Ken die mielie.pdf - Pannar Seed

More documents

Recommendations

Info

1VAN PLANT TOT OPKOMS Foto 1: Die effek van verskillende plantdieptes op saadontwikkeling. Let op na die verskil in saadontwikkeling, waar saad te diep geplant is (regs) tot ’n optimale diepte (links). Hoe dieper die saad geplant is, hoe laer is die grondtemperatuur, wat ’n onegalige plantestand tot gevolg het. Let op na die saad waar die koleoptiel om die saad gedraai is, dit is tipies van saad wat te diep geplant is. 1 4 SAADBED Die waarde van ’n goed voorbereide saadbed kan nie oorbeklemtoon word nie. Dit skep ’n ideale basis vir groeikragtige en egalige plante teen die verlangde plantbevolking. Dit vorm ook die fondasie vir ’n goeie graanoes. SAAD Die oesverwagting begin by die saad. Saad is die eindproduk van ’n lang, duur, teel- en produksieprogram. Opgesluit in die saad is die oespotensiaal en sekere eienskappe wat die beste voordele uit klimaat- en grondtoestande kan voortbring. VEREISTES VIR GOEIE PLANTBEVOLKING Drie vereistes van uiterste belang: • Vogtoestande moet gunstig wees. ’n Reënbui van 25 mm sal normaalweg verseker dat daar genoegsame vog in die grond is om te begin plant, indien die ondergrond nat is. • Genoeg suurstof. • Minimum grondtemperature verkieslik bo 15˚C is belangrik. Die temperatuur tydens plant moet optimaal wees. Mieliesaad sal nie ontkiem by grondtemperature onder 10˚C nie. Die ideale temperatuur is 18˚C en hoër. ’n Tekort of in sekere gevalle te veel (bv. versuiptoestande) van die bogenoemde elemente kan ’n nadelige invloed op die finale plantestand en die egaligheid van die plante hê. BESTUURSWENKE • Vroeë aanplantings moet so vlak as moontlik geplant word. Diep plant beteken laer grondtemperature wat vertraagde ontkieming en onegalige stand tot gevolg het. • Bandplaas kunsmis ten minste 5 cm dieper en 5 cm weg van die saad, om chemiese brand te voorkom. Dit is veral op sanderige gronde noodsaaklik. • Moet nie meer as 60 - 70 kg stikstof (N) plus kalium (K) per ha in die band by 90 cm rye plaas nie, want dit kan tot chemiese brand lei. Vir 2.1 meter rye moet nie meer as 40 kg/ha in die ry geplaas word nie. • Probeer korsvorming van die grond voorkom of hef die probleem so gou as moontlik op. Behandel die saad met geregistreerde insekdoders om insekskade te beperk. • ’n Onkruidvrye saadbed na opkoms gee die jong mielieplant die beste geleentheid om goed te ontwikkel. Egalige saailinge en stand vorm die basis van ’n goeie oes. DIE EFFEK VAN VERSKILLENDE PLANTDIEPTES OP SAADONTWIKKELING
2 27°C 20°C G4 G3 G2 G1 G0 14°C Foto 2: Verskil in tempo van ontwikkeling by 14˚C, 20˚C en 27˚C in die grond, oor ’n tydperk van 5 dae. WORTELS LÊ DIE GRONDSLAG VIR ‘N BELOWENDE OES Wortelontwikkeling het ’n belangrike invloed op die opbrengspotensiaal. Wanneer daar gekyk word na ’n mielieland is dit gewoonlik die algemene voorkoms, plantestand en kleur wat ’n mens die meeste beïndruk. Baie min mense besef egter dat dit wat bo die grondoppervlak sigbaar is, ’n manifestasie is van wat onder die grond besig is om plaas te vind. DIE EERSTE WORTELSTELSEL Die kiem of primêre wortelstelsel van die mielieplant begin voor opkoms funksioneer en speel ’n belangrike rol in die verwesenliking van die potensiaal van die plant. Dié wortels funksioneer tot die laaste stadium van graanvulling. Kiemwortels begin twee tot drie dae nadat die saad geplant is te ontwikkel. Dié wortelstelsel is feitlik ten volle ontwikkel met opkoms. Hierdie wortels voed op die endosperm (die meelgedeelte van die saad) en ontwikkel baie vinnig om die hoof wortelstelsel van die mielieplant tot by vyfblaarstadium te vorm. Dit funksioneer tot lank in die groeiseisoen van die plant. Vanuit die bogenoemde inligting is dit duidelik dat die regte bestuur voor planttyd, baie bydra tot goeie wortelontwikkeling. ’n Goeie praktyk is om so vlak as moontlik te plant met vroeë aanplantings, omdat die grondtemperatuur afneem met ’n toename in diepte. Die belangrikheid hiervan word beklemtoon deur die feit dat opkoms met tot twee weke vertraag kan word, wanneer te diep geplant word. Kiemwortels toon ’n swak reaksie tot algemene grondvrugbaarheidsvlakke, maar reageer baie goed op bandgeplaasde kunsmis. Vroeë wortelontwikkeling kan dus bevorder word deur klein hoeveelhede fosfaat naby of op die pit te bandplaas, tydens plant. Wees egter versigtig om kunsmis met baie stikstof en kalium naby die saad te plaas. Dit kan klein plantjies brand of selfs laat vrek. 3 4 Foto 4: Uitstekende wortelontwikkeling in die eenblaarstadium. Primêre wortels kan duidelik gesien word op die foto. Foto 3: ’n Gesonde wortelstelsel vorm die basis vir ’n suksesvolle oes. Die linkerkantste saailing is beskadig deur grondinsekte en sal ’n swak plant tot gevolg hê. 5
Page 3: Van Plant tot Opkoms Die Mieliefabr
Page 7 and 8: 7 8 DIE LAASTE WORTELSTELSEL Gedure
Page 10 and 11: 2 10 DIE MIELIEFABRIEK: VEGATIEWE G
Page 12 and 13: Foto 9: ’n Plant in die negeblaar
Page 14: 15 14 Die pluim is volwasse ongevee
Page 17 and 18: skade as gevolg van droogte ook dan
Page 19 and 20: 9 VINNIG MEDIUM KORT MEDIUM Foto 9:
Page 21 and 22: In gebiede waar koueskade ’n prob
Page 24 and 25: 4 Medium Groeiers HITTE-EENHEDE - B
Page 26 and 27: 5 BASIESE 34 INVLOED VAN SIEKTES Fi
Page 28 and 29: 6MIELIESIEKTES IN SUIDER AFRIKA MIE
Page 30: NOTAS

Ken die mielie.pdf - Pannar Seed

You also want an ePaper? Increase the reach of your titles

Delete template?

Save as template?