HOOFSTUK 5 DIE KRAG IN ONS LOFSANGE (Kol 3 ... - taniab.co.za

Bladsy 2
Bemagtig deur Lofsange: Leringe vir ons Musiekspan en Gemeente: Hoofstuk 5: Die krag in ons Lofsange
Lofsange het nie weggesteekte agendas van as ek God gaan loof sal Hy dit vir my doen
nie.
Ware lofsange vloei vanuit ‘n regverdige se hart wat oorloop van dankbaarheid en die
kennis van God soos in Sy Woord en deur daaglikse ervaringe aan die gelowige
geopenbaar. Lofsange is ‘n aktiewe demonstrasie van ons kant af wat ons geloof in God
demonstreer. (Rom 10:9-13)
2.1 Waar kom ons lofsange vandaan?
(Psa 40:1 AOV) Vir die musiekleier. ‘n Psalm van Dawid. ( Psa 40:2 AOV) Ek het die
HERE lank verwag, en Hy het Hom na my toe neergebuig en my hulpgeroep gehoor; (Psa
40:3 AOV) en Hy het my uit die kuil van vernietiging, uit die modderige slyk opgetrek en
my voete op ‘n rots gestel; Hy het my gange vasgemaak. (Psa 40:4 AOV) En Hy het ‘n
nuwe lied in my mond gegee, ‘n lofsang tot eer van onse God. Baie sal dit sien en vrees en
op die HERE vertrou.
Ons kan nie lofsange sing as ons dit nie ontvang het nie en dit is ‘n lied wat ons vanaf
God ontvang met wedergeboorte, wanneer die persoon van die Heilige Gees in ons kom
woon (Hand 2:38). Die lied van die kerk gaan nie oor styl, ritme, agtergrond of
musiekvoorkeure nie. Die lied van die kerk van JESUS is meer geestelik as musikaal.
Lofsange is die lied wat kom wanneer ons in God se insettinge wandel, Sy verordeninge
onderhou en Sy kragdadige werke aanskou. Dit is ‘n lied wat uitlvoei vanuit die
geregtigheid van God se kinders. Dit is ‘n lied van siele wat hul beroem in die HERE.
Hierdie lied vind plaas wanneer ons onsself in ‘n goddelike verhouding met JESUS
bevind. Wanneer jy in God se koninkryk gebore is, hoor jy hierdie lied deur nuwe ore, en
verstaan jy hierdie lied, want dit is geestelik en nou is jou hart geestelik lewend gemaak
en vernuwe en God se Gees is in jou binneste uitgestort.
Dit is ‘n lied van vreugde met die geklank van dankbare harte. Dit is ‘n lied wat elkeen
gebore is om te herken en om aan deel te neem. Hierdie lied is nie ‘n ervaring of ‘n
naweekdiens nie, maar dit is ‘n reaksie tot die liefde van God, geopenbaar aan ons.
2.2 Lofsange is ‘n verklaring in die geloof dat ons vasstaan in dit wat God ons gegee het en
‘n verklaring van oorwinning dat ons nie beweeg sal word deur dit wat die vyand
probeer steel nie
(2Kron 20:27 AOV) Toe draai al die manne van Juda en Jerusalem om, met Jósafat aan
hulle hoof, om met vreugde na Jerusalem terug te gaan; want die HERE het aan hulle
vreugde verskaf oor hul vyande. (2Kron 20:28 AOV) En hulle het Jerusalem ingetrek met
harpe en siters en trompette, na die huis van die HERE. (2Kron 20:29 AOV) En die skrik
vir God was op al die koninkryke van die lande toe hulle hoor dat die HERE teen die
vyande van Israel gestry het.
Saamgestel deur Tania Berrangé (Webwerf: www.taniab.co.za) (Epos: taniaberrange@gmail.com)
Updated: 30 August 2010
Bladsy 2