personeel en ander betrokkenes raak. Na die diefstal van enkele motors tydens funksies
is besluit om voortaan van wagte gebruik te maak tydens groot aandfunksies by die skool. Die feit dat
'n motor egter tydens die wildsfees gesteel is, ten spyte van die teenwoordigheid van wagte, dui daarop
dat hierdie oplossing ook maar beperkte voordele inhou. Klub 100 ondersoek tans die moontlikheid
daarvan om 'n permanente wag by die skool te plaas. Ons het ook reeds kameras op strategiese plekke
aangebring in die skool. Kommer heers oor die klein aantal leerders, dikwels primêr, wat sonder toesig
tot laat middag by die skool bly as die gevolg van die feit dat hul ouers hul nie vroeër kan afhaal nie.
6.9 DISSIPLINêRE KOMITEE
Die dissiplinêre komitee van die beheerliggaam bestaan uit twee ouerlede van die beheerliggaam. Hierdie
komitee hanteer ernstige oortredings van leerders wat nie deur die bestuurspan en personeelkorps
van die skool hanteer kan word nie, aangesien dit aanbeveling tot skorsing tot gevolg kan hê. Behalwe
vir die daaglikse kleiner dissiplinêre probleme wat deur die bestuurspan en personeel hanteer word,
is daar min ernstige probleme. Gedurende 2009 is geen sake na die komitee verwys nie.
Die handhawing van gesonde dissipline is ononderhandelbaar aangesien effektiewe onderrig daarsonder
bloot nie moontlik is nie. Ouers se ondersteuning van die skool is hierin van kardinale belang.
Dit raak ongelukkig toenemend 'n probleem dat die teenoorgestelde waar is en dat dit lei tot ernstige
dissiplinêre probleme. In enkele gevalle is die spreekwoord wat sê dat: "Die grootste probleem van ons
tyd te streng kinders en te gehoorsame ouers is." ongelukkig baie waar en maak dit die toepassing van
dissipline 'n uiters moeilike saak. Die hartseer van hierdie ingesteldheid van ouers is dikwels dat dit nie
slegs hul eie kind is wat skade ly in die proses nie, maar ook die leerders wat 'n onderriglokaal met die
betrokke leerder deel.

7. STRATEGIESE BEPLANNING
Die beheerliggaam het ongeveer 3 jaar gelede begin met omvattende strategiese beplanning wat enersyds
ten doel het om te verseker dat uitstekende dienslewering aan ons leerders en ouergemeenskap volhoubaar
is en andersyds om die daling in ons getalle aan te spreek. Verskeie moontlike oplossings is deeglik
ondersoek waaronder die daarstelling van 'n busdiens, pre-primêre skool in die Hillcrest omgewing en 'n
skoolkoshuis. Nie een van hierdie opsies het blyk haalbaar te wees nie om 'n verskeidenheid redes. Een
van die verdere opsies wat indringend bespreek is, is 'n verandering in die skool se medium van onderrig.
Daar word sterk beklemtoon dat die kwessie van dubbelmedium nooit ter sprake gekom het nie aangesien
dit beteken dat leerders uit beide taalgroepe in dieselfde klas geakkomodeer word en dit onvermydelik lei
tot die totale verengelsing van die skool. Parallelmedium, waar die afrikaanse en engelse klasse parallel met
mekaar loop, is wel baie sterk oorweeg en het die vorige beheerliggaam besluit dat die moontlikheid ondersoek
moet word om 'n engelsmedium graad 1 klas vanaf 2011 in te fasseer. Gesien in die lig van die emosie
wat met so 'n besluit gepaard gaan en die verreikende gevolge van so 'n besluit op die etos van die skool,
is daar besluit om in gesprek te tree met mnr. Paul Colditz (HUB van FEDSAS) vir raad en leiding in hierdie
verband. Na 'n gesprek van etlike ure was sy aanbeveling aan die dagbestuur van die beheerliggaam om die
medium van onderrig solank as moontlik 'n enkelmedium afrikaanse skool te hou. Hy het ook pertinent uitgelig
dat hulle ondervinding daarop dui dat 'n wysiging in die skool se medium van onderrig selde indien ooit
die finansiële probleme van 'n skool oplos. Gesien in die lig van bogenoemde is die besluit tans dat Gelofte,
ten minste vir die nabye toekoms 'n enkelmedium afrikaanse skool bly.
8. MOEDERSKOMITEES
Ons moederskomitees bly 'n geweldige bate vir die skool wat onvermoeid fondse insamel en projekte
loods by die skool. Van die projekte wat hierdie jaar afgehandel is sluit onder andere die volgende in:
Afdak vir leerders, herstel van skaduparkering vir motors, gordyne in klaskamers en die aankoop van
tafeldoeke.
9. KLUB 100
Ons dra graag weer eens ons opregte dank oor aan hierdie klein groep entoesiastiese en lojale ondersteuners
van die skool wat onvermoeid hul tyd, kundigheid en fondse tot die skool se beskikking stel.
'n Besondere woord van dank aan almal wat betrokke was by die jaarlikse wildsfees. Hierdie funksie het
nie net 'n besondere fondsinsamelingspoging geword nie, maar dra ook daartoe by dat die skool ver buite
ons grense bemark word.
10. KOMMUNIKASIE
Ons vertrou dat hierdie een aspek is waaroor daar waarskynlik min krtiek gelewer kan word. Inligting
word op 'n verskeidenheid wyses, elektronies en andersins, beskikbaar gestel.
11. GELOFTE EN DIE TOEKOMS
Ons glo dat Gelofte, ten spyte van uitdagings op vele terreine, ook in die toekoms 'n krag sal wees om mee
rekening te hou en dat ons sal voortgaan om enersyds op skoolvlak te presteer maar ook jong volwassenes
op te lewer wat besondere prestasies behaal tydens tersiêre studies en in die werksplek. Ons wil 'n beroep
doen op elke Loffie, elke ouer en ondersteuner om hierdie pragtige skool, waarvoor 40 jaar gelede hard
gewerk is om die daarstelling van 'n Afrikaanse skool in ons gemeenskap moontlik te maak, te koester en
soos 'n kleinnood te bewaar. Ons skool is inderdaad 'n baken vir Afrikaanse onderwys in die weste van
Durban en daar moet geen twyfel bestaan oor die feit dat dit, in die huidige bedeling, onvervangbaar is indien
ons sou toelaat dat dit ten gronde gaan.

12. DANKIE
'n Woord van hartlike dank aan die volgende:
13.1 Ouers vir hul lojaliteit en onvermoeide ywer. Die skool kan doodgewoon nie effektief funksioneer
sonder u insette op sovele terreine nie. Dankie ook aan ouers wat agteroor buig om hul finansiële
verpligtinge teenoor die skool na te kom. Ons is deeglik bewus daarvan dat dit dikwels groot
opoffering vra.
13.2 Personeel wat met entoesiasme, toewyding en deernis hul rol as opvoeders volvoer. Die bydrae van
personeel, dikwels onder moeilike omstandighede, moet nie gering geskat word nie.
13.3 Leerders wat deur harde werk en toewyding, op welke terrein ookal, 'n bydrae gelewer het om
Gelofte se belange te bevorder.
13.4 Lede van die beheerligaam wat met onvermoeide ywer ure spandeer in belang van die skool. Sonder
hierdie insette en opoffering kan die skool nie effektief funksioneer nie.
13.5 Ouers wat by die onderskeie moederskomitees betrokke is en werk van onskatbare waarde doen
by die skool.
13.6 Ouers en ondersteuners wat betrokke is by Klub 100 en van hul kosbare tyd opoffer in belang van
ons leerders.
13.7 Dankie ook aan sovele ouers wat bereid is om eksamentoesig te doen en beskikbaar te wees as
aflospersoneel. U maak ons taak soveel makliker.
13.7 'n Woord van hartlike dank ook aan ons twee ma's wat diens doen as "tuiniers". Jul insette dra beslis
daartoe by dat ons trots is om besoekers by die skool te ontvang.
13.8 Dankie aan elke ouer wat bereid is om op komitees te dien en sodoende hul tyd en kundigheid tot
die skool se beskikking stel.
13.9 Ons Hemelse Vader wat ons weer eens op sovele terreine gedra en geseën het.