Interimresultate vir die ses maande geëindig 30 Junie 2009 - Sanlam

Eksterne oudit oorsig
Verslag oor die oorsig van interim verkorte finansiële state
Aan die direkteure van Sanlam Beperk
Inleiding
Ons het die meegaande gekonsolideerde verkorte staat van finansiele posisie
van Sanlam Beperk op 30 Junie 2009 en die verwante staat van omvattende
inkomste, veranderinge in ekwiteit en die kontantvloei vir die sesmaandetydperk
wat op daardie datum geëindig het, en ander verklarende
aantekeninge soos uiteengesit op bladsye 22, 23 en 56 tot 61 nagegaan.
Direkteure se verantwoordelikheid
Die Groep se direkteure is verantwoordelik vir die opstel en redelike
voorstelling van hierdie interim verkorte finansiele state ooreenkomstig
International Financial Reporting Standard IAS 34, “Interim Financial
Reporting”.
Ouditeur se verantwoordelikheid
Ons verantwoordelikheid is om op grond van ons oorsig tot ’n gevolgtrekking
te kom oor hierdie interim verkorte finansiële state.
Omvang van oorsig
Ons het ons oorsig ooreenkomstig International Standard of Review
Engagements 2410, “Review of Interim Financial Information Performed by
the Independent Auditor of the Entity” uitgevoer. ’n Oorsig van interim
finansiële inligting behels die rig van navrae, hoofsaaklik van persone
verantwoordelik vir finansiële en rekeningkundige aangeleenthede en die
uitvoer van analitiese en ander oorsigprosedures. ’n Oorsig is wesenlik
kleiner in omvang as ’n oudit uitgevoer ooreenkomstig Internasionale
Ouditstandaarde en laat ons gevolglik nie toe om gerusstelling te verkry oor
alle wesenlike aangeleenthede wat ons andersins met ’n oudit sou kon
identifiseer nie. Gevolglik spreek ons nie ’n ouditmening uit nie.
Gevolgtrekking
Op grond van ons oorsig, het niks onder ons aandag gekom wat ons sal laat
glo dat die meegaande interim verkorte finansiële state van Sanlam Beperk,
in alle wesenlike opsigte, nie ooreenkomstig International Financial Reporting
Standard IAS 34, “Interim Financial Reporting” opgestel is nie.
Ernst & Young Ing.
Direkteur: MP Rapson
Geregistreerde Ouditeur
Kaapstad
2 September 2009
Beperkte gerusstellingsverslag van die onafhanklike ouditeure oor Sanlam
Beperk se finansiële inligting vir die Aandeelhouersfonds
Aan die direkteure van Sanlam Beperk
Inleiding
Ons het ’n beperkte gerusstellingsaanstelling van Sanlam Beperk se
finansiële inligting vir die Aandeelhouersfonds (“Sanlam Beperk se Aandeelhouersinligting”)
vir die sesmaandetydperk wat geëindig het op
30 Junie 2009, soos uiteengesit op bladsye 28 tot 54, uitgevoer. Hierdie
inligting is opgestel ooreenkomstig die grondslag van voorbereiding en
aanbieding soos uiteengesit op bladsye 22 tot 23. Ons verslag moet saam
met die hersiende interim verkorte finansiële state gelees word, waar die
polisaanspreeklikheid bereken is op die finansiële gesondheidswaardasiebasis.
Onderskeie verantwoordelikhede van die direkteure en die
onafhanklike ouditeure
Die direkteure is verantwoordelik vir die opstel van Sanlam Beperk se Interim
Groep Finansiële State en Aandeelhouersinligting. Ons verantwoordelikheid
in verband met die interim groep finansiële state is om die inligting te hersien
soos uiteengesit op bladsy 24.
Ons verantwoordelikhede, as onafhanklike voorsieners van gerusstelling, in
verband met Sanlam Beperk se Aandeelhouersinligting is om beperkte
gerusstelling aan die raad van direkteure te verskaf wat bevestig dat niks
onder ons aandag gekom het gedurende die beperkte gerusstellingsaanstelling
wat veroorsaak dat ons glo Sanlam Beperk se Aandeelhouersinligting op
30 Junie 2009 nie opgestel was ooreenkomstig die grondslag van
voorbereiding en aanbieding soos uiteengesit op bladsye 22 tot 23 nie.
Omvang van die aanstelling
Ons het die beperkte gerusstellingsaanstelling uitgevoer ooreenkomstig die
International Standards on Assurance Engagements: ISAE 3000, Assurance
Engagements Other Than Audits or Reviews of Historical Financial
Information. ’n Beperkte gerusstellingsaanstelling bestaan uit die rig van
navrae, hoofsaaklik van die persone verantwoordelik vir die finansiële,
rekeningkundige en aktuariële aangeleenthede, en deur toepassing van
analitiese en ander oorsigprosedures. ’n Beperkte gerusstelingsaanstelling is
wesenlik kleiner in omvang as ’n oudit uitgevoer ooreenkomstig Internasionale
Ouditstandaarde en laat ons gevolglik nie toe om gerustelling te verkry oor
alle wesenlike aangeleenthede wat ons andersins met ’n oudit sou kon
identifiseer nie. Gevolglik spreek ons nie ’n ouditmening uit nie.
Beperkte gerusstellingsgevolgtrekking
Op grond van ons oorsig, het niks onder ons aandag gekom wat ons sal laat
glo dat die meegaande Sanlam Beperk se Aandeelhouersinligting op
30 Junie 2009, in alle wesenlike opsigte, nie behoorlik opgestel is in
ooreenstemming met die grondslag van voorbereiding en aanbieding soos
uiteengesit op bladsye 22 tot 23 nie.
Ernst & Young Ing.
Direkteur: MP Rapson
Geregistreerde Ouditeur
Kaapstad
2 September 2009
24 25