HOOFSTUK 5 DIE KRAG IN ONS LOFSANGE (Kol 3 ... - taniab.co.za

Bladsy 18
Bemagtig deur Lofsange: Leringe vir ons Musiekspan en Gemeente: Hoofstuk 5: Die krag in ons Lofsange
a) Dit gebeur vandag nog in ons lewens dat ons klere, ons beskerming deur situasies en
skares van ons afgeskeur word en ons geslaan word met stokke van mismoedigheid,
minderwaardigheid, siekte, haat, bitterheid, woede, afguns, jaloesie, twis, tweedrag,
naywer, verwardheid en twyfel. Dinge wat met ons gebeur wat veroorsaak dat ons voete
aan blokke vasgebind word en ons nie meer die voete vir bereidwilligheid van die
verkondigheid van evangelie het nie. Vasgevang in die diepste in die binneste van die
gevangenis, daar waar dit donker is en die wêreld van ons vergeet het. En die
tronkbewaarder van skuldgevoelens, opressie, depressie, teistering, obsessie, kompulsie,
manipulasie en verwerping maak seker dat ons daarbinne bly.
b) Maar Paulus en Silas het besef dit is tyd om in die atmosfeer te begin spreek en hulle
het begin deur saam te bid. (Hand 16:25 AOV) En omtrent middernag het Paulus en
Silas gebid en lofliedere tot eer van God gesing; en die gevangenes het na hulle
geluister. Ek glo met my hele hart dat hulle uit dankbaarheid gebid het vir dit wat God
alreeds in en deur hulle gedoen het. Dat hulle gebid het met die wete dat hierdie situasie
net tydelik is, want hulle het voorheen al die grootheid van God aanskou.
c) Vanuit hierdie gebed begin lofliedere tot eer van God te vloei. Hulle het lofliedere gesing
wat God vereer het en Sy naam verhoog en grootgemaak het.
d) Geen twyfel dat die ander gevangenisse alreeds geweet het waarom Paulus en Silas in die
tronk is nie. Dat hulle met stokke geslaan en hul klere van hul afgeskeur is nie. Geen
twyfel dat die ander gevangenisse self deur die lewe verniel en swak behandel is nie. Dat
baie van hulle dalk self onregverdiglik behandel was nie. Geen twyfel dat baie van hulle
ook geen hoop meer gehad het nie. Maar skielik kom daar ‘n geluid uit ‘n ander sel uit.
‘n Geluid van die HERE wat deur sy geestelik vrygemaaktes geuiter word. Sien Paulus
en Silas was in ‘n tronk, maar hulle was vry. Wat was hierdie geluid? Wat was hierdie
lied? Ja sowaar. Kom ons luister. Ek glo dat liede wat hulle gesing het was
oorwinningsliede soos Moses en Jósafat. Hulle kon dit sekerlik nie sien nie, maar ek is
glo die hemelse strydwaens het gereed gestaan soos met Elisa.
e) Hierdie was liede wat die evangelie van JESUS verkondig het, wat van God se goedheid
en ewigdurende liefde vertel het, wat gekom het om mense te verlos en nuwe lewe te gee.
‘n God wat hulle harte ken en hulle sien en hulle nooit sal verlaat of begewe nie, maar ‘n
God wat belowe het om met hulle te wees tot aan die voleinding van die dae. ‘n God wat
hulle sal verlos van elke bose mag in hulle lewe. En soos hierdie twee manne liede tot
verheerliking van God sing, word dit wat hulle verklaar in die geloof deur hulle liede ‘n
werklikheid en skud God die fondamente van die gevangenis en onmiddellik het al die
deure oopgegaan en die boeie van almal raak los.
f) Die beloftes van God bring nooit hoop tot ‘n biddelose en ongelowige hart nie. Ek glo
dat hulle eenvoudig gesing het omdat hulle lief is vir God. (Heb 11:6 AOT) En sonder
geloof is dit onmoontlik om God te behaag; want hy wat tot God gaan, moet glo dat Hy
is en ‘n beloner is van die wat Hom soek.
Saamgestel deur Tania Berrangé (Webwerf: www.taniab.co.za) (Epos: taniaberrange@gmail.com)
Updated: 30 August 2010
Bladsy 18