HOOFSTUK 5 DIE KRAG IN ONS LOFSANGE (Kol 3 ... - taniab.co.za

Bladsy 20
Bemagtig deur Lofsange: Leringe vir ons Musiekspan en Gemeente: Hoofstuk 5: Die krag in ons Lofsange
hanteer dit met goedhartigheid word jy soos JESUS en word jy ‘n brug dat mense die
realiteite kan sien en verlore mense kom om die Redder te leer ken.
6.5 Lofsange is die woord van geloof wat ons aan ander verkondig wat ‘n weg maak vir
God om in jou behoeftes te voorsien
(Rom 10:8 AOT) Maar wat sê dit? Naby jou is die woord, in jou mond en in jou hart. Dit
is die woord van die geloof wat ons verkondig: (Rom 10:9 AOT) As jy met jou mond die
Here Jesus bely en met jou hart glo dat God Hom uit die dode opgewek het, sal jy gered
word; (Rom 10:10 AOT) want met die hart glo ons tot geregtigheid en met die mond bely
ons tot redding. Lofsange maak ‘n weg vir God om in jou behoeftes te voorsien. Paulus en
Silas het die woord van geloof deur hulle gebed en lofsange geuiter en God het gereageer met
‘n aardbewing en Sy skrik het op die tronkbewaarder gekom dat hy sy hart en lewe vir
JESUS gegee het. Dit was die woord van geloof in God wat die twee manne uitgespreek en
gesing het. Dit was ‘n bewys van die vaste vertroue wat hul gehad het in die dinge waarvoor
hul gehoop het. Hierdie woord van geloof wat in ons harte en mond is draai mislukkings na
oorwinnings en verander jou swakhede na sterkpunte. JESUS het reeds alles 2000 jaar
gelede gedoen en gegee wat ons vandag nodig het. Die onus rus nou op ons om te reageer op
dit wat JESUS gedoen het en wanneer ons in geloof daarop reageer geniet ons die seëninge
van dit wat Hy vir ons aan die kruis gedoen het.
6.6 Lofsange spreek die behoefte van die oomblik aan
(Jes 61:3 AOT) om vir die treurendes in Sion te beskik dat aan hulle gegee word sieraad
vir as, vreugde-olie vir treurigheid, ‘n gewaad van lof vir ‘n verslae gees; sodat hulle
genoem kan word terebinte van geregtigheid, ‘n planting van die HERE, tot sy
verheerliking.
a) Dit maak ons meer bewus van God se teenwoordigheid en Sy interaksie met Sy mense
omdat ons op JESUS fokus. JESUS is die lied op ons lippe en die Naam wat ons bely en
hoe meer ons Hom spontaan loof, hoe meer vind daar ‘n oplewing in ons gees plaas wat
alle teneurgedruktheid, verslaentheid, moedeloosheid en depressiwiteit vernietig en word
in ons ‘n sensitiwiteit gebore vir die werking van die Heilige Gees.
b) Dit berei ons harte voor om gewilliglik te verander daar waar Hy aan ons openbaar ons
moet verander.
c) Dit berei ons harte verder voor dat die Heilige Gees in ons profetiese liede begin sing,
omdat ons harte nou gesuiwer is van alle vleeslikheid en totaal gefokus is op JESUS
alleen en skielik besef ons ons afhanklikheid van die Heilige Gees en het die eie-ek
gekwyn.
6.7 Lofsange laat die onmoontlike moontlik lyk omdat geloof vrygestel word
(Heb 11:1 AOT) Die geloof dan is ‘n vaste vertroue op die dinge wat ons hoop, ‘n bewys
van die dinge wat ons nie sien nie. (Heb 11:6 AOV) En sonder geloof is dit onmoontlik
Saamgestel deur Tania Berrangé (Webwerf: www.taniab.co.za) (Epos: taniaberrange@gmail.com)
Updated: 30 August 2010
Bladsy 20