HOOFSTUK 5 DIE KRAG IN ONS LOFSANGE (Kol 3 ... - taniab.co.za

Bladsy 19
Bemagtig deur Lofsange: Leringe vir ons Musiekspan en Gemeente: Hoofstuk 5: Die krag in ons Lofsange
g) Die tronkbewaarder het wakker geword. Die wat slaap word wakker wanneer ons God in
‘n lewende geloof aanbid. Die tronkbewaarder het bewend voor Paulus en Silas
neergeval. Psalm 40 leer ons dat baie sal ons lofliedere sien, vrees en op die Here vertrou.
Onmiddelik het Paulus en Silas die woord van die Here verkondig aan almal wat in die
tronkbewaarder se huis was en in dieselfde uur van die nag het die tronkbewaarder Paulus
en Silas geneem en hulle wonde gewas en die tronkbewaarder en al sy mense is
onmiddelik gedoop. Toe bring die tronkbewaarder Paulus en Silas in sy huis, sit vir hulle
‘n maaltyd voor en die Woord sê in (Hand 16:34 AOT) en hy het hom verheug met sy
hele huisgesin dat hy tot geloof in God gekom het.”
h) Paulus en Silas was geroep en besig om die evangelie van JESUS te verkondig. In
hierdie tyd het hulle toegepas wat elke gelowige moet toepas soos in die tyd toe Petrus so
kragtig die evangelie verkondig het: (Hand 2:41 AOV) Die wat toe sy woord met
blydskap aangeneem het, is gedoop; en daar is op dié dag omtrent drie duisend siele
toegebring. (Hand 2:42 AOV) En hulle het volhard in die leer van die apostels en in
die gemeenskap en in die breking van die brood en in die gebede. (Hand 2:43 AOV)
En vrees het op elkeen gekom, en baie wonders en tekens het deur die apostels
plaasgevind. Paulus en Silas was vervolg ter wille van die evangelie en ter wille van die
evangelie het God hulle gebed en lofsange aangehoor en geantwoord, sodat baie gered sal
word.
i) Dit laat my dink aan Josef wat die een slegte ervaring na die ander gehad het en die
uiteinde was sy gevolgtrekking: (Gen 50:20 AOV) Want júlle het wel kwaad teen my
bedink, maar God het dit ten goede gedink om te doen soos dit vandag is, om ‘n groot
volk in die lewe te hou.
Ons gebede en lofsange moet die gevolg hê dat die wat dit aanhoor ook sal vra soos
die tronkbewaarder: “wat moet ek doen om gered te word?”.
Ons kan nie aanhou doelbewus in sonde leef en wanneer ons moeilike tye ervaar dit
klassifiseer as vervolging en bid dat God ons moet uitred nie. Daardie moeilike tye is
vloeke omdat jy nie God wil dien nie.
Vervolging kom slegs wanneer ons in geregtigheid wandel, besig om die evangelie
van JESUS te verkondig en deur daardie vervolging ervaar ons God se liefde en
nabyheid wat ons op ‘n ander wyse nie sou ervaar het nie en is die doel daarvan dat
ons aan ander mense die Hoop naamlik JESUS wat in ons is kan verkondig sodat
hulle ook vry kan kom. (1Pe 3:18) Want Christus het ook eenmaal vir die sondes
gely, Hy die Regverdige vir die onregverdiges, om ons tot God te bring—Hy wat wel
gedood is na die vlees, maar lewend gemaak deur die Gees;
JESUS word die brug om verlore mense na God te bring deur die sondes van die
wêreld op Homself te neem. As jy gered wil word, vertrou op Sy werk aan die kruis.
Hy moes onregverdig ly dat dit gebeur. As jy onregverdig ly en teenkanting kry en
Saamgestel deur Tania Berrangé (Webwerf: www.taniab.co.za) (Epos: taniaberrange@gmail.com)
Updated: 30 August 2010
Bladsy 19