Ken die mielie.pdf - Pannar Seed

22
met ’n kort groeiseisoen en duikpittipe
graan, sal ’n paar weke voor ’n baster
wat later ryp geword het, met flinttipe
graan, gereed wees vir stroop.
BASTERKEUSES
Indien ’n produsent vroeg wil stroop,
moet hy so vroeg as moontlik, tydens
’n veilige plantperiode vir sy gebied,
plant. Hy moet ook seker maak dat
’n baster met ’n kort groeiseisoen deel
is van sy pakket.
Die tabelle toon groot verskille in
plantontwikkeling vir verskillende
groeiklasse met dieselfde plantdatum
(1 November), vir verskillende gebiede.
Hierdie tabelle vergelyk die interaksie
tussen die groeiseisoen van die
verskillende produksiegebiede, hitteeenhede
en stadium van plantontwikkeling.
Dit toon die geprojekteerde
dae tot blom, fisiologiese rypwording
en stroopgereedheid vir die onderskeie
drie rypwordingsklasse.
In dieselfde streek word die verskille
tussen basters groter, namate die plante
verder ontwikkel. By Potchefstroom
is die verskil tussen ultra kort en
medium ten opsigte van aantal dae tot
blom, net drie dae. Ten opsigte van
dae tot stroop, rek die verskil tot 22
dae. Hoewel die inligting net as riglyne
dien, is die belangrikste beginsel die
kies van ’n plantdatum vir die
verskillende klimaatstreke.
KOEL GEBIEDE
In koeler gebiede is hitte-eenhede
beperkend en sal dit ’n groot invloed
hê op die opbrengspotensiaal. Laat
aanplantings ontvang nie net te min
hitte-eenhede nie, maar ’n gedeelte
van die graanvullingsperiode val buite
die piek reënvalperiode.
WARMER GEBIEDE
In die warmer Westelike produksiegebiede
is hitte-eenhede minder
beperkend. Hier is dit belangriker om
die planttyd só te kies dat pluimperiode
en graanproduksie saamval met die
maande van beste reënval, bv. die
einde van Januarie tot die middel van
Februarie. In die gebiede gaan dit oor
risiko ontduiking en die beste kans vir
’n oes oor wisselende seisoene.
Tabelle: ’n Vergelyking van drie groeiklasse met dieselfde
plantdatum vir vier verskillende produksiegebiede wat wissel van
’n warm tot ’n koel gebied.
Ultra kort Ontwikkelingstadiums
Blom Ryp Stroop
Lokaliteit Datum Dae Datum Dae Datum Dae
Hoopstad 27 Des. 57 11 Feb. 103 12 April 163
Potchefstroom 1 Jan. 62 20 Feb. 112 21 April 172
Babsfontein 13 Jan. 74 17 Maart 137 26 Mei 207
Ermelo 25 Jan. 86 17 April 168 16 Junie 228
Medium Ontwikkelingstadiums
Blom Ryp Stroop
Lokaliteit Datum Dae Datum Dae Datum Dae
Hoopstad 29 Des. 59 17 Feb. 109 3 Mei 184
Potchefstroom 4 Jan. 65 27 Feb. 119 13 Mei 194
Babsfontein 16 Jan. 77 27 Maart 147 10 Junie 222
Ermelo 29 Jan. 90 25 April 176 9 Julie 251
Lank Ontwikkelingstadiums
Blom Ryp Stroop
Lokaliteit Datum Dae Datum Dae Datum Dae
Hoopstad 31 Des. 62 20 Feb. 120 16 Mei 205
Potchefstroom 6 Jan. 67 2 Maart 122 26 Mei 207
Babsfontein 19 Jan. 80 1 April 152 6 Julie 237
Ermelo 1 Feb. 93 2 Mei 183 26 Julie 268