Ken die mielie.pdf - Pannar Seed

9
VINNIG MEDIUM KORT MEDIUM
Foto 9: Verskillende stadiums van
graanontwikkeling. Vinnige kultivar (links)
is fisiologies ryp, die medium vinnige baster
is in die vol duikstadium en medium kultivar
(regs) is in die deegstadium. Wanneer 80%
van die skutblare bruin verkleur is, is die
graan fisiologies ryp.
Vol duikstadium
Dit is die regte tyd vir die sny van
kuilvoer – dit duur vir twaalf tot vyftien
dae en eindig wanneer al die pitte ’n
duik op die skouer het. Die voginhoud
van die graan neem vinnig af en
behoort so 45 - 50% te wees.
Genoeg vog is steeds belangrik.
Droogte en ryp kan steeds opbrengs
en graankwaliteit negatief beïnvloed.
Fisiologiese rypwording
Dit is die finale fase van die graanvullingsperiode
en neem vyftien tot
twintig dae, terwyl die voginhoud van
die graan van 50% na onder 40% toe
verminder. Geen sagtedeeg kom meer
aan die basis van die graan, waar dit
aan die stronk heg, voor nie en die
harde stysellyn (melklyn) het deur die
pit beweeg, met ander woorde weg
van die skouer van die pit in die rigting
van die aanhegting. ’n Swart laag sal
ontwikkel aan die basis van die pitte.
Die kleur van die skutblare wat die
kop bedek, is 70% tot 80% ligbruin.
In kontras met die graanvulling, is die
pitte voor op die punt van die kop
eerste ryp.
Die vogbehoeftes van die plant is nou
baie laag, maar droogte sal steeds die
opbrengs en graangehalte negatief
beïnvloed. Onder besproeiing kan
water toediening eers gestaak word
wanneer 80% van die skutblare van
70 – 80% van die plante verbruin het.
Kenmerkend van die aanbreek van die
finale stadium is wanneer die skutblare
ligbruin begin verkleur. Die onderste
blare op die stronk het droog geword
en ’n ligbruin kleur vervang die laaste
groen in die boonste skutblare. ’n
10
Swart laag op die basis van die pit is
duidelik as dit gedors word. Voginhoud
van die graan in nou omtrent
35%.
Na fisiologiese rypwording word die
afdroogperiode tot strooptyd ook
beïnvloed deur die graantipe. Die
flinttipes sal stadiger uitdroog as die
duikpittipes. Die humiditeit van die
omgewing speel ook ’n belangrike rol
in die tempo van uitdroging.
Foto 10: Gesonde ryp mielieplante gereed
vir stroop.
19