Julie - Gkkandelaar.co.za

More documents

Recommendations

Info

van nature by die mens bestaan. Die drang om nie onderworpe te wees aan gesag nie – ’n eienskap eie aan die opstandigheid van die mens, wat sy oorsprong reeds in die paradys het. Die mens wil soos God wees (Genesis 3:5) – in beheer van alles, kenners van goed en kwaad. Hy soek sy eie verlossing en verwerp sodoende God se gesag en ontken die werk van Christus. Maar, wat meer is, die mens soek sy verlossing binne homself. Hy besef nie van watter aard en in watter toestand hy is nie – hy besef nie dat hy tot niks in staat is nie (2 Korinthiërs 3:5). Hy ontken die sonde en onderwerp die leer van die sondeval en erfsonde 2 aan die menslike verbeelding. Hy is van nature onder die indruk dat alle bestaande antwoorde die produk van sy eie kennis en insig is. Wanneer iets dus nie uitgeredeneer kan word nie, bestaan dit nie en is dit onwaar (“I think, therefore I am” - Descartes). Freudisme is presies dit. Dit is maar net nog ’n menslike antwoord op die probleme, wat die gevolg is van politieke, godsdienstige en kulturele vryheid.” 2 Nederlandse Geloofsbelydenis Artikel 15: “Ons glo dat die erfsonde deur die ongehoorsaamheid van Adam oor die hele menslike geslag uitgebrei het. Dit is ‘n verdorwenheid van die hele natuur en ‘n oorgeërfde gebrek waarmee selfs die klein kindertjies in die moederskoot besmet is. Dit is hierdie wortel wat in die mens allerhande sonde laat uitspruit. Dit is daarom so afskuwelik en gruwelik voor God dat dit rede genoeg is om die menslike geslag te verdoem. Dit word selfs nie deur die doop geheel en al tot niet gemaak of volkome uitgeroei nie, aangesien die sonde aanhoudend uit hierdie verdorwenheid opborrel soos water uit ‘n giftige fontein. Dit word die kinders van God ewenwel nie tot verdoemenis toegereken nie maar deur sy genade en barmhartigheid vergewe. God vergewe nie sodat die gelowiges in die sonde gerus sou slaap nie maar wel sodat die besef van hierdie verdorwenheid hulle dikwels sou laat sug in die verlange om van hierdie liggaam van die dood verlos te word...” 8 • Augustus 2012 die sonde wat hy so hewig ontken. Die wetenskaplike waarhede wat daarin versteek is mag egter ook nie ontken word nie. Daar is bepaalde maniere waarop die psige van die mens werk en funksioneer, wat Freud ook gedeeltelik in sy fi losofi e opgeneem en so vir die wetenskap bekend gemaak het. By enige wetenskap is die Bybel as Woord van God die ‘handboek’ van die fi losofi e, van die wetenskap en daarom neem die pastorale be rader slegs uit Freud se teorie wat in ooreenstemming met die Woord en tot opbouing van die beradene is. Die grootste gedeelte van sy teorieë is direk in stryd met die Woord van God. Vergelyk as voorbeeld die volgende punte wat Almy (2000:22-29), onder andere oor Freud se teorie, noem: 1. “The fi rst and most foundational pillar of Freudian theory and psychotherapy is the assertion that human mental and emotional diffi culties are the result of improper external environmental infl uences. 2. ...there exists in each person a ‘dynamic unconscious’ that determines and controls our every thought and action. Freud asserted that the mind, outside of our awareness, is a powerful repository of instincts, experiences, sensations, perceptions, emotions and thoughts. This repository is always active, and it controls our thoughts, feelings, behaviours and relationships. 3. The fi fth pillar of Freudian practice is the notion of selfsufficiency and self-cure... people could solve their own problems without the help of God or any supernatural source. 4. Freedom from guilt, shame, fear, anxiety and suffering is the unabashed, openly-stated goal of psychotherapy... the desire to avoid suffering is a major reason for the exi- stence of the therapeutic community.” Die Skrif leer presies die teenoorgestelde van bogenoemde. In plaas daarvan dat die mens tot alle goeie dinge in staat is en God nie nodig het nie, leer die Woord van God dat: “...daar ‘n enige en enkelvoudige geestelike Wese is wat ons God noem. Hy is ewig, onbegryplik, onsienlik, onveranderlik, oneindig, almagtig, volkome wys, regverdig, goed en die alleroorvloedigste fontein van alles wat goed is.” (Nederlandse Geloofsbelydenis Artikel 1, 2 Kor 3:17; Joh 4:24; Jes 40:14). Alleen God is goed en die mens is net in staat om kwaad te doen, tensy Hy weergebore word in die Gees van God (Heidelbergse Kategismus Vraag en Antwoord 8). Die mens staan totaal en al aan die passiewe, ‘ontvang’ kant, waar hy die geloof in Christus ontvang na die uitverkiesing deur God. Hierna roep God die gelowige deur die Gees op tot ’n nuwe lewe en maak hom aktief in die geloof om tot eer van die Almagtige te leef. Anders as Freud, glo die Christen nie in ’n onmiddellike, menslike oplossing vir sy probleme nie, maar eerder in ’n duratiewe verhouding met God, wat elke probleem in kontras stel met die genade wat hy in Hom ontvang het. Dít wek in hom ’n gees van dankbaarheid in plaas van moedeloosheid en hopeloosheid. • Die gehoorsame Christen dien God in gees en waarheid Die Christen beskou probleme nie net anders as Sigmund Freud nie, maar lééf ook radikaal anders. Hy leef met hierdie geweldige besef dat hy deur God vrygemaak is van die sonde en nou opgeroep word tot ’n gehoorsame uitverkorene van God. Dit beteken onder meer dat ’n ware gelowige daagliks daarna streef om die ou mens te kruisig en met Christus in ’n nuwe lewe op te staan, soos Paulus ook aan die gemeente in Efese skryf: “...dat julle, wat die vorige lewenswandel betref die oue mens moet afl ê
wat deur die begeerlikhede van die verleiding te gronde gaan, en dat julle vernuwe moet word in die gees van julle gemoed en julle met die nuwe mens moet beklee wat na God geskape is in ware geregtigheid en heiligheid” (Efesiërs 4:22- 24). Dit beteken dat elke Christen God wil gehoorsaam en Hom dien, in gees en in waarheid. Waarom in gees? Want God is Gees (Johannes 4:24). Waarom in waarheid? Want Christus “...is die weg en die waarheid en die lewe...” (Johannes 14:6). Hy is die waarheid, omdat Hy God aan ons openbaar soos Hy is en daarom kan ons Hom só ken (Johannes 1:18, 6:46 en 8:32). Christus het ook met Sy hemelvaart beloof om die Gees van Waarheid te stuur (Johannes 16:13). Hierdie Gees “...getuig saam met ons gees dat ons kinders van God is.” (Romeine 8:16). God eis van elkeen wat Christus as Verlosser bely om die Vader in gees en waarheid te dien: “...die ware aanbidders sal die Vader in gees en waarheid aanbid; want die Vader soek ook mense wat Hom só aanbid” (Johannes 4:23). Slegs dan is enige pastorale werk van nut. God duld dit nie om as tydelike gelukbringer gebruik te word nie. God gee aan die wat reg tot Hom bid – voortdurend bid (Romeine 12:12, Kolossense 4:2, Mattheus 7:7,8). En, soos reeds genoem is, loop voortdurende bestudering van die Woord hand aan hand met voortdurende gebed, omdat die Gees en die Woord – die Gees van waarheid en die getuienis van die Waarheid, Christus – onskeibaar is. 3. Skrifl esing en gebed – die onskeibare getuienis van die Waarheid Wanneer ’n mens reg bid, getuig jy van Christus. Jy erken die verlossingsdaad van Christus en pleit om vergifnis van jou sondes. Verder erken jy die gesag van God, aangesien jy tot Hom in eerbied nader en aanroep as Abba, Vader, maar ook as jou Skepper en Koning. Om reg te kan bid, impliseer dat ’n persoon kennis moet dra van die regte en verkeerde metode. Hierdie kennis word deur die Woord verkry. “Ons glo dat hierdie Heilige Skrif die wil van God volkome bevat en dat alles wat die mens vir sy saligheid moet glo, daarin voldoende geleer word. Aangesien die hele wyse waarop God deur ons gedien moet word, daarin breedvoerig beskrywe word” (Nederlandse Geloofsbelydenis Artikel 7). Die regte gebed getuig dus van Christus omdat die kennis daarvoor verkry word deur die Gees wat werk deur middel van die Woord. Die Woord op sigself getuig ook van Christus. Christus is die vleesgeworde Woord (Johannes 1:14). Die Gees werk alleenlik deur die Skrif; die Gees gaan vanuit die Vader en vleesgeworde Woord. “Ons glo en bely ook dat die Heilige Gees van ewigheid van die Vader en die Seun uitgaan” -Nederlandse Geloofsbelydenis Artikel 11. Hieruit tree dit baie duidelik na vore dat die Woord en gebed twee afsonderlike getuienisse is wat onskeibaar is, aangesien altwee van Christus, die enigste Waarheid, getuig. Berading deur middel van die getuienis Wanneer die pastorale berader tydens ’n beradingsessie uit die Woord lees, getuig hy openlik van Christus. Sy gebed dien verder as versterking van die beradene se geloof omdat dit voortbou op die Skrifl esing. Die Woordbediening deur Skrifl esing en gebed dien dus as getuienis van Christus en die direkte antwoord op die beradene se vrae. Die pastorale berader gaan egter nie die persoon wat vra om hulp, telkens beantwoord met ’n teksgedeelte of ’n vinnige gebed nie. Die berader moet wel sielkundige metodes toepas om te verstaan waarom die persoon hom- of haarself bevind in die huidige problematiese omstandighede. Dit is egter die berader se verantwoordelikheid om die gedagte by die beradene tuis te bring dat die uiteindelike oplossing opgesluit lê in Christus, omdat die mens in sonde geval het en tot niks in staat is sonder God nie is daar alleen in Hom verlossing. Weens die omstandighede waarin hierdie persoon verkeer, is Christus dikwels nie die klinkklare antwoord nie. Dit is die sondige reaksie waarby hy/sy verby moet kyk. Die beradene kan dit slegs deur middel van verdieping in Gods Woord en gebed regkry. Die pastorale berader is ook verantwoordelik om hierdie individu daartoe aan te spoor. Sonder Skriflesing en gebed sal die pastorale ontmoeting op dieselfde vlak lê as ’n ontmoetingsessie met die sielkundige, aangesien die oplossing buite Christus, in die individu self, gesoek sal word. Die pastorale berader gaan eerder sielkundig te werk in sy getuienis van Christus. 4. Gevolgtrekking As gevolg van die sondeval gebeur dit dat ’n mens in onverstaanbare, moeilike situasies leef. Die Christen, wat God dien deur gedurig uit die Skrif te leer en tot God te bid, het ’n unieke uitkyk op hierdie situasies. Hy weet dat hy ’n Vader in die hemele het wat in gemeenskap leef met Sy kinders en na hulle luister, omdat Christus as Middelaar intree. Gods kinders besef en bely dat Adam die mensdom in sonde gedompel het, vandaar die armoedige bestaan wat hulle op aarde voer. Maar, daar is vergewing en verlossing! Christus het vir God se uitverkorenes aan die kruis gesterf en daarom leef hul tot Sy eer. Hulle behoort aan die Here (Jesaja 43:1, 1 Petrus 1:2, Romeine 14:8). Hierdie besef word dikwels verduister en onderdruk weens die sondige natuur van elke mens. God sorg egter vir Sy kudde en stuur ’n herder, ’n berader, wat in sy pastorale getuienis van Christus, saam met die kragtige werking van die Gees, hierdie besef weer wakker maak. Anders as die Freud-metodes wat getuig Augustus 2012 • 9
Page 1 and 2: KERK EN WOORD Maandblad van die Ger
Page 3 and 4: Skrifoordenking Lees: 1 Korinthiër
Page 5 and 6: ely, fi sies en psigies verwoestend
Page 7: het die pad aan, laat hulle wei, re
Page 11 and 12: BELANGRIKE BOEKBESPREKING Christles
Page 13 and 14: Hoekom mag kinders nie die nagmaal
Page 15 and 16: ‘Gemeente-kommunikeerder’ Gelie
Page 17 and 18: Studente word ook aangemoedig om se
Page 19 and 20: KORTVERSLAG VAN DIE VERGADERING VAN
Page 21 and 22: Besluit: ‘n Kommissie bestaande u
Page 23 and 24: nie. Die barbaarse lied “Skiet di
Page 25 and 26: Eerste Protestante in Korea In 1628
Page 27 and 28: gevoelens tussen broeders. Gedurend
Page 29 and 30: alles probeer die satan die mens ve
Page 31 and 32: deelneem aan hierdie stryd. Soos wa
Page 33 and 34: aangevuur deur al die goeie kattekw
Page 35 and 36: Ons het gehoor…. Scatterbrains -
Page 37 and 38: ONS ‘F’AMILIE Gesin Eduard en T
Page 39 and 40: Die Heilige Nagmaal Omkring die woo

Julie - Gkkandelaar.co.za

Create successful ePaper yourself

Delete template?

Save as template?