You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
deur middel van Bybelklasse. Die<br />
drie “selfs” het gegeld:<br />
1) Self-onderhoud – bou eie kerke<br />
en betaal eie pastors;<br />
2) Self-regering – Koreaanse<br />
Christene is vroeg in beheer van<br />
hul eie sake geplaas;<br />
3) Self- propagering – elke Christen<br />
is verantwoordelik daarvoor<br />
om die mense rondom hom/haar<br />
vir Christus te wen.<br />
Van 1895 tot 1905 was daar ‘n ontploffi<br />
ng in die lidmaatgetalle. Die<br />
lidmate het met ongekende ywer<br />
hul verlossing in Christus met hul<br />
landgenote gedeel. Die sendelinge<br />
het steeds net opvolgwerk gedoen.<br />
Eksaminering en doop van nuwe<br />
bekeerlinge het groot eise aan die<br />
sendelinge, wat moeilik kon bybly,<br />
gestel. ‘n Groot faktor vir hierdie<br />
groei was die Sino-Japanse oorlog.<br />
China en Japan het mekaar<br />
die stryd aangesê op Koreaanse<br />
grondgebied. Sendelinge was van<br />
mening dat, indien die Japannese<br />
sou wen, dit die einde van die sendingwerk<br />
in Korea sou beteken.<br />
Die kerk het so vinnig gegroei dat<br />
die sendingrade besorg geraak het<br />
dat die groei te vinnig was. Ondersoeke<br />
het egter getoon dat die jong<br />
bekeerlinge met ongekende ywer<br />
en harde werk nie net bekeerlinge<br />
gewerf het nie, maar die mense<br />
is voortdurend in die leer van die<br />
Christendom deur leke en die sendelinge<br />
onderrig.<br />
Die Koreaanse Pinkster<br />
van 1907<br />
Verdere bevestiging vir die geestelike<br />
onderbou in die groei was die<br />
“Pinkster” van 1907. Ondanks die<br />
ongekende ywer en entoesiasme<br />
wat die beginjare van die kerk<br />
gekenmerk het, was dit nie altyd<br />
maanskyn en rose nie. Die Amerikaanse<br />
sendelinge het beplan<br />
om die kerksake in geheel teen<br />
1907 aan die plaaslike leiers te<br />
oorhandig. Die plaaslike teologiese<br />
skool sou dan die eerste<br />
afstuderende studente lewer. Op<br />
die vooraand van hierdie oorhandiging<br />
het sluimerende emosies<br />
tot uitbarsting gekom. Die oorloë<br />
26 • Augustus 2012<br />
(Japan/China/Rusland) wat gedurende<br />
hierdie tyd van ongekende<br />
kerkgroei plaasgevind het, het<br />
tog ‘n impak op die mense wat in<br />
die oorlog en by die kerkplanting<br />
betrokke was gehad. Japan het die<br />
Russies-Japanse oorlog gewen met<br />
die gevolg dat Korea in Japanse<br />
hande gelaat is. Korea het geen<br />
sê hierin gehad nie; die Koreane<br />
moes gelate aanvaar dat Japan<br />
nou vir Korea regeer. Dit was ‘n<br />
groot vernedering vir hulle. Jare<br />
se wanregering uit eie geledere<br />
kon nie doen wat die vreemde oorheersing<br />
onmiddellik bewerk het<br />
nie: Koreaanse patriotisme het<br />
wakker geword.<br />
Christenskap gee mense moed<br />
en talle binne die kerk was openlik<br />
bereid om oorlog teen Japan<br />
te maak. Die Christendom was<br />
die sterkste organisasie om so<br />
oorlog aan die gang te sit. Ander<br />
mense binne die kerk was egter<br />
van mening dat die kerk ‘n boodskap<br />
van liefde, verdraagsaamheid<br />
en vergiffenis moet uitdra.<br />
Hierdie twee groeperings binne<br />
die kerk het tot spanning gelei.<br />
Op die vooraand van die oorhandiging<br />
van totale regeringsmag aan<br />
die Koreane, woed hierdie stryd<br />
steeds hewig. Die oorhandiging<br />
van die regeermag aan die Koreane<br />
is in die gedrang. Die sendelinge<br />
was egter verbind tot hierdie<br />
oorhandiging. Sou hierdie jong<br />
kerk die spanning tot eer van God<br />
ontlont?<br />
Gedurende Augustus 1906 het<br />
verskillende belanghebbende<br />
partye vir ‘n week van Skrifstudie<br />
en gebed oor hierdie netelige<br />
saak in Pyengyang ontmoet. Die<br />
teenwoordiges het tot die oortuiging<br />
gekom dat sondebelydenis<br />
en gebroke harte deur God vereis<br />
word. Die Koreaanse kerk moes<br />
onder andere bely dat hulle die<br />
Japanese haat. Baie het tot op<br />
daardie stadium by die kerk aangesluit<br />
met geloof in Jesus Christus<br />
as hulle Verlosser en Saligmaker,<br />
sonder ‘n werklike besef van<br />
hul sondetoestand. Die kerk moes<br />
bewus word van God se Heilig-<br />
heid. Die grootste probleem was<br />
nie die nasionale lyding onder die<br />
Japanse druk nie, maar eie sondigheid<br />
wat hul verhouding met<br />
God belemmer.<br />
Op 6 Januarie 1907 het nog so ‘n<br />
week van Bybelstudie begin. Die<br />
teenwoordiges het andermaal tot<br />
die besef van liefde en geregtigheid<br />
gekom. Die Saterdagaand het dr.<br />
Blair (Presbiteriaanse sendeling<br />
uit wie se geskrifte hierdie deel<br />
van die artikel kom) uit 1 Korintiërs<br />
12:27 gepreek – Die kerk is<br />
een liggaam: as een deel ly, dan ly<br />
die liggaam. Talle het hul sonde<br />
van liefdeloosheid teenoor die<br />
Japanese bely. Die Sondagaand<br />
het die teenwoordiges ‘n doodsheid<br />
ervaar; dit was asof iets alles<br />
blokkeer het. Na die prediking het<br />
almal vertrek met ‘n gevoel dat die<br />
duiwel geseëvier het.<br />
Die volgende dag (Maandag) om<br />
twaalfuur het die sendelinge<br />
weer byeengekom. Hulle het tot<br />
God om genade geroep. Daardie<br />
aand was die gevoel tydens die<br />
byeenkoms anders, elkeen het die<br />
teenwoordigheid van God ervaar.<br />
Dr. Blair het dit onmoontlik<br />
gevind om die gevoel te beskryf.<br />
Na ‘n kort preek het hulle met<br />
gebed begin. Almal het tegelyk<br />
en hardop gebid. Dr. Blair beskryf<br />
dit asof almal in een Gees<br />
was, daar was geen chaos, geen<br />
verwarring, net ‘n harmonie van<br />
klank en Gees, ‘n vermenging van<br />
siele vervul met die onweerstaanbare<br />
dringendheid om te bid. God<br />
is nie altyd in die warrelwind nie:<br />
daardie nag het God op Pyengyang<br />
deur die geklank van weeklaag<br />
gekom. ‘n Sondebewustheid<br />
het oor die bidders gekom en<br />
almal het saam oor hulle sonde<br />
geween. Die vergadering het tot<br />
twee-uur die oggend aangehou en<br />
die teenwoordiges het een vir een<br />
hul sonde teenoor God bely.<br />
Die sendelinge het die gebeure<br />
met ander gedeel (selfs met die<br />
Metodiste in die stad). Die Dinsdagaand<br />
se vergadering was vir<br />
dr. Blair persoonlik ‘n openbaring.<br />
Hulle was bewus van kwade