Interimresultate vir die ses maande geëindig 30 Junie 2009 - Sanlam

Besigheidsvolumes
Nuwebesigheidsvloeie
Nuwebesigheidsvolumes, uitgesluit “white label”, was 3% hoër as in die
eerste ses maande van 2008.
Nuwebesigheidsvolumes vir die ses maande geëindig 30 Junie 2009
R miljoen 2009 2008 ∆
Sanlam Persoonlike Finansies 14 700 15 824 -7%
Suid-Afrika 10 214 11 559 -12%
Afrika 4 486 4 265 5%
Sanlam Ontwikkelende Markte 1 316 1 214 8%
Suid-Afrika 635 665 -5%
Afrika 605 449 35%
Ander internasionaal 76 100 -24%
Sanlam UK 955 807 18%
Institusionele groepering 25 550 23 305 10%
Sanlam Beleggings 25 408 23 035 10%
Sanlam Werknemervoordele 142 270 -47%
Santam
Nuwe besigheid, white label
6 179 6 085 2%
uitgesluit 48 700 47 235 3%
White label 2 785 3 750 -26%
Totale nuwe besigheid 51 485 50 985 1%
Sanlam Persoonlike Finansies se nuwebesigheidsverkope het afgeneem
deurdat die uitdagende ekonomiese en sake-omgewing ’n impak op veral
Topaz se verkope in die middelinkomstemark gehad het. Die Topaz-mark is
meer gevoelig vir die huidige ekonomiese omgewing en onbestendigheid in
beleggingsmarkte. Die gesamentlike lewens- en nie-lewensverkope is 7%
laer as in die ooreenstemmende tydperk in 2008.
› Totale Suid-Afrikaanse nuwebesigheidsvolumes het met 12% afgeneem
in vergelyking met 2008.
› Herhalendepremie-lewensversekeringsverkope is 10% laer as in
dieselfde tydperk in 2008. Die omgewing van hoë rentekoerse en
inflasie van 2007 en 2008 het steeds ’n negatiewe impak op besteebare
inkomste, met ’n gepaardgaande negatiewe impak op spaar- en aftreeoplossings.
Herhalende risikobesigheid is minder gevoelig vir hierdie
toestande en is 7% hoër as in 2008.
› Enkelpremielewensverkope is 13% laer as in 2008. Die marktoestande
begin ook nou ’n impak op Glacier se volumes hê, en dié is 8% laer as
in die ooreenstemmende tydperk in 2008. Die swakker vraag kan
gedeeltelik toegeskryf word aan kliënte se voorkeur om hul persoonlike
skuld te verminder, maar alternatiewe beleggingsklasse, byvoorbeeld
eiendom, het ook meer aantreklik geword as ’n beleggingskeuse ná
dalende waardasies oor die afgelope twee jaar. Enkelpremieverkope
van Topaz-lewensoplossings is 17% minder as in 2008. Waarborgplanne
het in 2008 goed gevaar, maar vraag het in die eerste ses
maande van 2009 afgeneem omdat die onlangse rentekoersverlagings
gewaarborgde koerse minder aantreklik gemaak het.
› Beleggingsbesigheid het ook te kampe met swakker vraag na Glacierbeleggingsoplossings.
Dieselfde faktore wat Glacier se lewensverkope
raak, het ook ’n impak op die verkope van beleggingsoplossings. Dit
het bygedra tot ’n afname van 10% in nuwe beleggingsbesigheidsvolumes.
› Die Namibiese besighede het ’n styging van 5% in volumes getoon, wat
toegeskryf kan word aan vraag na lewensversekeringsoplossings en
effektetrusts. Dieselfde faktore wat ’n impak op die Suid-Afrikaanse
besighede het, beïnvloed ook Namibië.
Sanlam Ontwikkelende Markte se invloeie is 8% meer as in 2008. Uitgesluit
die beëindigde Suid-Afrikaanse enkelpremiebesigheid het nuwebesigheidsvolumes
met 17% toegeneem – ’n prysenswaardige resultaat.
› Suid-Afrikaanse invloeie is 5% minder as in die ooreenstemmende
tydperk in 2008, maar dit sluit die impak van beëindigde enkelpremiebesigheid
in. Enkelpremies wat aangeteken is, bestaan uit voortsettings
van bestaande besigheid wat uitkeerdatum bereik het en sal na verwagting
mettertyd afneem namate die vankragboek afloop. Die kernherhalendepremiebesigheid
is 5% meer as in 2008. Sanlam Sky Solutions het sy
nuwe herhalendepremieverkope met 8% opgeskuif, met ’n sterk
onderliggende prestasie wat verbloem is deur ’n doelbewuste besluit om
laemargebesigheid direk van makelaars af te skaal. Hierdie besluit het ’n
merkbare verbetering in die gehalte en winsgewendheid (soos gemeet
aan die waarde van nuwebesigheidsmarge) tot gevolg gehad. Channel
Life se verkope van individuele lewensbesigheid het gedurende die eerste
ses maande van 2009 onderpresteer en ’n andersins gesonde groeibydrae
deur Safrican en groepvoordelebesigheid geneutraliseer.
› Afrika-invloeie is 35% hoër as in 2008 en is deur ’n skitterende prestasie
deur Botswana, die grootste Afrika-besigheid, aangedryf. Herhalende
premies het met 30% toegeneem en enkelpremies was 37% hoër as in
2008. Verkope van individuele lewensbesigheid sowel as annuïteite in
Botswana was goed en bankversekeringvolumes was ook heelwat beter as
in die ooreenstemmende tydperk in 2008. ’n Swakker randwisselkoers
het ook ’n positiewe uitwerking gehad op die randgebaseerde groei wat
deur Botswana Life behaal is. Afgesien van Ghana het die ander Afrikabesighede
oor die algemeen gesukkel om hoër groei as in die vorige jaar
te behaal as gevolg van die ekonomiese afswaai weens lae kommoditeitspryse
en die sluiting van myne.
› Shriram se nuwebesigheidsvolumes van R76 miljoen is 24% minder as in
2008, deels weens ’n duidelike verskuiwing van enkelpremie- na
herhalendepremiebesigheid. Laasgenoemde is 57% hoër as in 2008.
Enkelpremies is heelwat minder omdat die Indiese mark nie die impak
van die stram ekonomiese toestande vrygespring het nie. Die vooruitsigte
vir die res van die jaar het verbeter, en die nuwe distribusiekanaal sal na
verwagting tot nuwebesigheidsvolumes begin bydra.
Sanlam UK het teen die einde van 2008 ’n afname in nuwebesigheidsvolumes
begin ervaar namate die VK-ekonomie verder verswak het. Hierdie tendens
het in die eerste ses maande van 2009 voortgeduur en nuwe lewensbesigheidsvolumes
was 44% minder as in die eerste helfte van 2008.
Principal het nuwe besigheid van R504 miljoen bygedra vir die eerste ses
maande. Die gesamentlike nuwe lewens- en beleggingsbesigheidsvolumes is
18% meer as in 2008. Nuwebesigheidsvolumes sal na verwagting eers in
2010 verbeter namate die VK-ekonomie van sy ergste resessie in jare herstel.
Die Institusionele groepering het ’n algehele toename van 10% in
nuwebesigheidsvolumes behaal. Kleinhandelbesigheidsvolumes weerspieël
’n resultaat soortgelyk aan dié van Sanlam Persoonlike Finansies, omdat die
kliëntebasisse dieselfde geraak word deur die druk op verbruikers se
koopkrag en risikovermyding weens markonbestendigheid. In teenstelling
hiermee was institusionele besigheidsvloeie besonder sterk.
› Sanlam Beleggings se nuwebesigheidsvolumes was 10% beter as in 2008.
› Die Suid-Afrikaanse besighede het in die huidige omgewing goed
gepresteer en die 2008-nuwebesigheidsverkope met 9% oorskry. Die
RSA se derdepartybesigheid het die grootste bydrae gelewer en groei
van 24% aangeteken. Derdepartybesigheid sluit ’n verhoging van
R2,7 miljard in die mandaat wat deur die Openbare Beleggingskorporasie
toegeken is, in. Die druk op die kleinhandel-middelinkomstemark word
weerspieël deur die afname van 10% teenoor 2008 in die nuwe
kleinhandelbesigheid wat deur Sanlam Kollektiewe Beleggings behaal
16 17