Ken die mielie.pdf - Pannar Seed

Foto 5a & b: Die eerste sekondêre wortels
begin ontwikkel vanuit die eerste ondergrondse
node.
5b
6
Met later aanplantings en by hoër
grondtemperature kan dieper geplant
word, om te verseker dat die saad naby
die beskikbare vog geplaas word.
Wees egter versigtig om nie te diep te
plant nie, veral op grond wat geneig
is om vas te slaan of ’n harde kors te
vorm.
DIE HOOF WORTELSTELSEL
Van die sesblaarstadium tot laat in
graanvulling, is dit die sekondêre of
nodale wortelstelsel wat die meeste
voedingstowwe voorsien, wat deur die
plant benodig word. Hierdie wortels
ontwikkel op ’n gronddiepte van
25 mm tot 35 mm, ongeag van plant-
5a
6
Foto 6: Van elke node onder die grondvlak,
sal ’n stel sekondêre wortels ontwikkel.
dieptes, en is hoofsaaklik gekonsentreerd
sowat 300 mm om en onder
die mielieplant. Hulle kan tot op ’n
diepte van 1.5 m tot 2 m ontwikkel.
Hierdie wortels reageer goed op
algemene grondvrugbaarheid, sowel
as bandgeplaasde kunsmis.
Haarwortels wat aktief uit die wortels
vorm, kan weens droogtestremming
afsterf, maar ontwikkel weer sodra vog
beskikbaar raak.
GEE DIE WORTELSTELSEL DIE
BESTE KANS VIR OPTIMALE
ONTWIKKELING
Vanuit ’n bestuursoogpunt is dit beter
om verdigtingslae tydens primêre
bewerking voor plant op te hef.
Wanneer die verdigting opgebreek
word na plant, moet vlak bewerk word
en nie naby die wortels nie, sodat
moontlike skade aan die wortelstelsel
tot ’n minimum beperk word.
Meganiese skade kan die moontlikheid
van stam- en wortelvrot bevorder. Dit
sal weer die vogopname van die plant
benadeel, veral tydens graanvulling.
Omval word ook ’n groter probleem.
Waar aluminium-inhoud in die grond
hoog is, soos in areas met hoë reënval,
moet kalk so diep as moontlik
ingewerk word. Dit verseker goeie
wortelontwikkeling. Dit is ’n goeie
praktyk om ’n profielgat van sowat
1,5 m tot 2 m regoor die mielierye te
grawe, om te bepaal hoe goed en diep
die wortels ontwikkel het en/of opbreek
van verdigtingslae nodig is vir die
komende seisoen.