HOOFSTUK 5 DIE KRAG IN ONS LOFSANGE (Kol 3 ... - taniab.co.za

Bladsy 11
Bemagtig deur Lofsange: Leringe vir ons Musiekspan en Gemeente: Hoofstuk 5: Die krag in ons Lofsange
(2Sam 6:15 AOT) So het Dawid en die hele huis van Israel dan die ark van die
HERE met gejuig en basuingeklank opgehaal. (2Sam 6:16 AOT) Toe die ark
van die HERE die stad van Dawid inkom, kyk Migal, die dogter van Saul, juis
deur die venster en sien koning Dawid huppel en dans voor die aangesig van
die HERE; en sy het hom in haar hart verag.
(Psa 30:12 AOT) U het my weeklag vir my verander in ‘n koordans, U het my
roukleed losgemaak en my met vreugde omgord; (Psa 30:13 AOT) sodat my eer
U kan besing en nie swyg nie. HERE, my God, vir ewig sal ek U loof. (Eks
15:20-21)
(Hand 3:8 AOT) En hy het opgespring en gestaan en rondgeloop en saam met
hulle in die tempel ingegaan terwyl hy rondloop en spring en God prys.
f) Die bespeling van instrumente self word gesien as ‘n verering tot God en dra by tot
die atmosfeer van lofprysing - (Psa 150:3 AOT) Loof Hom met basuingeklank, loof
Hom met harp en siter; (Psa 150:4 AOT) loof Hom met tamboeryn en koordans,
loof Hom met snarespel en fluit; (Psa 150:5 AOT) loof Hom met helder simbale,
loof Hom met klinkende simbale! (Psa 150:6 AOT) Laat alles wat asem het, die
HERE loof! Halleluja!
g) Ons sang, spraak en selfs uitroepe dra by tot ‘n atmosfeer van lofprysing. Die Bybel
praat nie van ‘n fanatiese, mindless babbling nie, maar van betekenisvolle
ekspresiewe lof wat luidrugtig gedoen word. God verlang dat ons met Hom sal
kommunikeer en ons stemme in die proses gebruik. (Heb 13:15 AOT) Laat ons dan
gedurig deur Hom aan God ‘n lofoffer bring, dit is die vrug van die lippe wat sy
Naam bely.
4. VOORBEREIDING VIR LOFSANGE WAT TOT OORWINNING LEI
Ons krag lê nie per sy in ons lofsange nie, maar in God. Dit is God wat deur ons lofsange die
oorlog voer in die geestesrealm. Lofsange TOT GOD stel Sy krag namens ons vry. Ons oë en
harte moet onverdeeld op Hom gerig wees tot ons oorweldig word met Sy heerlikheid, Sy liefde,
Sy genade, Sy kompassie en Sy mag. Dan begin ons die lewe vanuit Sy perspektief sien.
Waarop moet ons fokus?
4.1 Josua se voorbeeld
Vir Josua en die volk om in oorwinning uit te stap moes hulle gehoorsaam wees in die
volgende, wat vir ons ‘n weerspieëling is van wat ons moet doen in ons geestelike lewe
vandag, om die oorwinning te behaal. Slegs wanneer ons hierdie dinge doen sal ons met
volle oorgawe en oortuiging die krygsgeskree kan aanhef, en sal die mure val.
a) Vertrou in God se beloftes. (Jos 2:9; 6:2). Vertrou in God se beloftes wat Hy aan ons gee
deur Sy Woord. (1 Kor 15:57; 2 Kor 2:14; Rom 8:37; Rom 4:19-22)
Saamgestel deur Tania Berrangé (Webwerf: www.taniab.co.za) (Epos: taniaberrange@gmail.com)
Updated: 30 August 2010
Bladsy 11