Ken die mielie.pdf - Pannar Seed

15
14
Die pluim is volwasse ongeveer twee
tot drie dae voor dit verskyn. Sodra
stuifmeelstorting plaasvind, is dit die
einde van die vegatiewe groeistadium.
BESTUURSWENKE
Uit ’n bestuursoogpunt is dit belangrik
dat mielies onder besproeiing geen
vogstremming, twee weke voor en
twee weke na pluimstadium, ondervind
nie. Haelskade tydens hierdie
stadium, veral gedurende bestuiwing,
kan ’n totale oesmislukking beteken.
Die fabriek van die plant, m.a.w. die
blare, is nou ten volle ontwikkel. Die
plant sal nie herstel van enige skade
nie. In mielielande, veral lande wat
laat in die groeiseisoen aangeplant is,
kan tweede generasie stronkboorder
Foto 15: Die verskil in ontwikkeling tussen
vinnige, medium en medium-laat plante wat op
dieselfde datum geplant is. Let op die
pluimontwikkeling.
voorkom. Dit is gewoonlik ’n baie
strawwe besmetting, wat groot oesverliese
en swak graangehalte tot
gevolg het. Fusarium kopvrotbesmetting
kan ook een van die gevolge
wees. Lugbespuiting is gewoonlik
nodig om die probleem op te los.
Die vog- en voedingsbehoeftes van
die plant is baie hoog in die vroeë
reproduktiewe stadium. Goeie stutwortelontwikkeling
help die plante
om nat toestande beter te verdra. Diep
skoffelbewerking op die stadium, moet
egter vermy word, omdat dit stam- en
wortelvrot kan aanmoedig.